Vinsamlegast athugið að þetta efni er eldra en 4 mánaða.
Svartyllis-edik og ofnbakað íslenskt grænmeti
Mynd / BGK
Matarkrókurinn 21. september 2021

Svartyllis-edik og ofnbakað íslenskt grænmeti

Höfundur: Bjarni Gunnar Kristinsson

Þetta auðvelda blóma-edik (svartyllir) er frábær leið til að fanga blómabragðið af ferskum svartylli (elderflowers). Og nú blómstrar hann í görðum og hægt að nota sem krydd í sæta og bragðmikla rétti. Ef ekki er svartyllir er hægt að nota síðustu rósirnar eða hvannarfræ.

Ræktun á Íslandi

Svartyllaræktun hefur verið stunduð hérlendis, en almennt með litlum árangri og verið meira sem fjölært blóm, frekar en runni, vegna kals en ýmsir eru með grænar hendur.

Hráefni

  • 500 ml edik (t.d. hvítvín, eplasafi eða hrísgrjónavínsedik)
  • 4 hausar af fersku elderflower, lífrænum rósum eða hvannarfræjum

Gangið úr skugga um að blómin séu laus við skordýr. Hægt er að þvo blómin. Hins vegar, til að tryggja sterkara bragð, er betra að þvo þau ekki.

Setjið blómin í sultukrukku og hyljið með edikinu. Þið gætuð þurft að ýta þeim aðeins niður til að tryggja að edikið nái alveg yfir.

Lokið krukkunni með loki og látið standa í tvær vikur þar til edikið þroskast við stofuhita. Athugið á hverjum degi eða svo til að ganga úr skugga um að blómin séu enn þakin edikinu.

Eftir tvær vikur, sigtið edikið til að fjarlægja blómin. Auðveldasta leiðin til að gera þetta er að hella því í gegnum sigti sem er fóðrað með hreinum klút.

Bragðbætt edikið geymist endalaust í krukku eða flösku með loki.

Þið getið auðveldlega aukið magnið í þessari uppskrift. Hlutfallið er fjórir blómahausar fyrir hverja 500 ml af ediki.

Íslenskt ofnbakað grænmeti með íslenskri jógúrt og ætum blómum

Ég elska þessa krydduðu jógúrt. Það er fullt af bragði og bætir bragðið til dæmis við blómkál. Svo dásamlega einfalt. Þessi kryddaða jógúrt myndar dýrindis skorpu á blómkálinu og þegar blómkálið er eldað verður það svakalega mjúkt í miðjunni og skapar fallegan miðpunkt fyrir hvert veisluborð!

Hráefni

  • 1 haus blómkál
  • 1 1/2 bolli grísk jógúrt (íslensk framreiðsla)
  • 1 sítróna, rifinn börkur og safi
  • 2 tsk. chiliduft
  • 1 msk. cuminduft
  • 1 msk. hvítlauksduft
  • 1 tsk. karrýduft
  • 2 tsk. maldon sjávarsalt
  • 1 tsk. svartur pipar
  • 1 rauður chili, saxaður smátt
  • 1 handfylli steinselja, skorin gróft niður
  • 1/2 sítróna, aðeins börkur
  • … og öll ætu blómstrandi blómin sem eru í garðinum fyrir fyrsta frost, ofvaxið salat og kryddjurtir byrja að blómstra þegar haustar í mörgum görðum.

Aðferð

Hitið ofninn í 200 gráður og klæðið litla bökunarplötu með bökunarpappír.

Skerið botninn af blómkálinu til að fjarlægja öll græn laufblöð og stöngulinn.

Í skál er jógúrtinu blandað saman við sítrónubörk og safa, chiliduft, kúmen, hvítlauksduft, karrýduft, salt og pipar.

Dreifið marineringunni yfir blómkálið þannig að það sé alveg þakið.

Setjið blómkálið á bökunarplötuna og steikið þar til yfirborðið er þurrt og ljósbrúnt, 40–50 mínútur eða eftir stærð. Marineringin verður að skorpu á yfirborði blómkálsins.

Látið blómkálið kólna í 10 mínútur, dreypið smá jógúrt yfir, nokkrar sneiðar af chilli og stráið saxaðri steinselju yfir. Skreytið með blómum, dreifið berki af einni sítrónu yfir áður en framreitt er.

Ljúffengar jólasnittur og hunangsgljáð andabringa
Matarkrókurinn 21. desember 2021

Ljúffengar jólasnittur og hunangsgljáð andabringa

Hér eru stórkostlegar crostini-áleggshugmyndir, með hátíðarbrag. Þessir ómótstæð...

Spínatfyllt lambalæri eða hryggur og steiktar rauðrófur með geitaosti
Matarkrókurinn 17. desember 2021

Spínatfyllt lambalæri eða hryggur og steiktar rauðrófur með geitaosti

Að rúlla lambinu upp með fyllingunni er sérlega hátíðleg leið til að elda lambal...

Hugmyndir að huggulegri aðventu
Matarkrókurinn 13. desember 2021

Hugmyndir að huggulegri aðventu

Þriðji í aðventu var á sunnudaginn og við hæfi að gefa svolítinn forsmekk að jól...

Kryddjurtahjúpaður lambahryggvöðvi
Matarkrókurinn 19. nóvember 2021

Kryddjurtahjúpaður lambahryggvöðvi

Kryddjurtahjúpaður lambahryggvöðvi, með grænkáli, brokkolí og ratatouille.

Purusteik og samloka með grísakjöti
Matarkrókurinn 5. nóvember 2021

Purusteik og samloka með grísakjöti

Þegar fer að líða að jólum er gott að byrja að æfa sig í því að gera stökka svín...

Kjötbollur og kjötsúpa
Matarkrókurinn 29. október 2021

Kjötbollur og kjötsúpa

Þessar heimabökuðu kjötbollur eru svo miklu betri en þær sem eru keyptar tilbúna...

Ofnsteiktir lambaskankar  með fullt af íslensku grænmeti
Matarkrókurinn 11. október 2021

Ofnsteiktir lambaskankar með fullt af íslensku grænmeti

Miðjarðarhafskryddað lambakjöt, soðið í rauðvíni og tómatsósu með grænmeti, kryd...

Lambakótelettur og ristað blómkál
Matarkrókurinn 1. október 2021

Lambakótelettur og ristað blómkál

Nú er sláturtíð og ef fólk á ber í frysti er hægt að gera veislu með hjálp frá n...