Vinsamlegast athugið að þetta efni er eldra en 9 ára.
Hafa úrbeinað hangikjöt fyrir skjólstæðinga Mæðrastyrksnefndar sjö jól í röð
Fréttir 29. desember 2014

Hafa úrbeinað hangikjöt fyrir skjólstæðinga Mæðrastyrksnefndar sjö jól í röð

Höfundur: Hörður Kristjánsson

Meistarafélag kjötiðnaðarmanna (MFK) hefur staðið fyrir því sjö ár í röð að útvega Mæðrastyrksnefnd Reykjavíkur hangikjöt og úrbeina fyrir þá sem minna mega sín í þjóðfélaginu.

Alls mættu fimmtán kjötiðnaðarmeistarar í kennslu­eldhús  hótel- og matvælagreina í Menntaskólanum í Kópavogi föstudaginn 12. desember. Þar var tekið rösklega til hendi við að úrbeina mikið magn hangikjöts sem félagarnir höfðu fengið að gjöf frá nokkrum afurðastöðum og kjötvinnslufyrirtækjum.

Það var sannarlega handagangur í öskjunni hjá meisturunum og unun að horfa á fimleg handbrögð við úrbeininguna. Ekki skemmdi fyrir að yfir hópnum var afar létt stemning eins og venjulega þegar félagarnir koma saman til að úrbeina kjöt fyrir Mæðrastyrksnefnd. Um leið og lokið var við að úrbeina var kjötinu vafið í rúllur og settar í plastpoka sem lofttæmdir voru og merktir viðkomandi framleiðslufyrirtækjum samkvæmt kúnstarinnar reglum.

Að lokinni aðgerð afhenti Halldór Jökull Ragnarsson,iformaður MFK, Ragnhildi Guðmundsdóttur, formanni Mæðrastyrksnefndar, hangikjötið. Hún þakkaði meisturunum innilega fyrir gjöfina og sagði ekki minna máli skipta það góða hugarfar kjötiðnaðarmeistaranna sem þarna lægi að baki. Sagði hún kjötið koma í góðar þarfir hjá fólki sem hefði ekki efni á slíku um jólin. Sagði Ragnhildur að þörfin væri síst minni nú en undanfarin jól og því miður virtist sér fátækt á Íslandi vera að aukast ef eitthvað væri.

Kjartan Bragason, fyrrverandi formaður MFK, sagði í samtali við tíðindamann Bændablaðsins að tilurð þessarar úrbeiningar mætti rekja til neyðarástandsins sem skapaðist í kjölfar efnahagshrunsins haustið 2008. Þá hafi þeim félögum fundist að þeir yrðu að leggja eitthvað af mörkum til að hjálpa fólki í vanda. Þá hafi komið upp sú hugmynd að reyna að fá afurðastöðvar og kjötiðnaðarfyrirtæki til að gefa hangikjöt sem félagarnir síðan úrbeinuðu og gerðu klárt til afhendingar til Mæðrastyrksnefndar.  Undirtektir fyrirtækjanna voru strax miklu betri en menn þorðu að vona og hefur þetta síðan verið árlegur viðburður. Undanfarin ár hafa þeir góðfúslega fengið að nýta vel búið kennslueldhús hótel- og matvælagreina í Menntaskólanum í Kópavogi.

Að þessu sinni gáfu sex fyrirtæki hangikjöt til úrbeiningar, bæði læri og framparta. Þetta eru Kaupfélag Skagfirðinga (KS), Sláturfélag Suðurlands (SS), Esja Gæðafæði, Kjarnafæði og Kjötsmiðjan.

Skylt efni: Matvæli

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...

Dregur úr kaupvilja
Fréttir 12. apríl 2024

Dregur úr kaupvilja

Niðurstöður tilboðsmarkaðar fyrir greiðslumark mjólkur í byrjun apríl sýna að ja...