Vinsamlegast athugið að þetta efni er eldra en 6 ára.
Við borðið sitja Gunnar Þorgeirsson formaður SG, Sigurður Ingi Jóhannsson landbúnaðarráðherra, Sindri Sigurgeirsson formaður BÍ, Sigurður Loftsson formaður LK og Þórarinn Ingi Pétursson formaður LS.
Við borðið sitja Gunnar Þorgeirsson formaður SG, Sigurður Ingi Jóhannsson landbúnaðarráðherra, Sindri Sigurgeirsson formaður BÍ, Sigurður Loftsson formaður LK og Þórarinn Ingi Pétursson formaður LS.
Mynd / TB
Fréttir 19. febrúar 2016

Nýir búvörusamningar undirritaðir

Höfundur: smh

Í dag klukkan 15 voru nýir búvörusamningar undirritaðir í atvinnu- og nýsköpunarráðuneytinu, milli ríkis og bænda. Um er að ræða samninga um starfsskilyrði nautgriparæktar, sauðfjárræktar og garðyrkju auk rammasamnings um önnur verkefni sem ekki falla undir búgreinasamningana, sem áður var í búnaðarlagasamningi.  Þetta er í fyrsta sinn sem samið er um alla samningana í einu. 

Samið er til 10 ára og gert er ráð fyrir að samningarnir taki allir gildi í ársbyrjun 2017 og gildi út árið 2026. Að sögn Sigurðar Eyþórssonar, framkvæmdastjóra Bændasamtaka Íslands, er einkar mikilvægt fyrir landbúnaðinn að starfsskilyrði hans séu tryggð til lengri tíma, í  ljósi þess að framleiðsluferillinn er í flestum tilvikum mjög langur.   Vegna þess hve samningstíminn er langur er þó kveðið á um tvær endurskoðanir, hina fyrri árið 2019 og hina síðari 2023,

Meginmarkmið rammasamningsins er að efla íslenskan landbúnað og skapa greininni sem fjölbreyttust sóknarfæri. Markmiðið er að auka verðmætasköpun í landbúnaði og nýta sem best tækifærin sem felast í sveitum landsins í þágu bænda, neytenda og samfélagsins alls. Til þess að ná þessum markmiðum eru í samningum fjölbreytt atriði sem ætlað er að ýta undir framþróun og nýsköpun í greininni.

Í tilkynningu frá Bændasamtökum Íslands er haft eftir Sindra Sigurgeirssyni, formanni Bændasamtaka Íslands, að viðræður hafi staðið yfir frá því í september á síðasta ári og nú sé niðurstöðu náð sem samningsaðilar séu ánægðir með. „Við höfum lagt áherslu á að ljúka samningunum til þess að bændur og allir sem starfa við íslenskan landbúnað geti gert áætlanir um sinn rekstur. Nýju samningarnir eru byltingarkenndir að ýmsu leyti en í samningaferlinu hefur verið tekið tillit til margra ólíkra sjónarmiða.

Langur samningur er mikilvægur að því leyti að hann tryggir starfsskilyrði inn í framtíðina. Endurskoðunarákvæði eru fyrir hendi ef eitthvað bregður út af eða nýjar aðstæður verða uppi. Þá er nýlunda að gera víðtækan rammasamning fyrir allan landbúnað. Meginhugmyndin þar er að stuðningurinn verði fjölbreyttari og almennari, en ekki eins bundinn ákveðnum greinum og verið hefur.

Í samningaviðræðunum var markmiðið að sníða gallana af gömlu samningunum. Mikil umræða hefur átt sér stað um kvótakerfi í mjólk, m.a. þann kostnað sem bændur hafa þurft að leggja í kvótakaup. Sú stefna var tekin að fresta um sinn ákvörðun um afnám kvótakerfisins en almenn atkvæðagreiðsla um málið verður haldin meðal búabænda árið 2019 samhliða fyrstu endurskoðun samningsins. Ýmsar viðamiklar breytingar verða þó gerðar strax, meðal annars að frjálst framsal á greiðslumarki verður óheimilt. Þeir sem vilja selja sitt greiðslumark geta nýtt sér það að ríkið innleysi kvótann á fyrirfram ákveðnu verði. Ríkið mun svo bjóða kvótann til sölu á sama verði og munu nýliðar og þeir framleiðendur sem framleitt hafa umfram kvóta njóta forgangs.

Í sauðfjársamningi var einnig hægt á afnámi beingreiðslna fyrstu árin auk þess sem tekinn verður upp sérstakur býlisstuðningur.

Í garðyrkjusamningi eru litlar breytingar.  Áfram er gert ráð fyrir beingreiðslum til tómata-, gúrku- og paprikuframleiðslu og niðurgreiðslu á raforku til ræktunar með lýsingu,“ segir formaður Bændasamtaka Íslands.

Nánar verður gerð grein fyrir samningunum í Bændablaðinu sem kemur út 25. febrúar næstkomandi en þá má einnig skoða hér að neðan.

Rammasamningur

Samningur um starfsskilyrði sauðfjárræktar

Samningur um starfsskilyrði nautgriparæktar

Samningur um starfsskilyrði framleiðanda garðyrkjuafurða

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...