Vinsamlegast athugið að þetta efni er eldra en 3 ára.
Hulda Sigurðardóttir og Ágúst Ásgrímsson að Stekkjarflötum í Eyjafirði sigruðu í gróffóðurkeppni Yara 2018.
Hulda Sigurðardóttir og Ágúst Ásgrímsson að Stekkjarflötum í Eyjafirði sigruðu í gróffóðurkeppni Yara 2018.
Lesendabásinn 28. nóvember 2018

Bændur á Stekkjarflötum í Eyjafirði unnu í Gróffóðurkeppni Yara á Íslandi

Höfundur: Búvörur SS
Sigurvegari Gróffóðurkeppni Yara árið 2018 eru Hulda Sigurðardóttir og Ágúst Ásgrímsson að Stekkjar­flötum í Eyjarfirði. 
 
Íslenskur búskapur snýr að stærstum hluta um gróffóðuröflun, því skiptir miklu máli fyrir afkomu hvers bús að framleiða gott gróffóður af úrvals gæðum. Það má beita ýmsum aðferðum við að meta gæði gróffóðurs en almennt má segja að vega þurfi saman uppskerumagn og efnainnihald gróffóðursins. Síðan má ekki gleyma því að horfa þarf til kostnaðar við gróffóðuröflun.
 
Yara á Íslandi stendur nú annað árið í röð fyrir gróffóðurkeppni.  Markmið keppninnar er að vekja athygli á þeim fjölmörgu þáttum sem þarf að taka tillit til þegar gæði gróffóðurs eru skoðuð og ekki síður að hampa þeim bændum sem standa sig vel. Með þessari keppni viljum við líka undirstrika mikilvægi þess að láta greina heysýni og ekki síður að bændur meti uppskeru túna með markvissari hætti, t.d. með því að vigta rúllur.
 
Sex þátttakendur
 
Að þessu sinni voru 6 þátttakendur í keppninni. Þeir voru Egilsstaðabúið á Héraði, Stekkjarflatir í Eyjafirði, Goðdalir í Skagafirði, Skálpastaðir í Borgarfirði, Lækur í Flóa og Egilsstaðakot í Flóa.
 
Við viljum þakka kærlega þeim bændum sem tóku þátt þetta árið. Jafnframt viljum við þakka Efnagreiningu ehf. kærlega fyrir þeirra lipru og góðu þjónustu þegar kemur að greiningu á sýnum. Það er mikill styrkur fyrir íslenskan landbúnað að hafa slíka þjónustu hér á landi.
 
Það er ekki einfalt að dæma svona keppni. Taka verður tillit til fjölmargra þátta. Alls eru gefin stig fyrir 12 ólík atriði. Uppskerumagn skiptir miklu máli en ekki síður að efnainnihald sé innan þeirra marka sem sóst er eftir.
 
Yara á Íslandi stendur nú annað árið í röð fyrir gróffóðurkeppni. Markmið keppninnar er að vekja athygli á þeim fjölmörgu þáttum sem þarf að taka tillit til þegar gæði gróffóðurs eru skoðuð og ekki síður að hampa þeim bændum sem standa sig vel.
 
Sigurvegarar
 
Sigurvegari Gróffóðurkeppni Yara árið 2018 eru Hulda Sigurðardóttir og Ágúst Ásgrímsson að Stekkjarflötum í Eyjafirði.  
 
Að Stekkjarflötum er rekið kúabú. Gróffóður er ræktað á um 100 ha. Markmið hvers árs er að ná góðum heyjum með lágmarks notkun á tilbúnum áburði.  Fóður er verkað í rúllur.  Reynt er að forþurrka upp undir 60–70%. Mikið er lagt upp úr því að gera áburðaráætlun fyrir hverja spildu.  
 
Reynt er að nýta búfjáráburð sem best og fá sem besta nýtingu á tilbúnum áburði. Búfjáráburður er borinn  jafnt á allt ræktunarland. Mikið er lagt upp úr því að styrkur kalís í fóðri verði ekki of hár. Á hverju ári eru ræktaðir um 6–9 ha af korni.
 
