Vinsamlegast athugið að þetta efni er eldra en 3 ára.
Félagsmenn BÍ skrái veltu í gegnum Bændatorgið
Á faglegum nótum 4. júní 2021

Félagsmenn BÍ skrái veltu í gegnum Bændatorgið

Höfundur: Guðbjörg Jónsdóttir

Á aðalfundum aðildarfélaga Bændasamtakanna, sem haldnir hafa verið að undaförnu, hafa tillögur að nýju félagskerfi landbúnaðarins verið til umfjöllunar. Tillögurnar byggja á samþykkt Búnaðarþings 2021 sem haldið var í mars. Samkvæmt þeim liggur fyrir að félagsmenn verði með beina aðild að Bændasamtökunum með eitt félagsgjald til hagsmunagæslunnar.

Á aukabúnaðarþingi, sem haldið verður 10. júní er stefnt á að stíga skrefið til fulls og samþykkja nýtt fyrirkomulag félagskerfis bænda sem tekur gildi 1. júlí. Kerfið byggir á tvennu:

  1. Fjölda félagsmanna í hverri búgrein.
  2. Veltu hverrar búgreinar.

Þann 1. júlí næstkomandi verð­ur innheimt félagsgjald samkvæmt breyttu veltutengdu, þrepaskiptu gjaldi fyrir mánuðina júlí-desember gangi áform sameiningar eftir. Nú er komið að því að bændur geta skráð umfang og eðli síns rekstrar inni á Bændatorginu þar sem búið er að opna sérstakt skráningareyðublað. Félagsmenn eru hvattir til að ganga frá skráningunni sem fyrst.

Allir greiðendur félags­gjaldsins þurfa að skrá veltu­tölur í sinni búgrein samkvæmt framtali síðasta árs af landbúnaðar­starfsemi. Í þeim tilfellum þar sem félagsmenn stunda fleiri en eina búgrein er farið fram á að þeir skipti veltunni hlutfallslega á viðkomandi greinar.

Þær upplýsingar sem félags­menn gefa upp um veltuna eru nýttar til að finna út það veltuþrep sem að reksturinn fellur undir og er félagsgjaldið innheimt samkvæmt því.

Dæmi: Blandað bú með kýr og sauðfé með 60 m.kr. veltu af landbúnaði án vsk. Skiptingin er 50/10, viðkomandi fellur undir veltuþrep í gjaldskránni 60- 64,9 m.kr. þar sem árgjaldið er 375 þ.kr. eða 187 þ.kr. fyrir seinni hluta ársins 2021.

Hvaða veltu á að skrá?

Upplýsingar um veltu eru samkvæmt framtali 2020, sem er velta ársins 2019. Miðað er við það rekstrarár, m.a. vegna þess að þeir sem eru með rekstur í félögum eru með framtalsskil í september.

Bent er á að gefa skal upp veltu af allri landbúnaðarstarfsemi, þar með talið beingreiðslur og styrki, án virðisaukaskatts. Undanskildir eru styrkir vegna landbótaverkefna, þar sem styrkir eru ætlaðir til að mæta útlögðum kostnaði.

Hlunnindi þarf að meta í hverju tilfelli og hefur t.d. æðarrækt verið flokkuð sem landbúnaðarstarfsemi, en ekki rekaviður.

Ef miklar sveiflur eru á tekjum búsins milli ára, þá er heimilt að miða við meðaltal þriggja síðustu rekstrarára. Bændasamtaka Íslands

Tekjur, sem eru ekki af beinni landbúnaðarstarfsemi, eru ekki teknar með, sem dæmi um það er: 

  • Söluhagnaður af seldum vélum.
  • Þjónustutekjur, s.s. vegna verktöku, námskeiðshalds og annars sem má skilgreina sem þjónustu.
  • Leigutekjur af landi, veiði, húsnæði o.fl.
  • Tryggingabætur og styrkir vegna tjóna, s.s. frá Bjargráðasjóði og vegna riðuniðurskurðar.

Nánari upplýsingar er að finna á vefsíðu Bændasamtakanna bondi.is eða í síma 563-0300.

Guðbjörg Jónsdóttir
verkefnastjóri

„Spjallað“ við kýr
Á faglegum nótum 9. janúar 2023

„Spjallað“ við kýr

Atferli, hegðun, útlit og ástand nautgripa getur gefið gríðarlega mikilvægar upp...

Skógarbændur og Bændasamtök Íslands
Á faglegum nótum 5. janúar 2023

Skógarbændur og Bændasamtök Íslands

Á aðalfundi Landssambands skógareigenda (LSE) sem haldinn var í Borgarnesi í maí...

Lífræn framleiðsla – nú er lag
Á faglegum nótum 5. janúar 2023

Lífræn framleiðsla – nú er lag

Á undanförnum árum hefur VOR látið til sín taka með ýmsum hætti til að hvetja ti...

Eitur á alltaf að vera síðasta úrræðið
Á faglegum nótum 3. janúar 2023

Eitur á alltaf að vera síðasta úrræðið

Meindýr eru skaðvaldar í garð- og skógrækt og óvelkomnir gestir sem flestir vild...

Ýmsir vankantar við smíði nýju norrænu næringarráðanna
Á faglegum nótum 2. janúar 2023

Ýmsir vankantar við smíði nýju norrænu næringarráðanna

Vinna við norrænu næringarráðin (NNR), sem Norræna ráðherra­nefndin heldur utan ...

Um niðurstöður lambadóma haustið 2022
Á faglegum nótum 30. desember 2022

Um niðurstöður lambadóma haustið 2022

Í heildina var útkoma lamba í haust góð. Meðalfallþungi á landinu var 16,6 kg og...

Lífrænn úrgangur: höfuðverkur eða tækifæri?
Á faglegum nótum 28. desember 2022

Lífrænn úrgangur: höfuðverkur eða tækifæri?

Hér á landi fellur til gríðarlegt magn af lífrænum úrgangi á öllum stigum samfél...

Skýrsluhald – heimarétt WorldFengs
Á faglegum nótum 27. desember 2022

Skýrsluhald – heimarétt WorldFengs

Nú þegar líður að áramótum og allir eru búnir að skila haustskýrslu til matvælar...

Farsæll áhugaræktandi
15. júlí 2024

Farsæll áhugaræktandi

Bænder
12. júlí 2024

Bænder

Skammur aðdragandi að sölunni
11. júlí 2024

Skammur aðdragandi að sölunni

Magnað Landsmót 2024
12. júlí 2024

Magnað Landsmót 2024

Stjörnuspá vikunnar
15. júlí 2024

Stjörnuspá vikunnar