Vinsamlegast athugið að þetta efni er eldra en 5 ára.
Leggja ekki til efnislegar breytingar á búvörusamningum
Fréttir 8. september 2016

Leggja ekki til efnislegar breytingar á búvörusamningum

Höfundur: Vilmundur Hansen

Atvinnuveganefnd Alþingis mun ekki gera efnislegar breytingar á búvörusamningunum eftir að hafa fjallað um breytingatillögur minnihlutans sem komu fram við umræður á þingi.

Atvinnuveganefnd Alþingis kom saman fyrr í vikunni eftir umræður um búvörusamningana á þingi. Á fundinum var meðal annars fjallað um þrjár tillögur stjórnarandstöðunnar vegna samninganna. Í fyrsta lagi tillögu um niðurfellingu beingreiðslna ef bændur væru staðnir að slæmri meðferða á dýrum og hvernig hægt er að koma henni fyrir innan ramma samninganna. Í öðru lagi tillögu Vinstri grænna um umhverfismat vegna landnýtingar sem undanfara nýrra búvörusamninga. Í þriðja lagi breytingu á tollalögum sem þarf að gera samhliða nýjum búvörulögum. Meirihluti nefndarinnar tók að hluta undir sjónarmið sem koma fram í tillögu VG og nefndin bætir við í sína greinargerð að horfa skuli til þeirra atriða sem felast í umhverfismati áætlana í endurskoðunarvinnu við samninganna.

Heimild til að fella niður greiðslur vegna dýraníðs

Haraldur Benediktsson, þingmaður Sjálfstæðisflokksins og annar varaformaður atvinnumálanefndar, sagði eftir fundinn að á honum hefði verið farið yfir málin.

„Niðurstaða nefndarinnar er að við munum ekki koma með neinar efnislegar breytingar á búvöru-samningnum milli umræðna.

Líkt og við boðuðum við atkvæðagreiðslu um búvörusamninga þá tókum við til umræðu heimild Matvælastofnunar að fella niður greiðslur vegna búvöruframleiðslu, hafi farið fram vörslusvipting. Þetta ákvæði kemur til viðbótar þeim úrræðum sem stofnunin hefur. Auðvitað er það svo að Matvælastofnun hefur íþyngjandi úrræði, svo sem sektarúrræði sem geta í raun náð sömu áhrifum. En niðurstaða meirihlutans var að breyta lögum þannig að Matvælastofnun hafi slíka heimild.  En að sama skapi hefur nefndin enn hnykkt á því í sínu nefndaráliti að Matvælastofnun sinni sínu leiðbeiningahlutverki og vinni með leiðbeiningaþjónustunni að því að ná markmiðum laga um velferð dýra.“

Endurbætur á tollalögum

„Við fjölluðum einnig um endur-bætur á tollalögunum til að skýra þau. Samkvæmt heimild í tollalögum frá 2003 mætti ætla að það væri heimilt að flytja inn kjöt til vinnslu og flytja það síðan út aftur. Það ákvæði var búið til í flýti á sínum tíma þegar til stóð að starfrækja hreindýrakjötsvinnslu á Húsavík með kjöti frá Grænlandi sem síðan átti að fara áfram á aðra markaði, en hefur aldrei verið notað. Auk annarra lagfæringa sem nauðsynlegt er að gera.“

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...