Vinsamlegast athugið að þetta efni er eldra en 2 ára.
Barnavettlingar með norrænu mynstri
Líf og starf 11. febrúar 2020

Barnavettlingar með norrænu mynstri

Höfundur: Handverkskúnst
Prjónaðir vettlingar er eitthvað sem alltaf er gott fyrir börn að eiga. Vettlingar með norrænu mynstri úr dásamlega Drops Karisma ylja í kuldanum. 
 
Stærðir: 1/2 (3/4) 5/6 (8/10) 12 ára..
 
Garn: DROPS Karisma (fæst í Handverkskúnst)
   - vínrauður nr 48: 50 (50) 50 (100) 100 g
   - rjómahvítur nr 01: 50 (50) 50 (50) 50 g 
 
Prjónar:  Sokkaprjónar nr 3 og 3,5 eða sú prjónastærð sem þarf til að fá 22 lykkjur = 10 cm.
 
Garðaprjón prjónað í hring: 1 umferð slétt, 1 umferð brugðið = 1 garður.
 
Útaukning: Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn slétt svo að ekki myndist gat.
 
Úrtaka: Fækkið um 1 lykkju hvoru megin við prjónamerki þannig: Byrjið 2 lykkjum á undan prjónamerki, prjónið 2 lykkjur slétt saman, prjónamerki, takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir (= fækkað um 2 lykkjur).
 
Hægri vettlingur: Stykkið er prjónað í hring á sokkaprjóna.
Fitjið upp 28 (32) 36 (36) 40 lykkjur á sokkaprjóna nr 3 með vínrauðum. Prjónið 4 umferðir garðaprjón (= 2 garðar). Skiptið yfir á sokkaprjóna nr 3,5 og prjónið mynstur hringinn eftir mynsturteikningu A.1. Prjónið A.1, 1 sinni á hæðina. Skiptið yfir á sokkaprjóna nr 3 og prjónið stroff (1 slétt, 1 brugðin) alls 3 (3) 4 (4) 4 cm. Skiptið til baka yfir á sokkaprjóna nr 3,5 og prjónið slétt 3 (5) 5 (7) 9 umferðir. Byrjið útaukningu fyrir þumalop og aukið er út 1 lykkju hvoru megin við aðra lykkju í umferð – sjá ÚTAUKNING. Aukið svona út í annarri hverri umferð alls 3 (3) 4 (4) 4 sinnum (aukið er út báðum megin við allar þumal lykkjur, þ.e.a.s. það verða 2 lykkjur fleiri á milli uppslátta í hvert sinn sem aukið er út). Eftir allar útaukningar eru 7 (7) 9 (9) 9 þumallykkjur og 34 (38) 44 (44) 48 lykkjur á prjóninum. Þegar vettlingurinn mælist 10 (11) 12 (12) 13 cm (stykkið mælist ca 3 (4) 4 (5) 5 cm frá stroffi), setjið 7 (7) 9 (9) 9 þumal lykkjur á þráð. Fitjið upp 1 lykkju yfir lykkjur af þræði = 28 (32) 36 (36) 40 lykkjur á prjóninum. Prjónið nú mynstur A.2. þar til vettlingurinn mælist ca 15 (16) 18 (19) 21 cm (stykkið mælist ca 8 (8) 9 (11) 13 cm frá stroffi). Nú eru eftir ca 3 cm til loka, mátið e.t.v. vettlinginn og prjónið að óskaðri lengd – ATH: Endið eftir heila rönd með natur og prjónið með vínrauður (án «doppa») að réttu máli.
 
Setjið 1 prjónamerki í hvora hlið (= 14 (16) 18 (18) 20 lykkjur á milli prjónamerkja). Í næstu umferð er fækkað um 1 lykkju hvoru megin við bæði prjónamerkin – SJÁ ÚRTAKA (= fækkað um 4 lykkjur). Fækkið lykkjum svona í annarri hverri umferð alls 4 sinnum og síðan í hverri umferð þar til 4 (8) 12 (12) 16 lykkjur eru eftir. Í næstu umferð eru allar lykkjur prjónaðar 2 og 2 slétt saman. Klippið frá, dragið þráðinn í gegnum þær lykkjur sem eftir eru, herðið að og festið enda vel. Vettlingurinn mælist ca 18 (19) 21 (22) 24 cm tilbúinn.
 
Þumall: Setjið til baka 7 (7) 9 (9) 9 lykkjur af þræði yfir opi fyrir þumal á sokkaprjóna 3,5 og prjónið að auki upp 5 nýjar lykkjur með vínrauður í kanti á bakhlið á þumal lykkjum = 12 (12) 14 (14) 14 lykkjur. 
 
Prjónið slétt í hring þar til þumall mælist 3 (3½) 4 (4½) 5 cm. Í næstu umferð eru allar lykkjur prjónaðar 2 og 2 slétt saman = 6 (6) 7 (7) 7 lykkjur eftir. Klippið frá, dragið þráðinn í gegnum þær lykkjur sem eftir eru, herðið að og festið vel.
 
Vinstri vettlingur: Prjónið vinstri vettling alveg eins, en aukið út fyrir þumli hvoru megin við næstsíðustu lykkju í umferð.
 
Prjónakveðja,
mæðgurnar í Handverkskúnst
www.garn.is 
Gömul skip verða ekki minjar sé þeim eytt
Líf og starf 23. september 2022

Gömul skip verða ekki minjar sé þeim eytt

„Þetta er gríðarmikið verkefni,“ segir Hörður G. Jóhannsson, sem hafist hefur...

Forsetinn heiðraði Siggu á Grund
Líf og starf 23. september 2022

Forsetinn heiðraði Siggu á Grund

Guðni Th. Jóhannesson, forseti Íslands, heimsótti bæinn Forsæti í Flóahrepp...

Fyrstu fimm herbergin á Hótel Kalda opnuð í ágúst
Líf og starf 22. september 2022

Fyrstu fimm herbergin á Hótel Kalda opnuð í ágúst

„Þetta er heilmikið ævintýri sem við erum nú að leggja út í,“ segir Agnes Si...

Fyrsta skáldsaga sauðfjárbónda
Líf og starf 21. september 2022

Fyrsta skáldsaga sauðfjárbónda

Gabríel og skrýtna konan er ný skáldsaga eftir Guðna Reyni Þorbjörnsson, sa...

Mikil gróska í matarhandverki
Líf og starf 20. september 2022

Mikil gróska í matarhandverki

Farskólinn, miðstöð símenntunar á Norðurlandi vestra, er 30 ára á þessu á...

Bjarni og Anton Helgi hlutu Borgfirsku menningarverðlaunin
Líf og starf 20. september 2022

Bjarni og Anton Helgi hlutu Borgfirsku menningarverðlaunin

Stjórn minningarsjóðs Ingibjargar Sigurðardóttur og Guðmundar Böðvarssonar, ...

Heillandi að sullast með liti
Líf og starf 19. september 2022

Heillandi að sullast með liti

Kristín Linda Jónsdóttir, fyrrum kúabóndi í Miðhvammi í Þingeyjarsveit, o...

Mannlíf og menning á Austurlandi fyrr og nú
Líf og starf 19. september 2022

Mannlíf og menning á Austurlandi fyrr og nú

Minjasafn Austurlands á Egils­stöðum á rætur sínar að rekja til ársins 1942...