Vinsamlegast athugið að þetta efni er eldra en 7 ára.
Heildsöluverð á mjólk og mjólkurafurðum hækkar um 2,5%
Mynd / HK
Fréttir 28. júní 2016

Heildsöluverð á mjólk og mjólkurafurðum hækkar um 2,5%

Höfundur: Tjörvi Bjarnason

Verðlagsnefnd búvara hefur tekið samhljóða ákvörðun um að heildsöluverð á mjólk og mjólkurafurðum hækki um 2,5% þann 1. júlí nk. Breytingin er einkum til komin vegna hækkunar launa, segir í fréttatilkynningu frá nefndinni.

Afurðastöðvaverð til bænda hækkar um 1,77 kr. á lítra mjólkur, úr 84,39 kr. í 86,16 kr. Þá hækkar vinnslu- og dreifingakostnaður mjólkur um 1,81 kr. Samanlögð hækkun heildsöluverðs er því 3,58 krónur á hvern lítra mjólkur.

Lægra verð á mjólkurdufti gagnast íslenskum iðnaði
Þau tíðindi eru í ákvörðun nefndarinnar að undanrennu- og mjólkurduft mun lækka um 20% til að mæta áhrifum nýs tollasamnings við Evrópusambandið og lækkun heimsmarkaðsverðs á dufti. Verðlækkun á dufti kemur einkum iðnaðinum til góða, t.d. þeim aðilum sem stunda framleiðslu á matvörum þar sem mjólkurduft er notað.

Sindri Sigurgeirsson, formaður Bændasamtakanna, sagði í samtali við Bændablaðið að verðlækkun á mjólkurduftinu komi innlendum matvælaiðnaði mjög vel. „Með þessari verðlækkun er verið að bæta samkeppnisstöðu þeirra fyrirtækja sem kjósa að nota innlent hráefni,“ segir hann. Um ástæður þess að hækkun á heildsöluverði var nauðsynleg nú sagði Sindri að frá síðustu verðhækkun hafi laun og launatengd gjöld hækkað um 12,8% í þjóðfélaginu. „Í raun var hækkunarþörfin meiri en nefndin ákvað að fara milliveginn að þessu sinni. Bændur verða líka að fá sínar launahækkanir eins og aðrir,“ segir Sindri og bætir því við að launahækkanir innan mjólkuriðnaðarins vegi þungt í rekstri mjólkursamlaga og óhjákvæmilegt sé að bregðast við því með verðhækkunum.

Vegin meðaltalshækkun á heildsöluverði á mjólk er 2,1%. Kostnaðurinn við lækkunina á duftinu skiptist jafnt á milli bænda og mjólkuriðnaðarins.

Síðasta hækkun fyrir ári síðan
Verðlagsnefnd búvara starfar samkvæmt búvörulögum. Hún er skipuð sex mönnum og ákveður lágmarksverð  mjólk til kúabænda og ákveðinna mjólkurvara í heildsölu. Fulltrúar í nefndinni eru frá atvinnuvega- og nýsköpunarráðuneytinu, Samtökum afurðastöðva í mjólkuriðnaði, velferðarráðuneytinu og Bændasamtökum Íslands. Velferðarráðuneytið tilnefnir fulltrúa í nefndina sem áður komu frá launþegahreyfingunni.

Síðasta verðlagsákvörðun nefndarinnar var gerð á sama tíma fyrir ári síðan.

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...