Vinsamlegast athugið að þetta efni er eldra en mánaðar gamalt.
Formaður Félags tamningamanna, Sylvía Sigurbjörnsdóttir, bauð gesti velkomna á hálfrar aldar afmæli félagsins. Í ávarpi þakkaði hún stofnendum félagsins fyrir þá hugsjón og þann eldmóð að hafa komið félaginu á laggirnar fyrir rúmlega 50 árum síðan, fyrir það væru hestamenn þakklátir.
Formaður Félags tamningamanna, Sylvía Sigurbjörnsdóttir, bauð gesti velkomna á hálfrar aldar afmæli félagsins. Í ávarpi þakkaði hún stofnendum félagsins fyrir þá hugsjón og þann eldmóð að hafa komið félaginu á laggirnar fyrir rúmlega 50 árum síðan, fyrir það væru hestamenn þakklátir.
Mynd / Gígja D. Einarsdóttir
Líf og starf 26. febrúar 2024

Fagleg og fræðandi afmælissýning

Höfundur: Þórdís Anna Gylfadóttir

Hálfrar aldar afmæli Félags tamningamanna var haldið hátíðlegt þann 17. febrúar og af því tilefni var boðið til afmælissýningar í Lýsishöllinni í Fáki.

Félag tamningamanna var stofnað 10. apríl 1970, og er því gott betur en hálfrar aldar gamalt, en vegna heimsfaraldurs var afmælinu frestað á sínum tíma. Á starfsævi sinni hefur félagið haft það hlutverk að verja hagsmuni íslenska hestsins og talað fyrir sanngirni í allri meðferð, umönnun, tamningu og þjálfun hans.

Félagið bauð hestamönnum öllum til veislunnar sem var afar vegleg. Sýningaratriðin voru á heimsmælikvarða með tamningameisturum félagsins og afreksknöpum. Boðið var upp á afmælisköku og söngatriði auk þess sem saga félagsins var rituð og gefið út afmælisrit í tilefni hálfrar aldar afmælis. Málverkasýning Péturs Behrens, eins af stofnendum félagsins, setti hátíðlegan blæ á sýninguna.

Heimsmeistarinn og afreksknapinn Jóhanna Margrét Snorradóttir mætti með vel þjálfaðan og flottan klárhest, Kormák frá Kvistum. Umfjöllunarefni hennar var léttleiki og gaman var að sjá hversu lipurt og létt þeirra samspil var í þjálfun. Sýningin endurspeglaði þá miklu vináttu og virðingu sem ríkti milli hests og knapa.

Sylvía Sigurbjörnsdóttir, formaður félagsins, var afar ánægð með daginn og sýninguna í heild sinni. „Dagurinn var mjög ánægjulegur, sérstaklega var gaman að sjá hversu mikill áhugi meðal almennings er að bæta við sig þekkingu því hér var nánast setið í hverju sæti og fullt hús af fólki í allan dag.

Þetta er einstakt tækifæri að fá að fylgjast með meisturum félagsins og okkar fremstu knöpum og deila með okkur hinum hvernig þau temja og þjálfa hesta sína. Segja má að atriðin hér í dag hafi verið mjög fjölbreytt en áttu öll það sameiginlegt að hafa virðingu og kærleik í samskiptum við hestinn að leiðarljósi.“

Fyrrum formönnum félagsins var þakkað fyrir störf sín sem og stofnendum félagsins. Gullmerki Félags tamningamanna var veitt Trausta Þór Guðmundssyni fyrir störf sín í þágu félagsins og íslenska hestsins. Það var einróma álit gesta að sýningin hafi verið afar skemmtileg og vel heppnuð í alla staði.

Tamningameistarar félagsins frá upphafi eru sex talsins. T.f.v. Mette Mannseth, Þórarinn Eymundsson, Benedikt Líndal, Sigurbjörn Bárðarson og Eyjólfur Ísólfsson. Reynir Aðalsteinsson hlaut einnig nafnbótina Tamningameistari en er nú fallinn frá.

Tamningameistarinn Mette Mannseth mætti með ungan stóðhest úr eigin ræktun, Grímar frá Þúfum, 5 vetra. Mette lagði áherslu á jafnvægi hestsins í formi hringteyminga og vinnu við hendi. Gaman var að sjá hversu mikil gleði einkenndi þeirra vinnustund og hversu fús hesturinn var að vinna með sínum þjálfara.

Tamningameistarinn Eyjólfur Ísólfsson mætti með tvo afreksknapa í salinn, þau Aðalheiði Önnu Guðjónsdóttur og Ólaf Andra Guðmundsson. Yfirskrift atriðisins bar heitið Kenna – Skilja – Treysta. Eyjólfur hlaut óskipta athygli gesta enda einstakur viskubrunnur um hesta og reiðmennsku. Aðalheiður sat hestinn Hulinn frá Breiðstöðum og Ólafur Draum frá Feti. Báðir tveir glæstir gæðingar sem gaman var að horfa á – mjúkir, sáttir og vel þjálfaðir.

Lokaatriði afmælissýningarinnar bar heitið Gæðingasýning og átti vel við. Eyrún Ýr Pálsdóttir reið stóðhestinum Hyl frá Flagbjarnarholti sem vakti mikla eftirvekt fyrir framgöngu og fas. Teitur Árnason reið stóðhestinum Hafliða frá Bjarkarey og sýndi æfingar og afköst. Saman heppnaðist atriðið vel, ólíkir hestar en gullfallegir báðir tveir. Atriðið var sýnt undir lifandi söng Fríðu Hansen.

Sigurður í Pylsumeistaranum er Kjötmeistari Íslands
Líf og starf 16. apríl 2024

Sigurður í Pylsumeistaranum er Kjötmeistari Íslands

Sigurður Haraldsson í Pylsumeistaranum var krýndur Kjötmeistari Íslands í fagkep...

Paella með skelfiski
Líf og starf 16. apríl 2024

Paella með skelfiski

Paella er einfaldur réttur og til í ýmsum útgáfum, grunnurinn þó alltaf sá sami ...

Flugvélarflak í Eyvindarholti
Líf og starf 10. apríl 2024

Flugvélarflak í Eyvindarholti

Við Eyvindarholt undir Eyjafjöllum hefur gömlu flugvélarflaki verið komið fyrir....

„Hann gat ekki beðið“
Líf og starf 10. apríl 2024

„Hann gat ekki beðið“

Bændablaðið er mörgum ansi hjartfólgið enda nýtur blaðið mikils trausts meðal le...

Sefgoði
Líf og starf 10. apríl 2024

Sefgoði

Sefgoði er flækingur af goðaætt og fannst nýverið við Þorlákshöfn. Það er einung...

Fræ í frjóa jörð
Líf og starf 8. apríl 2024

Fræ í frjóa jörð

Fræbankar hafa á síðustu árum skotið upp kollinum hér og þar, en Svanhildur Hall...

Skyndibitar fyrir sálina
Líf og starf 5. apríl 2024

Skyndibitar fyrir sálina

Veitingar á vegum úti hafa í gegnum tíðina helst hljóðað upp á undirstöðugóðan a...

Íslensk tunga kveikir elda
Líf og starf 4. apríl 2024

Íslensk tunga kveikir elda

Undir Eyjafjöllunum skín alltaf sól segja sumir. Tíðarfarið, eins og víðast anna...