Kveiktu í könguló og húsið brann

Ekki stóð til að kveikja í húsinu þegar íbúðareigandi í Briggend í Wales bað nágrana sína að hjálpa sér við að losna við könguló sem hafði gert sig heimakomna í stofunni.

Í fyrstu var úðað svitalyktareyði yfir kvikindið en þegar það dugði ekki var tekinn upp kveikjari og borinn eldur að því. Köngulóin drapst en þar sem svitalyktarúðinn er mjög eldfimur breiddist eldurinn hratt út og fór úr böndunum. Engu fólki varð meint af og tókst slökkvilið bæjarins að ráða niðurlögum eldsins áður en húsið brann til kaldra kola.