Vinsamlegast athugið að þetta efni er eldra en 6 ára.
Sautján rúllur á óskráðum vagni, hvað ætli sektardómsorð sé við því?
Sautján rúllur á óskráðum vagni, hvað ætli sektardómsorð sé við því?
Fréttir 22. nóvember 2016

Hvað má og hvað má ekki á þjóðvegum landsins

Höfundur: Hjörtur L. Jónsson
Að kvöldi miðvikudagsins 4. maí 2016, var ökumaður á dráttarvélinni ZZ-737 stöðvaður af lögreglu við eftirlit er hann dró óskráðan og óhemlaðan eftirvagn er vó 11.650 kg. Var hann 1.553,3% umfram leyfilega heildarþyngd eftirvagnsins í akstri austur Suðurlandveg við Birtu í Flóahreppi. 
 
Við fyrirtöku málsins þann 13. október sl. mætti ákærði ásamt lögfræðingi, sem skipaður var verjandi ákærða að hans ósk. Ákærði viðurkenndi skýlaust að hafa gerst sekur um þá háttsemi sem honum er gefin að sök í ákæru.
 
Þriðju­daginn 1. nóvember 2016 var dæmt í málinu í Héraðs­dómi Suður­lands og hljóðar dómurinn eftirfarandi samkvæmt vefmiðlinum www.domstolar.is.
 
Ákærði var fundinn sekur um umferðarlagabrot, með því að hafa ekið með óskráðan og óhemlaðan eftirvagn, með 11.650 kg yfirþunga. Refsing ákærða var hæfilega ákveðin 800.000 kr. sekt í ríkissjóð.
Þess má geta að fyrir tveim árum var þessi sami aftanívagn tekinn út af starfsmanni Vinnueftirlits ásamt öðrum búnaði á búinu. Voru engar athugasemdir gerðar við vagninn þótt hann væri ekki á númerum og þar með ekki skráður fyrir þyngri farm en 750 kg. 
 
Lögin virðast nokkuð skýr
 
Er þetta brotalöm á umferðarreglum eða reglum um skráningu tengivagna? Ekki er hægt annað en að viðurkenna að ég hafi orðið hissa. Eftir að hafa hraðlesið yfir lög og reglur um kerrur og vagna í umferðarlögum sýnist mér lögin vera það skýr, að vagn eða kerra sem er óskráð megi aldrei hlaða meira en 750 kg. Sennilega eru ekki margir sem hefðu trúað þessu, en lögin virðast vera nokkuð auðskilin við lestur. Samkvæmt ofangreindu máli þar sem refsing var 800.000 verður það að teljast væg refsing, en hámarksrefsing er nálægt 15.000.000, meira en verðmat dráttarvélarinnar og vagns í ofangreindu máli.
 
Skrásetja ætti rúlluvagna og haugsugur
 
Þarf að skrá rúlluvagna og haugsugur? Svar mitt er JÁ, eftir lestur reglna og dóminn hér að ofan, en eflaust er þetta álitamál sem endalaust verða misjafnar skoðanir um. 
 
Margir hafa smíðað sína eigin flatvagna til að flytja sínar heyrúllur. Þrátt fyrir oft og tíðum mikið snilldar handverk hefur mér oft fundist vanta betri ljósabúnað og bremsur á þessa heimasmíðuðu vagna. Síðan eru það haugsugurnar sem oft er ekið með á bilinu 3.000 til 20.000 lítra af vökva. Bæði haugsugur og flatvagnar eru oftast án númeraplötu og verð ég að kasta fram þeirri spurningu, hvar er kerfið að klikka? 
Ef farið væri eftir gildandi lögum og reglum myndi örugglega einhver skammast út í bændur ef upp kæmi eldsvoði svipaður og var í Borgarfirði fyrir nokkrum árum.  Þar áttu haugsugur fulllestaðar af vatni stærstan þátt í að ekki fór verr. Ef þeir bjargvættir sem þar notuðu haugsugur sínar hefðu neitað því að koma með haugsugur sínar vegna þess að þeir hefðu ekki mátt setja meira í haugsugurnar en 750 lítra, hefði skaðinn eflaust orðið töluvert meiri. Er ekki spurning um að endurskoða aðeins regluverkið?
Rétt er kannski að benda bændum á að skoða vel skráningu aftanívagna  sinna og fá staðfesta úttekt eftirlits svo menn eigi ekki mögulega hættu á að fá sekt upp á 15 milljónir króna. 
Auknar fjárveitingar til viðhalds varnarlína í Miðfjarðarhólfi
Fréttir 8. júní 2023

Auknar fjárveitingar til viðhalds varnarlína í Miðfjarðarhólfi

Fjárveitingar til viðhalds á tveimur varnarlínum sauðfjársjúkdóma milli Miðfjarð...

Nýr lausapenni
Fréttir 8. júní 2023

Nýr lausapenni

Umfangsmeira Bændablað kallar á mannafla og er Þórdís Anna Gylfadóttir nýr liðsf...

Dregur úr innlendri framleiðslu nautakjöts
Fréttir 8. júní 2023

Dregur úr innlendri framleiðslu nautakjöts

Samdráttur í nautakjötsframleiðslu nú er afleiðing lægra afurðaverðs árið 2021 a...

Eitt sýni jákvætt á Urriðaá
Fréttir 8. júní 2023

Eitt sýni jákvætt á Urriðaá

Nú er ljóst að eina staðfesta riðuveikitilfellið á Urriðaá í Miðfirði var í kind...

Ályktað um innflutning og upprunamerkingar
Fréttir 8. júní 2023

Ályktað um innflutning og upprunamerkingar

Aðalfundur Kaupfélags Skagfirðinga, sem haldinn var á Sauðárkróki þann 6. júní s...

Eftirmál riðuveiki
Fréttir 8. júní 2023

Eftirmál riðuveiki

Sauðfjárbændurnir á Urriðaá og Bergsstöðum í Miðfirði standa saman í erfiðum sam...

Óvissa um starfsemi BÍL
Fréttir 7. júní 2023

Óvissa um starfsemi BÍL

Aðalfundur Bandalags íslenskra leikfélaga (BÍL) lýsir yfir vonbrigðum með drátt ...

Vilja flytja út færeysk hross
Fréttir 6. júní 2023

Vilja flytja út færeysk hross

Til þess að bjarga færeyska hrossastofninum frá aldauða hefur komið til skoðunar...