Humar og Filet mignon
Mynd / BGK
Matarkrókurinn 25. ágúst 2021

Humar og Filet mignon

Höfundur: Bjarni Gunnar Kristinsson

Humar sem er settur í blöndu af majónesi, sítrónusafa og kryddjurtum, síðan borið fram í ristuðum, smjörpensluðum pylsubrauðum eða bollum. Auðvelt að búa til og fær alltaf lofsamlegar viðtökur.

Rétturinn getur aldrei farið úrskeiðis með íslenskt sjávarfang eins og humar, eða rækju eða krabba – sem er farinn að veiðast við Ísland. Humarsamlokur er ein besta leiðin fyrir einfaldan og góðan humarrétt.

Að elda humar

Hægt er að nota íslenskan humar, ferskan eða forsoðinn, eða rækjur til dæmis. Til að elda ferskan humar eru þrír lítrar af söltu vatni settir í pott og látið sjóða. Bætið humrinum við, setjið lok á pottinn og eldið síðan í fjórar mínútur. Takið humarinn úr vatninu, látið kólna og takið síðan kjötið af humrinum. Skerið kjötið í bita og líka er hægt að grilla eða steikja í ofninum. Steikið humarhalana í tíu mínútur eða þar til holdið er rautt og ógegnsætt. Látið halana kólna.

Humarpylsa
Setjið teninga af humarkjöti í skál ásamt majónesi, sítrónusafa, sellerí, graslauk, salti og pipar. Blandið humrinum varlega saman við kryddin þar til hann hefur blandast vel saman. Dreifið smjöri yfir pylsubrauð og hitið á pönnu á eldavélinni – eða setjið í ofn eða á grill. Setjið kálblað í hvert brauð og hellið humarblöndunni ofan á. Bætið graslauk yfir, ef þess er óskað, og berið síðan fram strax.
Humarsalatið má geyma í kæli í allt að 8 klukkustundir áður en það er borið fram.

Humarréttir – tilbrigði og kryddhugmyndir
Þessi samlokuuppskrift að ofan er alveg ljúffeng eins og hún er, en þið getið breytt hráefni til að aðlaga hana að ykkar smekk.

BLT: Bætið soðnum strimlum af beikoni og sneiddum tómötum í samlokurnar.
Lárpera: Bætið avókadó í humarsalatið eða setjið sneiðar af lárperu í bollurnar.
Kryddað: Bætið heitri chilisósu eða sriracha-sósu við eftir smekk.
Blandað sjávarfang: Blandið rækju og krabba saman við humarinn.

Það sem þarf:

  • 300 g (eða 1 kg ópillað) af soðnu humarkjöti
  • 1/4 bolli majónes
  • 1 1/2 msk sítrónusafi
  • 1/4 bolli sellerí fínt saxað, notið mjúku innri stilkana
  • 1 msk. graslaukur þunnt skorinn, auk meira til að skreyta ef þess er óskað
  • salt og pipar eftir smekk
  • 4 klofnar pylsubollur
  • 2 msk. smjör

Setjið humarkjötið, majónesið, sítrónusafann, selleríið, graslaukinn, saltið og piparinn í skál. Hrærið varlega til að sameina.
Dreifið smjörinu á ytri hliðar hverrar bollu. Setjið bollurnar á pönnu eða á grillpönnu við meðalhita. Hitað í 2-3 mínútur á hverri hlið eða þar til það er orðið gullbrúnt.

Skiptið humarblöndunni á milli bollanna. Berið fram strax, skreytt með viðbótar graslauk ef þess er óskað.

Filet mignon

„Filet mignon nautasteik“ er nafn á rétti og kjötskurði sem er tekinn úr minni enda nautalundarinnar, venjulega kringlótt steik. Oft er rétturinn skreyttur með sósu eða vafinn með beikoni.

Vegna þess hve steikin er lítill hluti af lundinni er hún oft einn dýrasti kjötskurðurinn.

Forðist að fara á of dýrt steikhús og eldið það heima í staðinn. Það er mjög auðvelt.

Ef þú ert með steypujárnspönnu, notaðu hana. Ef ekki skaltu bara ganga úr skugga um að pannan sem þú notar sé örugg í ofni. (Þú byrjar á helluborðinu og endar í ofninum.)

Leyndarmálið er að nota fínt salt og fá góða brúningu á kjötið.

