Vinsamlegast athugið að þetta efni er eldra en 7 ára.
Salatvefjur fyrir hugaða matgæðinga
Matarkrókurinn 7. nóvember 2014

Salatvefjur fyrir hugaða matgæðinga

Höfundur: Bjarni Gunnar Kristinsson

Kál- eða salatvefjur eru í uppáhaldi hjá mér og ekki að ástæðulausu. Þær eru auðveldar í matreiðslu, hollar og gaman að borða.

Ef þú vilt prófa ótrúlega einfalda uppskrift er hægt að gera klassískt salatmeðlæti að eigin vali sem er svo  sett í salatblaðið og rúllað upp eða fyllt stökkt salat með ýmsum fyllingum.

Einföld salatvefja

Hráefni:

  • 8 stór stökk salatblöð eða grænkálsblöð
  • 1 rauðlaukur
  • 1 rauð paprika
  • 150 g kjúklingabringa (elduð)
  • 2 matskeiðar ólífuolía
  • salt
  • nýmalaður pipar
  • ögn af Cayenne pipar 
  • 1 msk. sítrónusafi

Aðferð

Þvoið salatið og skerið laukinn í þunnar ræmur. Takið  paprikuna og skerið í tvennt, fræhreinsið hana og skerið í litla teninga eða saxið gróft (allt eftir smekk). Kjúklingabringuna er best að skera í litla bita. Kryddið svo kjötið og blandið við grænmetið. Kreistið sítrónusafa yfir. Raðið meðlætinu á salatlauf eða grænkál og hver bjargar sér sjálfur.

Salatvefja með kóreskri steikarfyllingu

Hráefni:

  • 1 stk. nautasirloinsteik
  • 1 meðalstór rauðlaukur
  • 2 stk. hvítlauksgeirar, fínt saxaðir
  • 1–2 tsk. ferskur engifer, fínt saxað
  • 4 msk. soja sósa
  • 2 og ½ msk. púðursykur
  • 2 matskeiðar mirin (sem er asísk hrísgrjónasósa) má sleppa
  • 1 tsk. ristuð sesamolía
  • 1 msk. matarolía
  • 2 stk. vorlaukur, saxaðir
  • sesamfræ
  • 1 höfuð icebergsalat eða kínakál
  • Súrsaðar gulrætur
 

Hráefni:

  • 200 g rifnar gulrætur
  • 100 ml vatn
  • 2 msk edik
  • 1 hvítlauksrif, marið
  • 2 msk. sykur
  • 1 tsk. salt

Aðferð

Gott er að setja steikina í frysti í um 10–15 mínútur áður en hún er skorin í þunnar sneiðar. Blandið saman hvítlauk, engifer, sojasósu, púðursykri, mirin og sesamolíu. Látið kjötið marinerast í að minnsta kosti 2 klst.

Fjarlægið steik úr kæli u.þ.b. 20–30 mínútum áður en það á að elda kjötið. Hitið olíu í pönnu yfir miðlungshita. Þegar pannan er  heit, bætið steik og vorlauk í og eldið í um 4–5 mínútur. Bætið í sesamfræjum.

Berið fram á icebergsalati og súrsuðum gulrótum, muldum hnetum eða maíssnakki.

Aðferð: sýrðar gulrætur

Hitið vatn í litlum potti yfir miðlungshita, bætið ediki, hvítlauk, salti og sykri út í. Fjarlægja úr hita og hellið yfir rifnar gulrætur. Kælið í krukku. Gulræturnar munu endast í nokkrar vikur.

 

Gómsætar gellur á stökku salatblaði

Fyrir 3–4

Hráefni:

  • 300 g ferskar gellur
  • 2 msk. steinselja, söxuð smátt
  • ½ meðalstór gulrót
  • ¼ stk. paprika, rauð
  • ¼ stk. paprika, gul
  • estragon á hnífsoddi

Aðferð

Veltið gellunum upp úr hveiti og steikið upp úr smjöri.

Kryddið með salti og pipar og estragon. Fínsaxið grænmetið og steikið í örlitla stund. Framreiðið með meðlæti að eigin vali ofan á stökkt salatblað.

 

3 myndir:

Grillaður grísahnakki fyrir fjóra
Matarkrókurinn 30. júní 2022

Grillaður grísahnakki fyrir fjóra

Við stefnum á að gefa lesendum blaðsins hugmyndir að einföldum og bragðgóðum ...

Hálfgrillaðir kjúklingavængir
Matarkrókurinn 15. júní 2022

Hálfgrillaðir kjúklingavængir

Fátt er betra en djúsí kjúklingavængir sem þarf ekki að hafa mikið fyrir að ...

Fylltur lambahryggur og púðusykurskaka
Matarkrókurinn 22. apríl 2022

Fylltur lambahryggur og púðusykurskaka

Það er alltaf tilvalið að gera góða lambasteik, annaðhvort fylltan hrygg eða pön...

Nautasteik og bernaise-smjör
Matarkrókurinn 6. apríl 2022

Nautasteik og bernaise-smjör

Nautasteik og bernais er sígildur réttur. Hér eru kókóskúlur líka fyrir eftirrét...

Kryddaðar sveppa- og spergilkálsnúðlur
Matarkrókurinn 18. mars 2022

Kryddaðar sveppa- og spergilkálsnúðlur

Shiitake sveppir gefa „kjötmikla“ áferð og bragð auk þess sem íslensku sveppirni...

Indverskur  grænmetisréttur (Dal Karry Samosa)
Matarkrókurinn 4. mars 2022

Indverskur grænmetisréttur (Dal Karry Samosa)

Bragðmikið linsubauna (dal) karrí er fyllingin fyrir samósu kodda með stökku dei...

Svartbaunakarrí og fersk lúða
Matarkrókurinn 11. febrúar 2022

Svartbaunakarrí og fersk lúða

Þetta auðvelda svarta baunakarrí er mjólkurlaust, egglaust og bragðgott, fullt a...

Sítrónu- og hvítlaukskjúklingasnitsel með fljótlegri puttanesca-sósu
Matarkrókurinn 28. janúar 2022

Sítrónu- og hvítlaukskjúklingasnitsel með fljótlegri puttanesca-sósu

Stökkt kjúklingasnitsel, borið fram með sterkri (og fljótlegri) puttanesca-tómat...