Vinsamlegast athugið að þetta efni er eldra en 8 ára.
Mikill fjöldi ferðamanna við Geysi og Gullfoss kallar á aukna þjónustu sjúkraliðs og öruggt aðgengi sjúkrabíla.
Mikill fjöldi ferðamanna við Geysi og Gullfoss kallar á aukna þjónustu sjúkraliðs og öruggt aðgengi sjúkrabíla.
Fréttir 5. september 2016

Íbúar á Suðurlandi búa við hættuástand

Höfundur: Hjörtur L. Jónsson
Í síðasta pistli skrifaði ég um áhyggjur mínar af umferðarþunga á hringveginum og þá sérstaklega kaflanum frá Reykjavík að Höfn í Hornafirði. Um síðustu helgi var ég staddur á bílaplaninu við Gullfoss og hitti þar tvo fyrrum sveitunga mína sem eru rútubílstjórar. 
 
Ég spurði þá af hverju væru svona margar rútur á svæðinu og tjáðu þeir mér að í Reykjavíkurhöfn væru tvö skemmtiferðaskip og að það væru 60 rútur að keyra farþega úr skipunum (sé miðað við 50 farþega í hverri rútu er þetta 3.000 manns). 
 
Það voru ekki bara rútur þarna, en ég taldi a.m.k. yfir 10 leigubíla og annað eins af sérútbúnum fjallajeppum og ofan á þetta voru tugir bílaleigubíla og íslenskt fjölskyldufólk. Bæði bílastæðin við Gullfoss á þessum tímapunkti voru fullnýtt og rúmlega það.
 
Hjartaáfall á versta mögulega stað og stund
 
Þegar ég var að búa mig til brottfarar voru skammt frá mér erlendir ferðamenn í átta til níu manna bíl sem lögðu af stað rétt á undan mér. Þegar ég og ferðafélagar mínir vorum rétt komnir af stað ókum við fram á þennan bíl stopp úti í vegkanti og greinilegt að eitthvað mikið var að og virtist sem farþegi í bílnum hefði fengið hjartaáfall. 
 
Rútubílstjóri sem þarna var hringdi eftir sjúkrabíl, en aðra hjálp var ekki hægt að veita að svo komnu máli. Um tuttugu og fimm mínútum seinna stóð ég við Geysi og sá tvo sjúkrabíla og einn lögreglubíl koma með forgangsljósum og sírenuhávaða. Sökum umferðarþunga gekk för þeirra afar hægt (tók óralangan tíma að komast 500 metra kaflann í gegn hjá Geysi) og var mér hugsað til sjúklingsins hvort þessi hjálp væri ekki orðin of sein. 
 
Óásættanlegt ástand við íbúa og ferðamenn vegna margmennis og umferðarþunga
 
 Eftir að hafa orðið vitni af tímanum sem tók sjúkrabíl að koma upp á Gullfoss varð mér hugsað til íbúanna á svæðinu í kringum Gullfoss og Geysi og þá þjónustu sem það má búast við ef alvarlegt slys verður á svæðinu. Í framhaldi af þessu varð mér hugsað til þess að þegar gefin eru leyfi til að halda aksturskeppnir eins og torfæru- og motocrosskeppnir þar sem á milli 20 og 60 keppendur eru að keppa í kappakstri, er mótshöldurum skylt að hafa sjúkrabíl á svæðinu samkvæmt leyfisbréfinu. Er ekki kominn tími á að koma fyrir sjúkrabíl í uppsveitum Árnessýslu á þessum þyngstu álagsdögum eða að ferðaskrifstofurnar sem skipuleggja ferðirnar á þessa vinsælustu ferðamannastaði taki sig saman og kaupi þjónustu frá Rauða krossinum með staðsetningu sjúkrabíls í námunda við Gullfoss og Geysi? Allavega finnst mér það sjálfsagður hlutur og tel að ferðaskrifstofurnar hljóti að ráða við það fjárhagslega þegar akstursíþróttafélögin geta það.
Deilt um gjaldtöku vegna meðhöndlunar á dýrahræjum
Fréttir 11. febrúar 2025

Deilt um gjaldtöku vegna meðhöndlunar á dýrahræjum

Fyrir áramót bárust tvö mál inn á borð lögfræðinga Bændasamtaka Íslands þar sem ...

Tvöfaldur hagnaður kjötvinnslu í eigu KS
Fréttir 11. febrúar 2025

Tvöfaldur hagnaður kjötvinnslu í eigu KS

Kjötvinnslan Esja gæðafæði nær tvöfaldaði hagnað sinn milli áranna 2022 og 2023.

Framleiðsla og sala á hrossakjöti jókst mest
Fréttir 10. febrúar 2025

Framleiðsla og sala á hrossakjöti jókst mest

Mikil aukning var í framleiðslu og sölu á hrossakjöti og svínakjöti á síðasta ár...

Betri afkoma sauðfjárbúa
Fréttir 10. febrúar 2025

Betri afkoma sauðfjárbúa

Hagstofan greindi frá því á vef sínum fyrir skemmstu að afkoman í sauðfjárræktin...

Hver á Ísland?
Fréttir 7. febrúar 2025

Hver á Ísland?

Húsnæðis- og mannvirkjastofnun stendur að átaksverkefni við að áætla eignarmörk ...

Niðurstöður viðhorfskönnunar áhyggjuefni
Fréttir 7. febrúar 2025

Niðurstöður viðhorfskönnunar áhyggjuefni

Meirihluti bænda telur stuðningskerfi landbúnaðar flókið en aðeins tæp 14% telja...

Ratcliffe er fjórði stærsti landeigandi Íslands
Fréttir 6. febrúar 2025

Ratcliffe er fjórði stærsti landeigandi Íslands

Hægt er að fá vísbendingar um eignasöfnun einstakra aðila á landi út frá landeig...

Garðyrkjubændur bíða eftir útspili stjórnvalda
Fréttir 6. febrúar 2025

Garðyrkjubændur bíða eftir útspili stjórnvalda

Miklar raforkuverðshækkanir á garðyrkjubændur í ylrækt nú um áramótin koma illa ...