Vinsamlegast athugið að þetta efni er eldra en 7 ára.
Frá vinstri: Kristján G. Kristjánsson, Bergsveinn Símonarson, Magnús Helgi Sigurðsson,Thorvald Imsland, Níels Viðar Hjaltason, Ingólfur Þ. Baldvinsson, Björn Christiansen, Jón Magnússon og Tómas Kristinsson.
Frá vinstri: Kristján G. Kristjánsson, Bergsveinn Símonarson, Magnús Helgi Sigurðsson,Thorvald Imsland, Níels Viðar Hjaltason, Ingólfur Þ. Baldvinsson, Björn Christiansen, Jón Magnússon og Tómas Kristinsson.
Mynd / HKr.
Líf og starf 3. mars 2015

Kátt á hjalla í 25 ára afmæli MFK

Höfundur: Hörður Kristjánsson
Meistarafélag kjötiðnaðarmanna (MFK) hélt upp á 25 ára afmæli sitt á Hótel Reykjavík Natura laugardaginn 14. febrúar, en áður hafði verið haldinn aðalfundur þar sem stjórnin var að mestu endurkosin. 
 
Fyrr um daginn var haldinn aðalfundur félagsins og þar  var kosin stjórn til eins árs. Þar var Halldór Jökull Ragnarsson endurkjörinn formaður, Oddur Arnórsson varaformaður, Magnús Friðbergsson ritari og meðstjórnandi Kristján Kristjánsson. Varamenn eru Þorsteinn Þórhallsson, formaður fagkeppnisnefndar, Kjartan Bragason og einnig er Hreiðar Örn Zoëga Stefánsson meðreiðarsveinn stjórnarmanna. 
 
Komnir með svarta kúluhatta
 
Halldór formaður þakkaði traustið og fjölda gjafa sem félaginu hafði borist í tilefni af afmælinu. Það vakti athygli gesta að kjötiðnaðarmeistararnir voru flestir með svarta kúluhatta á höfði. Halldór segir að ákveðið hafi verið að taka upp þennan höfuðfatnað í stað hvítu hattanna sem flestir þekkja, en þessi siður er sóttur til kolleganna í Danmörku og í Bretlandi. Hann segir að kúluhattarnir verði þó einungis notaðir við hátíðleg tækifæri. Þá er meiningin að bæta einnig við hátíðarbúning kjötiðnaðarmanna á næsta ári, en þá munu þeir íklæðast blaser-jökkum og með bindi með merki félagsins. 
 
Kjartan Bragason, fyrrverandi formaður, segir að félagsskapurinn snúist einkum um að efla fagmennsku í greininni, en um leið sé þetta vettvangur fyrir kjötiðnaðarmeistara til að gera eitthvað skemmtilegt saman. Það skipti miklu máli. Liður í því er að félagsmenn ferðast um allt land með grillvagn Landssambands sauðfjárbænda og grilla lambakjöt á bæjarhátíðum og á ýmsum öðrum samkomum. Fyrsti grilldagur þeirra félaga er einmitt um næstu helgi í tengslum við setningu Búnaðarþings. Segir Kjartan það vera bæði félagsmönnum í hag og bændum, en góð kynning á lambakjötinu skipti stétt kjötiðnaðarmanna miklu máli. 
 
Þrem fyrrv. formönnum veitt gullmerki félagsins
 
Í lögum MFK er ákvæði um að félagið veiti gullmerki fyrir vel unnin störf í þágu félagsins. Að þessu sinni fengu eftirtaldir gullmerki MFK:     
Björk Guðbrandsdóttir, en hún var formaður félagsins 2004–2008 og er í dag ritari fagkeppnisnefndar.
Kjartan Bragason, en hann var formaður MFK 2010 til 2014 og situr nú í varastjórn félagsins og er tengiliður félagsins við Landssamband sauðfjárbænda. 
Níels Hjaltason, en hann var formaður MFK frá 2000 til 2004. Hann er nú annar tveggja skoðunarmanna reikninga félagsins. 
Þegar Halldór formaður hafði lokið við að næla gullmerkjum í jakkaboðunga, voru aðrir heiðursfélagar MFK og handhafar gullmerkja sem á samkomunni voru líka kallaðir upp á svið.

7 myndir:

Huldufreyjur Dalrúnar
Líf og starf 30. september 2022

Huldufreyjur Dalrúnar

Sagnfræðingurinn Dalrún Kaldakvísl Eygerðardóttir útskrifaðist með doktorspr...

Íslensk matarveisla úr lífrænum hráefnum
Líf og starf 29. september 2022

Íslensk matarveisla úr lífrænum hráefnum

Fyrsti lífræni dagurinn var haldinn sunnudaginn 18. september á Neðra-Hálsi i...

Allur húsakostur hitaður upp með afurð úr eigin skógi
Líf og starf 28. september 2022

Allur húsakostur hitaður upp með afurð úr eigin skógi

Þessa dagana eru merk tímamót í orkuskiptum hjá bændum að eiga sér stað í ...

Saumaskapur unninn með nál hafinn til vegs og virðingar
Líf og starf 28. september 2022

Saumaskapur unninn með nál hafinn til vegs og virðingar

Margt verður til í kvenna höndum er nafn á sýningu í félagsheimilinu Goðal...

Land Rover með leikaraferil
Líf og starf 28. september 2022

Land Rover með leikaraferil

Á Hvammi í Hvítársíðu er Land Rover jeppi sem hefur öðlast frægð á síðus...

Augnablik í lífi þeirra yngstu þetta sumarið
Líf og starf 27. september 2022

Augnablik í lífi þeirra yngstu þetta sumarið

Ungviðið leikur við hvern sinn fingur yfir sumartímann enda svo margt skemmtile...

Ungir bændur taka við keflinu á Brúsastöðum
Líf og starf 27. september 2022

Ungir bændur taka við keflinu á Brúsastöðum

Skafti Vignisson og Lisa Inga Hälterlein tóku um síðustu áramót við búinu ...

Ómar Ragnarsson heiðraður
Líf og starf 27. september 2022

Ómar Ragnarsson heiðraður

Ómar Ragnarsson umhverfisverndarsinni hlaut Náttúruverndarviðurkenningu Sigri...