Vinsamlegast athugið að þetta efni er eldra en 1 árs.
Gucci haust '23 hér, fyrstu tvö módelin talin frá vinstri, svo uppblásið mynstur hönnuðar Burberry. Til hliðar má sjá hina margumræddu tösku Bottega Veneta, en sami hönnuður vann með það mynstur á árum áður. Svo má ekki gleyma staðalútbúnaði haustsins, gullstígvélunum.
Gucci haust '23 hér, fyrstu tvö módelin talin frá vinstri, svo uppblásið mynstur hönnuðar Burberry. Til hliðar má sjá hina margumræddu tösku Bottega Veneta, en sami hönnuður vann með það mynstur á árum áður. Svo má ekki gleyma staðalútbúnaði haustsins, gullstígvélunum.
Menning 21. mars 2023

Litríkt og lokkandi

Höfundur: Sigrún Pétursdóttir

Svo virðist sem litagleðin allsráðandi í tískuheiminum, en meðal þess sem var á toppnum á tískuvikunni nýverið er bæði gult, bleikt, gull og loðið.

Nýyfirstaðin tísku­vika hausts 2023 (fyrir þá sem vilja hafa vaðið fyrir neðan sig) bauð upp á ýmis skemmtilegheit en frá Milan sýndi m.a. Gucci skærbleika loðfeldi, silfurdress og aðra gleði.

Tískuvikan í London var að sama skapi skrautleg og kom sígilda merkið Burberry skemmtilega á óvart. Löngum þekkt fyrir klassíska jarðartóna skörtuðu nú módel þess skærum bleikum, gulum og bláum litum enda hafði hönnuður línunnar, Daníel Lee, bæði farið offari í litatryllingi auk þess að hafa blásið upp hið köflótta staðalmynstur Burberry. Útkoman kom þó skemmtilega á óvart og ekki annað hægt að segja en litadýrðin sem nú tröllríður merkinu muni ekki fara framhjá neinum. Daníel Lee hefur áður hrist upp í hlutunum á svipaðan hátt, en einhverjir muna e.t.v. eftir tvisti hans á hönnun undir merkjum Bottega Veneta fyrir nokkrum árum. Bottega Veneta er vel þekkt, m.a. fyrir staðalhönnun sína á töskum, þar sem efnið er fléttað saman. Með það í huga útfærði Daníel fatnað þar sem fléttað mynstrið lék stærstan þátt í því sem gladdi augað. Hann leikur nú sama leik undir merkjum Burberry og er útkoman afar áhugaverð.

Hafa fleiri tískuveldi tekið þá ákvörðun að litadýrðin verði allsráðandi í haustlínum sínum og áhugavert að leita þar fanga. Að minnsta kosti geta þeir sem langþreyttir eru orðnir á drapplitum tónum, sem oft ráða ríkjum á þeim tíma árs, sett upp sparibrosið og látið sig hlakka til haustsins.

Í bland við litadýrðina er gull áberandi og hafa gullstígvél skotið upp kollinum vítt og breitt um lendur tískunnar nýverið. Það er því enginn maður með mönnum nema að verða sér úti um a.m.k. eitt slíkt par svona fyrir haustið, en gylltir fylgihlutir eru einnig, eða verða, hæstmóðins er nær dregur hausti. Nú er bara um að gera að fara að leita sér fanga fyrir þessa skemmtilegu árstíð sem fram undan er – grafa upp gyllta fylgi­ hluti og pússa gyllta skartið.

Athuga svo hvort einhvers staðar leynist ekki litríkir gervipelsar sem má bursta rykið af.

Annars fyrir þá sem hata liti þá má alltaf grípa í svart. Góðar stundir. 
 

Skylt efni: tískan

Sigurður í Pylsumeistaranum er Kjötmeistari Íslands
Líf og starf 16. apríl 2024

Sigurður í Pylsumeistaranum er Kjötmeistari Íslands

Sigurður Haraldsson í Pylsumeistaranum var krýndur Kjötmeistari Íslands í fagkep...

Paella með skelfiski
Líf og starf 16. apríl 2024

Paella með skelfiski

Paella er einfaldur réttur og til í ýmsum útgáfum, grunnurinn þó alltaf sá sami ...

Flugvélarflak í Eyvindarholti
Líf og starf 10. apríl 2024

Flugvélarflak í Eyvindarholti

Við Eyvindarholt undir Eyjafjöllum hefur gömlu flugvélarflaki verið komið fyrir....

„Hann gat ekki beðið“
Líf og starf 10. apríl 2024

„Hann gat ekki beðið“

Bændablaðið er mörgum ansi hjartfólgið enda nýtur blaðið mikils trausts meðal le...

Sefgoði
Líf og starf 10. apríl 2024

Sefgoði

Sefgoði er flækingur af goðaætt og fannst nýverið við Þorlákshöfn. Það er einung...

Fræ í frjóa jörð
Líf og starf 8. apríl 2024

Fræ í frjóa jörð

Fræbankar hafa á síðustu árum skotið upp kollinum hér og þar, en Svanhildur Hall...

Skyndibitar fyrir sálina
Líf og starf 5. apríl 2024

Skyndibitar fyrir sálina

Veitingar á vegum úti hafa í gegnum tíðina helst hljóðað upp á undirstöðugóðan a...

Íslensk tunga kveikir elda
Líf og starf 4. apríl 2024

Íslensk tunga kveikir elda

Undir Eyjafjöllunum skín alltaf sól segja sumir. Tíðarfarið, eins og víðast anna...