Korn er yfirleitt ræktað í 3 ár og vallarfoxgrasi skjólsáð með byggi á 4 ári. Gjarnan er sáð hreinu vallarfoxgrasi. Hluti af byggökrum eru slegnir í grænfóður um skrið og kúnum beitt á endurvöxtinn.  Heildar uppskera hjá þeim var 8.566 kg þe/ha. 
 
Uppskera var tekin í tveimur sláttum, í fyrri slætti var uppskera 6.121 kg þe/ha og í seinni slætti 2.425 kg þe/ha. Þess má geta að ekki var borinn á tilbúinn áburður milli slátta vegna þess að komin var næg uppskera eftir fyrsta slátt. Þrátt fyrir það fékkst góð uppskera bæði af magni og gæðum í seinni slátt.  
 
Það er samspil mikillar uppskeru og jafns efnainnihalds í gróffóðri sem skapar þennan góða árangur.  Mikil natni við gerð áburðaráætlana fyrir hverja spildu skilar sér í ákjósanlegu efnainnihaldi gróffóðursins og ekki síður markvissri nýtingu á næringarefnum í búfjáráburði.
 
Líkt og í fyrra var afar lítill munur á milli keppenda.  Að þessu sinni skildu aðeins 1,5 stig þann aðila sem stóð efstur og þann sem stóð næstefstur að. Reyndar voru keppendur í 2. og 3. sæti jafnir að stigum. Keppnin fer þannig fram að þátttakendur velja eina spildu og reyna síðan að hámarka uppskeru og gæði eins og kostur er. Rúllur af spildunum eru vigtaðar til að áætla uppskeru og jafnframt er tekið heysýni.
 
Sigurvegari keppninnar er síðan fundinn með því að reikna stig fyrir þau atriði sem til skoðunar eru.  Sá sem hlýtur flest stig stendur uppi sem sigurvegari.
 
Búvörur SS er umboðsaðili
Yara á Íslandi
900 milljónir greiddar út til bænda
Lesendabásinn 23. september 2022

900 milljónir greiddar út til bænda

Fyrstu sprettgreiðslurnar til bænda voru greiddar út síðastliðinn föstudag, t...

Íslendingar hafa selt syndaaflausnir vegna losunar á 68 milljónum tonna af CO2
Lesendabásinn 20. september 2022

Íslendingar hafa selt syndaaflausnir vegna losunar á 68 milljónum tonna af CO2

Í rúman áratug, eða frá árinu 2011, hafa íslensk orkufyrirtæki selt hreinl...

Nú er lag að lenda strandveiðum
Lesendabásinn 20. september 2022

Nú er lag að lenda strandveiðum

Kæra Svandís. Lengi hefur staðið til að skrifa þér en núna held ég að það se...

Ærin ástæða til bjartsýni hjá sauðfjárbændum
Lesendabásinn 16. september 2022

Ærin ástæða til bjartsýni hjá sauðfjárbændum

Eftir erfiða tíma undanfarin ár eru jákvæð teikn á lofti fyrir sauðfjárbænd...

NØK (Nordisk Økonomisk Kvægavl) 2022 - Seinni hluti
Lesendabásinn 14. september 2022

NØK (Nordisk Økonomisk Kvægavl) 2022 - Seinni hluti

Í síðasta tölublaði Bændablaðsins (15. tölublað) birtist fyrri hluti umfjöl...

Blóðtakan eykur nytjar af hrossum og styrkir afkomuna
Lesendabásinn 13. september 2022

Blóðtakan eykur nytjar af hrossum og styrkir afkomuna

Með annars ágætri umfjöllun um blóðtökur úr hryssum í Bændablaðinu þann 25...

Ný verðlagsnefnd og uppfærður verðlagsgrundvöllur
Lesendabásinn 8. september 2022

Ný verðlagsnefnd og uppfærður verðlagsgrundvöllur

Ný verðlagsnefnd hittist á sínum fyrsta fundi í síðustu viku á nýrri skri...

Landbúnaðarháskóli Íslands verður hluti af evrópsku háskólaneti
Lesendabásinn 7. september 2022

Landbúnaðarháskóli Íslands verður hluti af evrópsku háskólaneti

Landbúnaðarháskóli Íslands og sjö aðrir samstarfsháskólar í Evrópu hlut...