Vinsamlegast athugið að þetta efni er eldra en 4 mánaða.
Arnbjörg
Bærinn okkar 9. september 2021

Arnbjörg

Arnbjörg er nýbýli, stofnað úr landi Þverholta, sem var heimili foreldra Gunnars. Gunnar og Guðríður stofnuðu og byggðu Arnbjörg. 

Byrjað var að byggja einbýlishús og síðar var hesthús/reiðskemma byggð og nú síðast hænsnakofi. Þau hafa búið á bænum síðan 2010 og hafa stundað hrossarækt. Einnig eru þau mjög áhugasöm um fiðurfénað.

Býli:  Arnbjörg.

Staðsett í sveit:  Álftaneshreppi á Mýrum, Borgarbyggð.

Ábúendur: Gunnar Halldórsson, járningamaður og tamningamaður, og Guðríður Ringsted, hjúkrunarfræðingur og tónlistarkona. Þau búa ásamt þremur börnum sínum af fjórum. Þau eru Agla (13), Halldór (10) og Brák (6). Hörður Gunnar (21) er fluttur að heiman en er oft með annann fótinn í sveitinni. 

Nokkur gæludýr fá að vera innanhúss, tveir hundar,  þrír kettir, ein kanína, einn páfagaukur og tveir fiskar.

Stærð jarðar?  330 hektarar. Þar af 20 hektara tún.

Gerð bús? Hrossaræktarbú.

Fjöldi búfjár og tegundir? Slatti af hrossum, 12 hænur, 5 endur, 3 kalkúnar og ein grágæs. Þó nokkur egg á dag.

Hvernig gengur hefðbundinn vinnudagur fyrir sig á bænum? Dagarnir eru misjafnir en alltaf þarf að byrja á að gefa á morgnana, bæði hestum, fuglum og öðrum gæludýrum. Gunnar vinnur við járningar fyrri part dags hér og þar um héraðið. Þegar heim er komið er unnið við tamningar seinnipartinn. Guðríður sinnir helst fuglunum og gæludýrunum milli vakta og útdeilir eggjum til vina og vandamanna. Á skóladögum er vaknað kl. 6.30 og krakkarnir fara með skólabíl frá húsi rúmlega sjö en um helgar er sofið út og byrjað síðar.

Skemmtilegustu/leiðinlegustu bústörfin? Skemmtilegast er að fylgjast með folöldum koma í heiminn á vorin, alveg eins og að fylgjast með ungum klekjast úr eggjum. Ef eitthvað er leiðinlegt þá er það að tína rúllur heim af túnunum.

Hvernig sjáið þið búskapinn fyrir ykkur á jörðinni eftir fimm ár? Með svipuðu sniði en þó meiri áhersla á tamningar og mögulega fleiri fuglategundir. Jafnvel fleiri dýrategundir, t.d. svín. Upp hefur komið hugmynd um gæludýragarð en það er bara hugmynd sem er ólíklegt á þessum tíma að verði nokkuð til.

Hvar teljið þið að helstu tækifærin séu í framleiðslu á íslenskum búvörum? Það er alltaf gott þegar það er nóg og fjölbreytt úrval af íslenskri matvöru í verslunum. Best ef það er sem styst frá frumframleiðanda/bónda.

Hvað er alltaf til í ísskápnum? Egg eru alltaf til, svo er það þetta venjulega, mjólk, ostur, smjör, ávextir og grænmeti. Ískaldur kristall í dós.

Hver er vinsælasti maturinn á heimilinu? Kjúklinga enchiladas með heimagerðu guacamole.

Eftirminnilegasta atvikið við bústörfin? Þegar hesthúsið var loksins tekið í notkun eftir langan tíma í byggingu. Blóð, sviti og tár.

Þverá
Bærinn okkar 13. janúar 2022

Þverá

Daníel Atli er fæddur og uppalinn í Klifshaga í Öxarfirði. Berglind er fædd og u...

Galtastaðir ytri
Bærinn okkar 16. desember 2021

Galtastaðir ytri

Ábúendurnir í Galtastöðum ytri, Stefán Bragi Birgisson og Helga Leifsdóttir, kyn...

Slétta
Bærinn okkar 2. desember 2021

Slétta

Sigurður flytur á Sléttu ásamt foreldrum sínum og systkinum frá Nesi í Loðmundar...

Arnþórsholt
Bærinn okkar 18. nóvember 2021

Arnþórsholt

Jörðin Arnþórsholt hefur verið í eigu og ábúð sömu fjölskyldu síðan 1919 þegar h...

Snartarstaðir
Bærinn okkar 4. nóvember 2021

Snartarstaðir

Jóhann Páll Þorkelsson og Guðrún María Björnsdóttir, ábúendur á Snartarstöðum, f...

Grímsstaðir
Bærinn okkar 21. október 2021

Grímsstaðir

Sama ættin hefur búið á Gríms­stöðum síðan árið 1871 þegar Hannes Guðmundsson og...

Kópareykir
Bærinn okkar 7. október 2021

Kópareykir

Kópareykir er ríkisjörð í sunnanverðum Reykholtsdal. Sama ættin hefur setið jörð...

Litla Brekka  – Kvíaholt
Bærinn okkar 24. september 2021

Litla Brekka – Kvíaholt

Ábúendur Litlu Brekku – Kvíaholts eru Anna Dröfn og Hjörleifur Stefánsson í ekta...