Vinsamlegast athugið að þetta efni er eldra en 10 ára.
Stefnt að plöntun trjáa í 350 milljónir hektara
Fréttir 4. desember 2014

Stefnt að plöntun trjáa í 350 milljónir hektara

Höfundur: Vilmundur Hansen

Metnaðarfullar áætlanir um endurheimt skóga í heiminum gera ráð fyrir að trjám verði plantað í 350 milljónir hektara lands fyrir árið 2030. Ísland er ekki meðal þeirra ríkja sem nú þegar hafa samþykkt að taka þátt í verkefninu.


Á loftslagsráðstefnu Sameinuðu þjóðanna í New York í september síðastliðnum náðist áður óþekkt samstaða 150 stjórnvalda og stórfyrirtækja í heiminum um samkomulag þess eðlis að stefnt yrði að endurheimt skóglendis í heiminum á 350 milljónum hektara lands.

Samkomulagið er viðbót við svokallaða Bonn-áskorun þar sem heitið var átaki til að endurheimta skóga á 150 milljónum hektara lands fyrir árið 2020.

34 sinnum stærð Íslands

Skógrækt á 350 milljónum hektara er gríðarlega metnaðarfullt verkefni á landsvæði sem er ríflega  stærð Indlands. Til samanburðar er flatarmál Íslands um 10.300.000 hektarar, svo þetta samsvarar um 34 sinnum stærð Íslands.

Lönd sem hafa staðfest að taka þátt í verkefninu og stærð lands sem stefnt er að endurheimta undir skóg í þeim eru Úganda með 2,5 milljónir hektara, Kongó 8 milljónir hektara, Kólumbía 1 milljón hektara, Gvatemala 1,2 milljónir hektararog Síle 100 þúsund hektara.

Reiknað er með að mörg önnur ríki sjái sér hag í að taka þátt í verkefninu og draga þannig úr kolefnislosun og staðfesti þátttöku sína í verkefninu á ráðstefnu um loftslagsmál í París á næsta ári.

Gríðarlegur fjárhagsávinningur

Samkomulagið er stórt skref fram á við til að draga úr eyðingu skóga í heiminum og endurheimtar ræktarlands. Náist markmiðið er talið að dragi úr magni gróðurhúsaloftslagstegunda um 4,5 til 8,8 milljarða tonna árið 2030 sem jafngildir útblæstri um eins milljarðs bifreiða. Ætlaður hagnaður af endur­heimtinni er talin jafngilda 170 milljörðum dollara, 21.000 milljarða íslenskra króna, á ári sem skilar sér í aukinni vatnavernd, matvælaframleiðslu, skógarnytjum og bindingu kolefnis úr andrúmslofti.

15 milljónir hektara í Eþíópíu

Í Eþíópíu einni er gert ráð fyrir að plantað verði fyrir skógi í 15 milljónir hektara lands á næstu fimmtán árum. Reynsla undanfarinna ára sýnir að fæðuöryggi íbúa og matvælaframleiðsla hefur stórlega aukist á svæðum í Eþíópíu þar sem trjám hefur verið plantað. Gangi áætlanirnar eftir mun ástand jarðvegs í landinu batna, hætta á þurrkum minnka, frjósemi aukast og möguleiki á ræktun matjurta einnig.

Samhliða aukinni skógrækt og frjósemi er gert ráð fyrir að dýralíf muni aukast og hugsanlega einhverjir villtir dýrastofnar ná sér á strik.

Ísland ekki með

Samkvæmt upplýsingum úr umhverfisráðuneytinu hefur umræða um þátttöku Íslendinga í verkefninu ekki átt sér stað og Ísland því ekki meðal ríkja sem nú þegar hafa samþykkt að leggja áætluninni lið.

Efling byggða á Ströndum
Fréttir 13. maí 2025

Efling byggða á Ströndum

Tillögur til eflingar byggða á Ströndum hafa nýlega verið birtar. Þær byggja á s...

Nýr íshellir til athugunar
Fréttir 12. maí 2025

Nýr íshellir til athugunar

Sveitarstjórn Bláskógabyggðar hefur lagt fram tillögu nýs deiliskipulags sem tek...

Ný lög um Jöfnunarsjóð sveitarfélaga
Fréttir 9. maí 2025

Ný lög um Jöfnunarsjóð sveitarfélaga

Frumvarp hefur verið lagt fram á Alþingi um ný heildarlög um Jöfnunarsjóð sveita...

Háskólasamstæða mikilvæg
Fréttir 9. maí 2025

Háskólasamstæða mikilvæg

Háskóli Íslands og Háskólinn á Hólum verða samstæða frá næstu áramótum og er það...

Störfum í ferðaþjónustu fjölgar en fækkar í landbúnaði
Fréttir 9. maí 2025

Störfum í ferðaþjónustu fjölgar en fækkar í landbúnaði

Ferðaþjónusta í Fljótsdalshreppi hefur eflst mjög undanfarin ár, en landbúnaður ...

Sòl*Kol á Sólheimum og sumarið í vændum
Fréttir 8. maí 2025

Sòl*Kol á Sólheimum og sumarið í vændum

Það er viðeigandi að Sólheimar hafi orðið fyrir valinu við að halda málþing um f...

Lausnir á vandamálum í sauðburði
Fréttir 8. maí 2025

Lausnir á vandamálum í sauðburði

Í allmörg ár hefur verið venja hér í blaðinu að birta skýringarmyndir Þorsteins ...

Rýnt í Bændablaðið í bláu Adríahafinu
Fréttir 7. maí 2025

Rýnt í Bændablaðið í bláu Adríahafinu

Upp úr áramótum fréttist af manni sem lá í Bændablaðinu á Suðurskautslandinu. Nú...