Rangar smáauglýsingar birtust fyrir mistök í Bændablaðinu

Í nýju Bændablaði urðu þau leiðu mistök að rangar smáauglýsingar án myndar birtust í blaðinu. Blaðið harmar þessi mistök en bendir lesendum á að á vefsíðu blaðsins, bbl.is, eru réttar auglýsingar.

 

Þeir auglýsendur sem áttu von á að sjá auglýsinguna sína í blaðinu hafa verið beðnir afsökunar. Auglýsingarnar verða birtar í næsta blaði sem kemur út 25. ágúst.

 

Jafnframt hefur blaðið haft samband við þá aðila sem nú fengu endurbirtingu á gamalli auglýsingu óumbeðið í Bændablaðinu.