Það er algjört lykilatriði fyrir góða filet mignon steik. Og þetta næst aðeins ef pannan er ofurheit þannig að næstum rýkur úr olíunni.

Sýnið þolinmæði, það tekur um það bil fimm mínútur á hvorri hlið.

Það er best að nota bæði olíu og smjör.

Byrjið með ólífuolíu (þó hlutlaus olía virki líka). Síðan, eftir að hafa snúið steikinni, bætið þá við smjöri og ristið áfram, því smjör gerir allt betra.

Af hverju þarf ég að baka kjötið?

Því þið viljið aðeins elda steikina á helluborðinu eins lengi og það þarf að brúna hana og svo klára í ofninum svo það brenni ekki á pönnunni. Fyrir fullkomna skorpu og safaríka miðju er bakstur besta leiðin.

Hvaða hitastigi er ég að leita að?

Það fer eftir því hvað þér líkar. En vinsamlegast ekki fara yfir 62 gráður.

  • Medium: rare 55-57°
  • Miðlungs: 58-60 °
  • well done: 62-70°

Hráefni

  • 2 msk auka ólífuolía
  • 4 stk (180 g) Filet mignon steikur úr lund
  • salt
  • Malaður svartur pipar
  • 4 msk smjör
  • 1 msk gróft saxað rósmarín

Hitið ofninn í 200 gráður. Hitið olíu í stórri pönnu við meðalháan hita. Kryddið steikina með salti og pipar á báðum hliðum. Þegar er að fara að rjúka úr olíunni er rétt að setja steikina á pönnuna. Steikið þar til hún er mjög brúnuð, um það bil 5 mínútur, snúið síðan við og bætið við smjöri og rósmarín. Ausið yfir með smjöri og eldið í aðrar þrjár til fimm mínútur.

Flytjið pönnu yfir í ofn og eldið þar til hún er steikt að vild, um það bil fimm mínútur fyrir miðlungs. Athugið hitastig kjötsins áður en þið færið það í ofninn til að sjá hversu mikið er eftir. Ef steikin er ekki tilbúin eftir fimm mínútur skaltu athuga að elda í nokkrar mínútur til viðbótar.

Takið kjötið af pönnunni og látið hvíla í fimm mínútur áður en það er skorið niður eða sett á disk.

Sumarlegur grillréttur og súkkulaði-fondue
Matarkrókurinn 27. ágúst 2021

Sumarlegur grillréttur og súkkulaði-fondue

Chutney er upprunnið úr indversku matargerðinni og er oft borið fram sem meðlæti...

Humar og Filet mignon
Matarkrókurinn 25. ágúst 2021

Humar og Filet mignon

Humar sem er settur í blöndu af majónesi, sítrónusafa og kryddjurtum, síðan bori...

Grillað lamb og grænmeti
Matarkrókurinn 28. júlí 2021

Grillað lamb og grænmeti

Fjölskyldugrill og góðir gestir verða ánægðir með mjúkan og safaríkan lambahrygg...

Heilsteikt blómkál með tahini sesammauki og tómatsalsa
Matarkrókurinn 9. júlí 2021

Heilsteikt blómkál með tahini sesammauki og tómatsalsa

Blómkál er líklega uppáhalds­grænmeti margra og hægt að borða það á hverjum degi...

Íslenskir tómatar eru frábærir
Matarkrókurinn 2. júlí 2021

Íslenskir tómatar eru frábærir

Íslensku tómatarnir eru frábærir og oft marglitir í ýmsum stærðum, mikið hefur a...

Grilluð fiskispjót og hjónabandssæla
Matarkrókurinn 22. júní 2021

Grilluð fiskispjót og hjónabandssæla

Grilluð fiskispjót eru frábær kostur fyrir kvöldmatinn þegar þú hefur ekki tíma ...

Egg og orkustykki fyrir fólk á ferðinni
Matarkrókurinn 7. júní 2021

Egg og orkustykki fyrir fólk á ferðinni

„Deviled egg“ er klassísk eggja­uppskrift og fullkomin fyrir aukna orku. Uppskri...

Próteinríkt  nautakjöts- og kjúklingabaunasalat
Matarkrókurinn 26. maí 2021

Próteinríkt nautakjöts- og kjúklingabaunasalat

Lykillinn að vel heppnuðum nautakjötsrétti er eldun á háum hita fyrst, svo að læ...