Vinsamlegast athugið að þetta efni er eldra en 9 ára.
Skráning á tjóni vegna álfta og gæsa
Fréttir 9. júlí 2014

Skráning á tjóni vegna álfta og gæsa

Nú hefur verið opnað fyrir skráningu á tjóni af völdum gæsa og álfta í ræktunarlandi bænda. Tilkynningarform er nú aðgengilegt fyrir bændur inn á Bændatorginu undir liðnum ,,Umsóknir“. Upplýsingarnar verða jafnharðan skráðar í gagnagrunn, sem nýtast á við frekari úrvinnslu og til ákvörðunartöku fyrir stjórnvöld, sem taka ákvörðun um framhaldið.

Framhaldið mun ráðast af þátttöku bænda í verkefninu við að tilkynna tjónið með rafrænum hætti í gegnum Bændatorgið. Verkefnið er unnið í samstarfi Bændasamtakanna, umhverfis- og auðlindaráðuneytisins og atvinnuvega- og nýsköpunar­ráðuneytisins, og mun Umhverfis­stofnun koma að mati á tjón og vinna úr niðurstöðum. Rétt er að benda á að krafa er gerð um að spildur séu skráðar í JÖRÐ.IS með stafrænu túnkorti frá Loftmyndum, á þeim spildum sem tjón hefur orðið á. Þeir bændur sem ekki eru með stafræn túnkort eru hér með hvattir til að gera átak í þeim málum.

Að sögn Eiríks Blöndal, framkvæmdastjóra Bændasamtaka Íslands, þá eru í gangi viðræður við stjórnvöld um næstu skref málsins. Næsta skref yrði þá að búa til aðgerðaáætlun til að byggja upp áhrifaríkar forvarnir svo og að leita leiða til að bæta tjón. Gert er ráð fyrir að búnaðarsambönd sjái um úttektir á tilkynntu tjóni í samráði við Umhverfisstofnun ef samningar um það nást. Eiríkur benti á að ályktun Búnaðarþings 2014, en Búnaðarþing taldi mikilvægt að draga skipulega úr tjóni af völdum álfta og gæsa á ræktunarlandi bænda. Búnaðarþing 2014 lagði til ,,Safnað [yrði] frekari upplýsingum um tjón sem álftir og gæsir valda á ræktarlöndum bænda. Á grundvelli þeirra gagna verði ákveðið hvort heimildarákvæði verði sett í lög um tímabundna skotveiði á álft og gæs í tilraunaskyni á ræktarlöndum bænda,“ eins og segir orðrétt í ályktuninni. Með því að opna fyrir skipulega skráningu nú í Bændatorginu væri fyrsta skrefið stigið í þessu mikilvæga hagsmunamáli bænda, sagði Eiríkur að lokum.

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...