Litríkt barnateppi

Höfundur: Mæðgurnar í Handverkskúnst

Þetta litríka barnateppi er prjónað úr Scheepjes Whirl, fallega bómullargarninu okkar sem er fáanlegt í mörgum litbrigðum.

Á dokkunni eru 1.000 metrar og hver dokka um 200 g. Garnið er gífurlega vinsælt og dugir til dæmis ein dokka í flest sjöl (prjónuð eða hekluð).

Ég prjónaði þetta teppi eins langt og dokkan dugði en auðvitað er ekkert mál að minnka það eða stækka, en þá þarf fleiri dokkur.

Garn: Scheepjes Whirl – (fæst í Handverkskúnst)

Stærð: ca. 82x100 sm

Prjónar: Hringprjónn 60-80 sm nr 3 eða sú prjónastærð sem þarf til að prjónfesta passi

Prjónfesta: 25 lykkjur = 10 sm

Perluprjón:

Umferð 1 (réttan): Prjónið *1 lykkju slétt, 1 lykkju brugðið* endurtakið frá *-* út umferðina.

Umferð 2 (rangan): Prjónið slétt yfir brugðið og brugðið yfir slétt.

Endurtakið umferð 2

Aðferð:

Fitjið upp 205 lykkjur og prjónið perluprjón fram og til baka 8 umferðir. Skiptið yfir í munstur og prjónið þannig: 8 lykkjur perluprjón, prjónið samkvæmt munsturteikningu og endið umferðina á 8 lykkjur perluprjón.

Prjónið eins langt og dokkan endist, en endið á umferð 11 eða 22 í munstri og prjónið síðan 8 umferðir perluprjón. Fellið af. Í mínu tilfelli er ég með 13 endurtekningar á munstri og síðan perluprjónskantur efst á teppi.

Gangið frá endum, þvoið teppið og leggið til þerris.