Vinsamlegast athugið að þetta efni er eldra en 4 mánaða.
Ljóð Iðunnar og Braga
Menning 11. desember 2023

Ljóð Iðunnar og Braga

Höfundur: Steinunn Ásmundsdóttir

Félag ljóðaunnenda á Austurlandi (FlA) sendir nú frá sér tvær bækur.

Sú fyrri er í ritröðinni Austfirsk ljóðskáld, sú 23. í röðinni og innbundin að vanda, eftir Iðunni Steinsdóttur og ber nafnið Handan blárra fjalla. Hin síðarnefnda er kilja og heitir Leiðir hugann seiður og er
eftir Braga Björnsson.

Iðunn Steinsdóttir

Iðunn Steinsdóttir fæddist á Seyðisfirði 5. janúar 1940. Segir í kynningu á bókarkápu: „Foreldrar hennar voru Steinn Stefánsson skóla- og kórstjóri og Arnþrúður Ingólfsdóttir, húsfreyja og sagnakona. Iðunn er næstelst fimm systkina. Eftir nám í barna- og unglingaskóla fór hún til Akureyrar í menntaskóla en vann heima á sumrin sem talsímakona og í síldinni. Eftir stúdentspróf giftist hún Birni Friðfinnssyni skólabróður sínum. Eignuðust þau þrjú börn á fyrri hluta 7. áratugar og fóru síðan til Húsavíkur þar sem Björn varð bæjarstjóri. Á þeim árum fór Iðunn að setja saman texta fyrir söngvara og útgefendur. Seinna fluttu þau í Mývatnssveit þar sem hún fór að kenna. Hún kenndi svo við Laugarnesskólann þegar suður kom.

Árið 1982 kom út fyrsta af mörgum barnabókum Iðunnar. Í kjölfarið fylgdu svo leikrit sem hún skrifaði oft með Kristínu, yngri systur sinni. Einnig hefur Iðunn gefið út bækur fyrir fullorðna en ekki hefur bundið mál hennar komið út á bók áður.“ Hún hefur hlotið fjölda viðurkenninga fyrir ritstörf sín.

Ættarmót á himni
Þar sem árdegið geymir sín gullroðnu ský
þar sem gleymt er allt veraldarstríð síðar hittumst við aftur og erum á ný saman öll líkt og forðum á tíð.
Þó að ómarnir hljóðni frá árunum fyr og með andblænum hverfi út í geim verður enginn sem harmar né eftir þeim spyr
því við öll verðum loks komin heim.
(bls. 17)

Caption
Bragi Björnsson

Bragi Björnsson frá Surtsstöðum í Jökulsárhlíð (1929–2011) var gott og afkastamikið ljóðskáld. Leiðir hugann seiður er önnur bókin sem FlA gefur út með ljóðum Braga og í bókinni birtist aðeins hluti af áður óprentuðum kveðskap hans.

Árið 2006 kom út bókin Laðar nótt til ljóða. Segir í kynningu að „Bæði þessi bókarheiti segja mikið um helsta áhugamál Braga sem var vísur og ljóð. Þessi seiður ríms og ljóðstafa leiddi hann frá daglegu amstri og áhyggjum á vit sköpunar og leiks að orðum og bragarháttum, hvort sem það var á dimmum stundum eða björtum. Í Leiðir hugann seiður eru yrkisefnin fjölbreytt, mannlífið í víðum skilningi og hin lifandi náttúra skipa þar heiðurssæti ásamt ljóðum um sögulegt efni.

Magnús Stefánsson bókaútgefandi segir standa til að gefa út aðra bók með ljóðum Braga á næsta ári. Í bókinni nú birtist ljóð sem Bragi orti á fyrri hluta ævinnar en á næsta ári verði um framhald að ræða.

Bragi var lengst af kunnari fyrir lausavísur sínar enda voru þær honum mjög tamar í daglegum samskiptum við vini og kunningja.

Auk eigin vísnagerðar var Bragi forfallinn lausavísnasafnari og skrifaði hjá sér allar þær vísur sem hann heyrði og mat prenthæfar og gjarnan tilefni þeirra ef það lá fyrir.

Laðar nótt til ljóða,
leiðir hugann seiður þangað,
enn sem angar engi, löngu gengin –
æsku spor (og óskir)
okkar, hlaðin þokka
geyma og engu gleyma.
Gaman var þar saman
að leik í rökkri reika.
– Runnar þegja kunna –
– Ástir átti í hjarta
æska, laus við græsku.

(af bókarkápu)

Sigurður í Pylsumeistaranum er Kjötmeistari Íslands
Líf og starf 16. apríl 2024

Sigurður í Pylsumeistaranum er Kjötmeistari Íslands

Sigurður Haraldsson í Pylsumeistaranum var krýndur Kjötmeistari Íslands í fagkep...

Paella með skelfiski
Líf og starf 16. apríl 2024

Paella með skelfiski

Paella er einfaldur réttur og til í ýmsum útgáfum, grunnurinn þó alltaf sá sami ...

Flugvélarflak í Eyvindarholti
Líf og starf 10. apríl 2024

Flugvélarflak í Eyvindarholti

Við Eyvindarholt undir Eyjafjöllum hefur gömlu flugvélarflaki verið komið fyrir....

„Hann gat ekki beðið“
Líf og starf 10. apríl 2024

„Hann gat ekki beðið“

Bændablaðið er mörgum ansi hjartfólgið enda nýtur blaðið mikils trausts meðal le...

Sefgoði
Líf og starf 10. apríl 2024

Sefgoði

Sefgoði er flækingur af goðaætt og fannst nýverið við Þorlákshöfn. Það er einung...

Fræ í frjóa jörð
Líf og starf 8. apríl 2024

Fræ í frjóa jörð

Fræbankar hafa á síðustu árum skotið upp kollinum hér og þar, en Svanhildur Hall...

Skyndibitar fyrir sálina
Líf og starf 5. apríl 2024

Skyndibitar fyrir sálina

Veitingar á vegum úti hafa í gegnum tíðina helst hljóðað upp á undirstöðugóðan a...

Íslensk tunga kveikir elda
Líf og starf 4. apríl 2024

Íslensk tunga kveikir elda

Undir Eyjafjöllunum skín alltaf sól segja sumir. Tíðarfarið, eins og víðast anna...