Vinsamlegast athugið að þetta efni er eldra en 9 ára.
Góð verkefnastaða hjá SAH-Afurðum á Blöndósi
Fréttir 11. desember 2014

Góð verkefnastaða hjá SAH-Afurðum á Blöndósi

Höfundur: Margrét Þóra Þórsdóttir

„Verkefnastaðan hjá okkur er þétt,“ segir Gunnar Tryggvi Halldórsson, framkvæmdastjóri SAH Afurða á Blönduósi. 

Sauðfjárslátrun lauk nýverið, fleira fé en áður var slátrað hjá fyrirtækinu. Folaldaslátrun hófst um miðjan september og stendur fram yfir áramót. Þá er verið að leggja lokahönd á reykingu jólahangikjötsins og í framhaldi af því hafist handa við að útbúa jólagjafapakka sem félagið býður og nýtur æ meiri vinsælda.  Eins er þorramaturinn löngu kominn í súr og bíður síns sölutíma. „Það er alltaf nóg að gera hjá okkur, eitt tekur við af öðru,“ segir Gunnar.

Magnið um 100 tonnum meira en í fyrra

Alls var slátrað um 105 þúsund fjár hjá SAH Afurðum á Blönduósi í nýliðinni sláturtíð, sem er nokkru meira en var í fyrra, aukningin nemur um 2.000 fjár.  „Það hafa bæst við hjá okkur nýir viðskiptavinir og við túlkum það sem svo að innleggjendur beri til okkar traust,“ segir Gunnar. Meðalþyngd dilka er um 400 grömmum meiri en var í sláturtíð í fyrra, aukin þyngd og meira magn þýðir að um 100 tonnum meira af kjöti fór í gegnum vinnsluna þetta haustið.

Gunnar segir að sláturtíð hafi gengið eins og best verður á kosið.  Alls eru fastir starfsmenn hjá fyrirtækinu á milli 40 og 50 talsins, en í sláturtíð bætast um 100 við, þannig að heildarfjöldinn er um 140 til 150 manns.

Aukin folaldaslátrun

Félagið hefur á liðnum árum aukið mjög folaldaslátrun og hófst hún nú um miðjan september.  Gunnar segir að í vetur verði að líkindum slátrað um 2.000 folöldum hjá fyrirtækinu og standi sú tíð fram að áramótum, jafnvel eitthvað fram í janúar. „Það hefur orðið aukning í þessu hjá okkur undanfarin ár, þetta kjöt líkar vel, en við seljum bæði í heildsölur og til einstaklinga.  Einstaklingar geta keypt heila eða hálfa skrokka og fengið þá úrbeinaða í þeirri stærðareiningu sem hentar, allt eftir fjölda heimilismanna og þá bita sem þeir kjósa. Okkar viðskiptavinum líka það vel að geta ráðið för í þeim efnum.“

Hangikjötið klárt fyrir jólin

SAH Afurðir reka tvö sláturhús, annars vegar stórgripasláturhús og hins vegar sauðfjársláturhús, reykhús og kjötvinnslu, „þannig að þetta er fjölbreytt hjá okkur,“ segir Gunnar.  Um þessar mundir eru starfsmenn að leggja lokahönd á reykingu hangikjöts, en um 50–100 tonn af hangikjöti eru unnin hjá félaginu ár hvert, bæði í verktöku fyrir aðrar vinnslur og eins til sölu til viðskiptamanna þess. „Við erum þessa dagana að setja saman jólagjafapakka sem seldir eru um land allt ár hvert,“ segir Gunnar.  Pakkarnir eru einfaldir og á hagstæðu verði. Til að byrja með voru jólagjafapakkar, fyrst og fremst hugsaðir til sölu á heimamarkaði, „en svo hefur þetta undið upp á sig, spyrst út og æ fleiri vilja fá frá okkur hangikjöt, þannig að þetta er eitt af því sem hefur vaxið undanfarin ár.“

Sviðasultan vinsæll skyndibiti

Þá hefur í haust einnig verið unnið að því að undirbúa þorramatinn og segir Gunnar að félagið sé trúlega eitt stærsta hér á landi í sviðasultugerð, árlega framleiðir það yfir 30 tonn af sviðasultu.  „Hér er verið að búa til sviðasultu í hverri viku, allt árið, ekki bara í tengslum við þorrann,“ segir hann.  „Sala á sviðasultu hefur rokið upp hin síðari ár, líklega er þetta eini skyndibitinn sem í boði er úr lambakjöti og þetta er hrein vara, bara kjöt og vatn, ekkert hveiti og engin sykur.  Fólk hefur áttað sig á því, sviðasulta er t.d. töluvert keypt í sjoppum, þannig að menn taka hana greinilega margir hverjir fram yfir annan skyndibita þegar þeir eru á ferðinni,“ segir Gunnar.

6 myndir:

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...