Vinsamlegast athugið að þetta efni er eldra en 2 ára.
Kryddaðar sveppa- og spergilkálsnúðlur
Mynd / BGK
Matarkrókurinn 18. mars 2022

Kryddaðar sveppa- og spergilkálsnúðlur

Höfundur: Bjarni Gunnar Kristinsson

Shiitake sveppir gefa „kjötmikla“ áferð og bragð auk þess sem íslensku sveppirnir klikka ekki heldur.

Kryddaðar sveppa- og spergilkálsnúðlur
  • 1 stk. grænmetisteningur
  • 2 hreiðurslaga eggjanúðlur
  • 1 lítið spergilkál, skorið í báta
  • 1 msk. sesamolía, auk til að bera fram
  • 250 g pakki shiitake eða kastaníu­ sveppir, skornir í þykkar sneiðar
  • 1 stk. hvítlauksgeiri, smátt saxaður
  • ½ tsk. chiliflögur, eða myljið eitt
  • þurrkað chlli í bita
  • 4 vorlaukar, þunnt skornir
  • 2 msk. hoisin-sósa
  • handfylli ristaðar kasjúhnetur

Setjið soðið (teninginn) í pott með vatni og hitið að suðu. Bætið núðlunum út í, hitið soðið aftur að suðu og eldið í 2 mínútur. Bætið spergilkálinu út í og sjóðið í 2 mínútur í viðbót. Geymið bolla af soðinu og takið síðan núðlurnar og grænmetið upp úr.

Hitið pönnu eða wok, bætið sesamolíu út í og hrærið sveppum saman við í 2 mínútur þar til þeir verða gullnir. Bætið hvítlauknum, chiliflögunum og vorlauknum út í, eldið í 1 mín. í viðbót, hellið svo núðlunum og brokkolíinu út í. Skvettið 3 matskeiðum af soðinu og hoisin-sósunni út í og blandið síðan saman í eina mínútu með töng eða 2 tréskeiðum. Berið núðlurnar fram með kasjúhnetunum og vorlauknum sem eftir eru. Bætið smá sesamolíu við eftir smekk, ef vill.

Berið fallega fram, gott að æfa tæknina að borða með prjónum.

Grillaður halloumi-ostur …

… er fljótlegur og auðvelt að elda á grillinu eða á grillpönnu heima í sneiðum, eða þú getur gert það að osta- og grænmetisspjótum.

Halloumi-ostur er jafnan gerður úr kindamjólk á grísku eyjunni Kýpur. Það er gert án ostahleypis svo það er öruggt fyrir grænmetisætur sem forðast kjötvörur. Í halloumi er hærra bræðslumark en þú finnur í flestum ostategundum, þannig að hann dettur ekki í gegnum ristina á grillinu, sem gerir það að verkum að frábært er að grilla hann.
Þið fáið líka fallegar grillrendur á ostinn sem gerir salat fallegt og girnilegt. Ekki freistast til að taka bita af ferska halloumi-ostinum bara úr pakkanum – hann hefur svolítið skrýtna áferð og er gúmmíkenndur.

Á grillinu (eða jafnvel bara pönnusteiktur) lifnar halloumi-osturinn hins vegar við og verður ljúffengur.

  • 1 pakki halloumi-ostur
  • 2 matskeiðar ólífuolía
  • sítrónubátar
  • ferskar kryddjurtir (basil, mynta, oregano)

Forhitið grillið inni eða úti í miðlungshita.

Skerið halloumi-ostinn í breiðar, þykkar sneiðar og penslið létt á hvora hlið með ólífuolíu.

Setjið ostinn varlega á grillið í aðeins nokkrar mínútur á hvorri hlið (um það bil 2 til 3 mínútur), þar til hann er léttbrúnn og mjúklega stökkur. Ekki ofgrilla.

Skreytið ostasneiðarnar með sítrónubátum eða ferskum krydd- jurtum eins og basil, myntu eða oregano.

Berið fram með grilluðu pítubrauði og njótið!

Hryggur um páskana
Matarkrókurinn 26. mars 2024

Hryggur um páskana

Það er nánast samofið páskunum að borða lambakjöt af einhverju tagi. Læri, hrygg...

Rasmus og Sven gera bollur
Matarkrókurinn 18. mars 2024

Rasmus og Sven gera bollur

Hakkréttir eru fín leið til að metta marga og vinsæll valkostur á heimilum lands...

Tvistað við ofurstann
Matarkrókurinn 4. mars 2024

Tvistað við ofurstann

Djúpsteiktur kjúklingur, sem flestir þekkja í gegnum ofursta nokkurn frá Kentuck...

Reykt ýsa, blaðlaukur og kartöflur
Matarkrókurinn 19. febrúar 2024

Reykt ýsa, blaðlaukur og kartöflur

Hvernig passar blaðlaukur, reykt ýsa og kartöflur saman? Jú barasta prýðilega, t...

Boli & brokkólí
Matarkrókurinn 31. janúar 2024

Boli & brokkólí

Nautakjöt og brokkólí er klassískur asísk-amerískur réttur sem á sennilega ættir...

Mátulega hátíðlegur ís
Matarkrókurinn 21. desember 2023

Mátulega hátíðlegur ís

Það er nær ómögulegt að fá alvöru rjómaís út úr búð á Íslandi og hvað þá úti í í...

Reykt ýsa
Matarkrókurinn 13. desember 2023

Reykt ýsa

Skammdegið með sínum kulda og myrkri kallar á ögn þyngri mat en annar tími ársin...

Buff í brúnni
Matarkrókurinn 23. nóvember 2023

Buff í brúnni

Kíló fyrir kíló og krónu fyrir krónu er nautahakkið sennilega fjölbreyttasta pró...