Vinsamlegast athugið að þetta efni er eldra en 1 árs.
Krakkarnir úr Vísindaskóla unga fólksins heilsuðu m.a. upp á kýrnar í Garði.
Krakkarnir úr Vísindaskóla unga fólksins heilsuðu m.a. upp á kýrnar í Garði.
Mynd / MÞÞ
Líf og starf 11. júlí 2020

Krakkar úr Vísindaskóla unga fólksins kynntust íslenskum landbúnaði

Höfundur: Margrét Þóra Þórsdóttir
Hversu mikið getur kýr mjólkað? Er hægt að rækta paprikur heima í stofu? Þessar spurningar og fleiri heyrðust þegar krakkar úr Vísindaskóla unga fólksins heimsóttu bændur á fjórum bæjum í Eyjafirði í tengslum við nám sitt. Skólaverkefninu „Dagur með bónda“, sem Bændasamtökin bjóða upp á, var að þessu sinni boðin þátttaka í Vísindaskólanum. 
 
Börnin heimsóttu fjóra bæi í Eyjafjarðarsveit og fengu að kynnast ýmsum hliðum íslensks landbúnaðar. Hér er einn hópurinn á Þórustöðum 7 þar sem stunduð er kartöflurækt.
 
Verkefnið hefur verið við lýði í um 20 ár og mikil reynsla fyrir hendi á heimsóknum bænda í grunnskóla til að kynna landbúnað fyrir grunnskólanemendum. Verkefnastjórinn, Berglind Hilmarsdóttir, var leiðbeinandi á námskeiðinu með stuðningi Agnesar Jónsdóttur á Akureyri. 
 
Fimm ný námskeið á hverju sumri
 
Vísindaskóli unga fólksins er fyrir börn á aldrinum 11–13 ára og hefur hann verið starfræktur frá árinu 2015. Upphafsmaður að stofnun skólans er Sigrún Stefánsdóttir sem jafnframt er skólastjóri. Um 80 börn sækja skólann árlega. Dana Rán Jónsdóttir verkefnastjóri segir að dagskráin sé breytileg frá ári til árs sem geri það mögulegt fyrir börn að koma þrjú ár í röð og tileinka sér nýjan fróðleik í hvert sinn. „Við bjóðum upp á fimm ný námskeið á hverju sumri og leggjum áherslu á að allir nemendur hafi sama aðgang að öllu námsframboði sem er í boði hverju sinni í skólanum. Vísindaskólinn hefur sannað mikilvægi þess að í boði sé afþreying fyrir ungmenni að loknum skóla þar sem vísindi eru sett fram á fræðandi og skemmtilegan hátt,“ segir Dana Rán.
 
Um 80 börn sækja Vísindaskólann árlega, þessir hressu krakkar eru í þeim hópi en þau eru hér í heimókn á garðyrkjustöðinni Brúnalaug.
 
Fróðlegar heimsóknir
 
Berglind segir að hópur bænda í Eyjafirði ásamt leiðbeinanda og stuðningsfulltrúa hafi komið saman  á fögru sumarkvöldi til að undirbúa móttöku nemendahópanna fimm. Fyrirkomulagið var með þeim hætti að fyrir hádegi var bóklegt nám en verklegi þátturinn var tekinn með heimsóknum á fjóra bæi, Kristnes, Brúnalaug, Garð og Þórustaði 7. Blandaður búskapur er stundaður á Kristnesi þar sem áhersla er lögð á sjálfbærni, Brúnalaug er garðyrkjustöð sem leggur áherslu á að rækta paprikur og gúrkur, á Garði er rekið stórt og tæknivætt kúabúa og kartöfluræktun fer fram á Þórustöðum 7. 
 
„Vandaður undirbúningur bændanna vegna Vísindaskólans og hlýlegar móttökur þeirra var kjarninn í námskeiðinu. Þetta var virkilega skemmtilegt og börnin urðu margs fróðari um íslenskan landbúnað og fjölbreytileika hans,“ segir Berglind. „Bændurnir eiga líka hrós skilið,  þeir gáfu sér tíma til að sinna þessu verkefni með okkur þó nóg sé að gera á þessum árstíma og stóðu sig afar vel.“
 
Þórir Jón Ásmundsson, bóndi á Þórustöðum, fræðir krakkana um kartöflurækt. 
 
 
Pottaplöntur við íslenskar aðstæður
Líf og starf 16. maí 2022

Pottaplöntur við íslenskar aðstæður

Allt í blóma er ný íslensk bók sem fjalar um ræktun pottaplantan við íslenskar a...

Innsýn í blóðmerahald á Íslandi
Líf og starf 13. maí 2022

Innsýn í blóðmerahald á Íslandi

Í erindi sem hún hélt á Búnaðarþingi veitti Bóel Anna Þórisdóttir innsýn inn í b...

Illgresi andskotans
Líf og starf 12. maí 2022

Illgresi andskotans

Nýverið sendi Þorsteinn Úlfar Björnsson frá sér bók sem hann kallar Illgresi and...

Ungmennasamband Eyjafjarðar 100 ára
Líf og starf 9. maí 2022

Ungmennasamband Eyjafjarðar 100 ára

Ungmennasamband Eyja­fjarðar, UMSE, fagnaði 100 ára afmæli sínu með hófi í Lauga...

Vörur smáframleiðenda matvæla orðnar sýnilegri og aðgengilegri neytendum
Líf og starf 4. maí 2022

Vörur smáframleiðenda matvæla orðnar sýnilegri og aðgengilegri neytendum

Lyfjafræðingurinn og sinneps­framleiðandinn Svava Hrönn Guðmundsdóttir er nýr fo...

Skeifudagurinn haldinn eftir tveggja ára hlé
Líf og starf 2. maí 2022

Skeifudagurinn haldinn eftir tveggja ára hlé

Það var gleðilegt að geta haldið Skeifudaginn með pompi og pragt eftir tveggja á...

Hafa fengið mjög góðar viðtökur hjá bændum
Líf og starf 2. maí 2022

Hafa fengið mjög góðar viðtökur hjá bændum

Fyrstu lömbin á þessu vori hafa nú litið dagsins ljós og þótt langflestar ær ber...

Lykilþáttur að afurðaverð hækki
Líf og starf 29. apríl 2022

Lykilþáttur að afurðaverð hækki

Trausti Hjálmarsson, sauðfjárbóndi í Austurhlíð í Biskupstungum, er formaður Dei...