Laxaseiði struku úr laxeldisstöð

Bilun varð í búnaði hjá eldisstöð í Lónum í Kelduhverfi, Kópaskeri, sem varð til þess að fiskur komst úr eldiskeri og út í settjörn, þar sem seinni vörn gegn stroki er staðsett. 

Matvælastofnun barst tilkynning um strokið síðasta miðvikudag, 6. maí. Unnið er að rannsókn málsins en óvíst er hve mörg seiði sluppu út í settjörnina. Samkvæmt upplýsingum frá rekstrarleyfishafa, Köldukvísl ehf., var meðalþyngd seiðanna um 92,6 grömm. Rekstrarleyfishafi telur hverfandi líkur á að eldislax hafi komist úr settjörn og út í sjó. 

Að Lónum í Kelduhverfi hefur verið rekið fiskeldi síðan 1980. Síðust ár hafa umsvif rekstraleyfishafa aukist og þar er nú rekið seiðaeldi á laxi í kerjum á landi.