Vinsamlegast athugið að þetta efni er eldra en mánaðar gamalt.
Litli leikklúbburinn
Líf og starf 26. janúar 2024

Litli leikklúbburinn

Höfundur: Sigrún Pétursdóttir

Litli leikklúbburinn, sem stofnaður var árið 1965 á Ísafirði, býður nú upp á Fiðlarann á þakinu eftir þá félaga Joseph Stein, Jerry Bock og Sheldon Harnick.

Mikill fjöldi stendur að uppsetningunni sem er, í leikstjórn Þórhildar Þorleifsdóttur, unnin í samstarfi við Tónlistarskóla Ísafjarðar. Koma því bæði leikarar, dansarar, kór og hljómsveit við sögu. Uppsetningin er afar metnaðarfull en telur leikhópurinn 27 manns og níu eru í hljómsveit.

Fiðlarinn á þakinu fjallar um líf og siðvenjur gyðinga Austur-Evrópu árið 1905, þá mjólkurpóstinn Tevje – sem leikinn er af Bergþóri Pálssyni – og fjölskyldu hans, sem með aðstoð hjúskaparmiðlara standa í því vandasama verki að gifta dæturnar fimm.

Hjúskaparmiðlari þorpsins gerir sitt besta til að sinna hlutverki sínu en dæturnar hafa aðrar hugmyndir um örlög sín en foreldrarnir, miðlarinn og samfélagið. Fékk leikfélagið danshöfundinn frábæra, Chantelle Carey, til sín svo allir á sviðinu gangi nú, hoppi og dansi í takt.

„Tónlistarskólinn átti stórafmæli á síðasta ári og í tengslum við það kom sú hugmynd upp að setja á svið stóran og flottan söngleik aftur og Fiðlarinn á þakinu varð fyrir valinu,“ segir Tinna Ólafsdóttir, gjaldkeri félagsins, en þau settu söngleikinn Söngvaseið á svið í fyrra.

„Okkur í leikklúbbnum þótti svo bráðnauðsynlegt að nýta krafta Bergþórs, sem er skólastjóri tónlistarskólans auk þess að vera einn af bestu söngvurum landsins. Við snerum því upp á höndina á honum þar til hann samþykkti að taka að sér aðalhlutverkið.“

Tinna segir Bergþór þó ekki þann eina úr röðum tónlistarskólans, en einn kennaranna, Beáta Joó, gegnir hlutverki tónlistarstjóra sýningarinnar.

„Hún hefur áður tekið að sér tónlistarstjórn, bæði með okkur og Leikfélagi Menntaskólans á Ísafirði og það er virkilega dýrmætt að njóta leiðsagnar hennar,“ segir Tinna.

Frumsýning Fiðlarans á þakinu verður 1. febrúar og sýningar fram að 16. febrúar. Miðaverð er 5.900 kr. fyrir fullorðna og börn 12 ára og yngri greiða 3.500. Miða má kaupa á vefsíðunni www.litlileik.is

„... ég heyrði fnasað og krafsað í hálfrökkrinu ...“
Líf og starf 5. mars 2024

„... ég heyrði fnasað og krafsað í hálfrökkrinu ...“

Orðsins list kemur að þessu sinni frá Svövu Jakobsdóttur.

Auðugri framtíðarsýn Dalabyggðar
Líf og starf 1. mars 2024

Auðugri framtíðarsýn Dalabyggðar

Eins og áður hefur verið kynnt hafa alls 14 byggðarlög hérlendis tekið þátt í ve...

Fagleg og fræðandi afmælissýning
Líf og starf 26. febrúar 2024

Fagleg og fræðandi afmælissýning

Hálfrar aldar afmæli Félags tamningamanna var haldið hátíðlegt þann 17. febrúar ...

Bændur ræddu málin í borginni
Líf og starf 26. febrúar 2024

Bændur ræddu málin í borginni

Hátt í tvö hundruð bændur voru saman komnir á Hilton Reykjavík Nordica þann 12. ...

Stjörnuspá 22. febrúar - 7. mars
Líf og starf 22. febrúar 2024

Stjörnuspá 22. febrúar - 7. mars

Vatnsberinn tekur nú fyrstu skref í því sem mun hafa afar mikil áhrif á líf hans...

Teista
Líf og starf 21. febrúar 2024

Teista

Teista er meðalstór svartfugl sem finnst víða meðfram ströndinni allt árið um kr...

Stjörnuspá 8. febrúar - 22. febrúar
Líf og starf 20. febrúar 2024

Stjörnuspá 8. febrúar - 22. febrúar

Vatnsberinn er óvenju bjartsýnn á komandi vikur og hefur í kollinum hugmyndir að...

Hvanneyrar-pistlar
Líf og starf 19. febrúar 2024

Hvanneyrar-pistlar

Hvanneyri í Borgarfirði er vel þekktur skólastaður. Að stofni til byggðarhverfi ...