Vinsamlegast athugið að þetta efni er eldra en 7 ára.
Hæli
Bærinn okkar 10. nóvember 2014

Hæli

Fjölskyldan á Hæli er stór og flókin og búreksturinn fjölbreytilegur.

Býli:  Hæli og Selland (Parturinn).

Staðsett í sveit: Í Húnavatnshreppi, í A-Húnavatnssýslu.

Ábúendur: Jón Kristófer Sigmarsson og Ásdís Ýr Arnardóttir.

Fjölskyldustærð (og gæludýra):

Fjölskyldan á Hæli er stór og flókin. Helga Dögg (24 ára) er elst, því næst er María Rún (13 ára) og síðan er María Sigrún (12 ára). Yngstur er erfðaprinsinn Kristófer Bjarnar (4 ára) og á nýju ári bætist eitt barn í hópinn. Gæludýrin eru fjögur, smalahundarnir Tása, Fríða og Stormur ásamt kettinum Sófusi sem sér um að halda fjárhúsum músalausum.

Stærð jarðar? Hæli 300 hektarar og Selland 1.700 hektarar.

Gerð bús? Sauðfjárbú, hrossarækt, ferðaþjónusta og bátaútgerð.

Fjöldi búfjár og tegundir? 740 vetrarfóðraðar kindur og 104 hross.

Hvernig gengur hefðbundinn vinnudagur fyrir sig á bænum?

Það er mjög misjafnt eftir árstíðum, bæði vinnum við utan heimilis. Ásdís starfar á Blönduósi yfir vetrarmánuðina, Jón Kristófer rekur fjárbíl á haustin og bæði sinna þau ferðaþjónustu á sumrin.

Skemmtilegustu/leðinlegustu bústörfin? Sauðburðurinn er tvímælalaust skemmtilegasta bústarfið en jafnframt það erfiðasta. Einnig er gaman að spá og spekúlera í lömbum á haustin. Annars er öll vinna skemmtileg með réttu hugarfari og góðum félagsskap.

Hvernig sjáið þið búskapinn fyrir ykkur á jörðinni eftir 5 ár? Áframhaldandi uppbygging húsakosts og ræktunar búfjár.

Hvaða skoðun hafið þið á félagsmálum bænda? Þau eru í góðum farvegi. Passa þarf jöfnuðinn í greininni og að ríkisstuðningur sé til handa þeim sem sannarlega standa í framleiðslu góðra afurða.

Hvernig mun íslenskum landbúnaði vegna í framtíðinni? Við höfum trú á því að íslenskur landbúnaður eigi eftir að blómstra.

Hvar teljið þið að helstu tækifærin séu í útflutningi íslenskra búvara? Leggja meiri áherslu á að upplýsa erlenda neytendur um okkar vistvæna framleiðsluferil.

Hvað er alltaf til í ísskápnum? Mjólk, kók, smjör og egg.

Hver er vinsælasti maturinn á heimilinu? Föstudagskjúklingur í Samkaup og hamborgari í N1. Annars þykir grjónagrautur alltaf góður og lambalæri með öllu tilheyrandi.

Eftirminnilegasta atvikið við bústörfin? Eftirminnilegast og skemmtilegast er þegar einstaklingar úr ræktunarstarfinu, hvort sem eru hrútar eða hross, skara framúr sínum jafningjum og vinna til verðlauna.

4 myndir:

Bakki
Bærinn okkar 30. júní 2022

Bakki

Hjónin Ásthildur Skjaldardóttir og Birgir Aðalsteinsson sitja fyrir svörum e...

Seljatunga
Bærinn okkar 20. júní 2022

Seljatunga

Haukur og Herdís keyptu Seljatungu, þá í Gaulverjabæjarhreppi, árið 1997 og ...

Gerðar
Bærinn okkar 31. maí 2022

Gerðar

Stefán og Silja tóku formlega við búrekstrinum að Gerðum í fyrra af foreldrum St...

Arabær
Bærinn okkar 13. maí 2022

Arabær

Sævar Örn Sigurvinsson og Louise Anne Aitken kaupa Arabæ af Guðlaugi Guðmundssyn...

Mjósyndi
Bærinn okkar 28. apríl 2022

Mjósyndi

Bændurnir í Mjósyndi keyptu af Bjarka Reynissyni og Valgerði Gestsdóttur 2020 og...

Syðri -Gróf 2
Bærinn okkar 7. apríl 2022

Syðri -Gróf 2

Axel hefur haft annan fótinn í Syðri-Gróf allt sitt líf. Fyrst hjá ömmu sinni og...

Urriðafoss
Bærinn okkar 29. mars 2022

Urriðafoss

Ábúendurnir á Urriðafossi fluttu úr Reykjavík rétt fyrir jól 2016 og voru síðan ...

Lækur
Bærinn okkar 10. mars 2022

Lækur

„Við hófum búskap á Læk á fardögum vorið 2014. Bjuggum á Selfossi og þurftum að ...