Vinsamlegast athugið að þetta efni er eldra en 1 árs.
Latex-hönnun Oliviers Rousteing og Richard Quinn.
Latex-hönnun Oliviers Rousteing og Richard Quinn.
Á faglegum nótum 12. október 2022

Latex fyrir alla

Höfundur: Sigrún Pétursdóttir

Efnið latex er í huga margra tengt kynlífi, smokkar koma þar sterkir inn, en einnig sem efni fatnaðar af djörfum toga, til að mynda þeirra er stunda eilítið ögrandi kynlíf.

Færri gera sér e.t.v. grein fyrir því að efnið latex, ef lífrænt er – er á afar háu vistfræðilegu plani. Æ fleiri tískuhönnuðir eru að vakna til
vitundar er kemur að þessum sjálfbæra valkosti í stað efna sem kennd eru við dýrahúðir eða óvistvæna framleiðslu- aðferð – því jú, Latex er náttúrulegt, endurnýjanlegt efni sem unnið er úr gúmmítrénu (habea brasillensis). Þar sem trén eru ekki felld við uppskeru er framleiðsla þess sjálfbær og kolefnisneikvæð.

 Dæmi um hvernig latexi er tappað af tré.
Hvítt og klístrað náttúruundur

Orðið latex er samheiti yfir klístraða, mjólkurhvíta vökvann sem margar plöntur og tré framleiða til að verja sig gegn skaðvöldum, sbr. þegar börkur latexberandi plöntu skemmist, myndast latex sem svo storknar til að innsigla örið á meðan börkurinn vex aftur. Latexkvoðu er safnað með því að skera burt þunnt lag af berki gúmmítrésins þannig að sárið vísi niður á við og myndi eins konar trekt. Þar undir er skál eða einhvers konar söfnunarílát sem latexið leggst í. Í besta falli má fá allt að tveimur tonnum af þurru latexi á hektara. Efnið latex er því náttúrulegt að uppruna. Hins vegar, meðan á framleiðsluferlinu stendur, er stundum bætt við blönduna ýmsum aukaefnum úr dýraríkinu. Það er þó hægt að vera án þeirra og því best að athuga með vörumerkið þegar varan er keypt.

The Hits, Balmain - Gaultier

Tískuveldi á borð við Balmain og Jean Paul Gaultier státa meðal annars af fatnaði unnum úr latex – þökk sé einum aðalhönnuði Balmain, Olivier Rousteing, sem brenndi upp tískupallana haustið 2020 þar sem hann kynnti latexfatnað í bland við kasjúal.

Á tískuviku Parísarborgar svo nýverið, við kynningu hausts/vetrar 2022-23 kom í ljós að gestahönnuður Jean Paul Gaultier í ár var einmitt Olivier Rousteing.

Hefur samstarf veldis Gaultier við aðra hönnuði eignast fastan sess í tískuvikunni, en sú ákvörðun var tekin árið 2020, er Jean Paul sjálfur settist í helgan stein. Vakti haustlínan undir stjórn Oliviers – sem nefnd var The Hits – mikla athygli, en auk latexáhrifa, voru smáatriði við saumaskap fatnaðarins einkenni Balmain.

Madonna íklædd hönnun JPG árið 1992 og útfærsla Olivier Rousteing 30 árum síðar.

Áhuga vakti að sjálfur Gaultier kaus að koma ekki að samstarfinu á neinn hátt, heldur er að sýningunni kom sat hann þar á fremsta bekk og létu fréttamiðlar hafa eftir sér að þessi jöfur tískuveldisins hafi fagnað heil ósköp. Hlaut Olivier mikið lof fyrir sýninguna, en gríðarlega ógnvekjandi verkefni er að
vera gestahönnuður hins mikla meistara Gaultier.

Tók Olivier skemmtilegt tvist á tískuna, en hann, eins og nafn sýningarinnar gefur til kynna, tók þekktustu hönnun Gaultier og gerði að sinni. Þar má meðal annars telja korsett og „keilulaga“ brjóstahaldara eins og söngkonan Madonna gerði fræga um árið – og reyndar mátti þarna líka sjá annað dæmi fatnaðar er hún bar með stolti 30 árum áður.

Þó þarna væri um staðlaða og sterka hönnun að ræða voru tvímælalaus áhrif Oliviers sýnileg. Til dæmis ef latexið er sérstaklega tekið fyrir – í buxnadragt úr brúnu latexi, gegnsæjum efri part kjóla og korselett úr latexi þar sem karlmannslíkami var fyrirmyndin þó um kvendragt væri að ræða.

Gaman er að geta þess að Jean Paul Gaultier er einn fyrstu er ögruðu með tvíræðri línu milli kynja í fatahönnun sinni.

Eitt hið heitasta nú í ár

Þykir efnið latex sem sagt eitt það heitasta nú í sumar og með haustinu og er Versace meðal þeirra tískuvelda sem láta ekki sitt eftir liggja. Christopher Kane þykir djarfur í þessum efnum svo og sérstaklega breski hönnuðurinn Richard Quinn.

Vilja sumir meina að til móts við þá tísku er fjallað var um hér fyrir nokkru undir heitinu „Barbicore“ megi hér finna „Fetishcore“. Eitt er víst að latex er, ef vel er að staðið, gæðaefni og jafnvel eitthvað sem almúginn ætti að
kynna sér betur.

Skylt efni: latex

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...