Flutningar vindmylla í Vaðölduver hefjast í kvöld

Flutningar á vindmyllum frá Þorlákshöfn í Vaðölduver hefjast seint í kvöld, aðfaranótt 7. maí, og munu standa næstu 7-9 vikur.

Þetta eru viðamestu þungaflutningar sem fram hafa farið hérlendis. Keyrt verður sex kvöld og nætur vikunnar og er áætlað að hver ferð taki um 4-6 klukkustundir í akstri og ferðin hefjist klukkan 22 hvert kvöld. Hlé er tekið aðfaranótt sunnudags í hverri viku. Ekið er um 130 kílómetra leið í Vaðölduver frá Þorlákshöfn og ferðahraði lestarinnar verður að meðaltali um 30 km/klst. 

Lögregla stýrir flutningunum, vegalokunum og allri umferð í kringum þá. Flutningslestin fer um Þjóðveg 1 frá Selfossi að Landvegamótum, um 60 mínútna akstursleið. Ekki verður hægt að taka fram úr eða mæta lestinni og umferð stöðvuð um veginn þann tíma sem þungaflutningarnir fara fram. Hjáleiðir verða kynntar sérstaklega. 

Hægt er að fylgjast með stöðu vega og umferð hér.