Kjarnfóðrið hækkar í verði
Höfundur: Vilmundur Hansen
Um síðust mánaðamót hækkaði verð á öllu kjarnfóðri hjá Líflandi um 4%. Fóðurblandan hefur einnig tilkynt 2,5 til 4% hækkun á öllu kjarnfóðri sem tekur gildi frá og með 12. júlí 2016.
Hækkunin nú kemur til vegna talsverðra sviptinga á hrávörumarkaði, en sojamjöl hefur á síðustu mánuðum hækkað mjög í verði sem og önnur hráefni að mismiklu leyti. Hagstæð gengisþróun hefur hjálpað til og gert það að verkum að hægt hefur verið að fresta verðhækkunum til þessa.
