Hjónin Jonathan Moto Bisagni og Ida Feltendal hófu í lok janúar innflutning á fersku lífrænt ræktuðu grænmeti og ávöxtum til landsins frá Danmörku með Norrænu í hverri viku undir merkjum fyrirtækisins Austurlands Food Coop.
Hjónin Jonathan Moto Bisagni og Ida Feltendal hófu í lok janúar innflutning á fersku lífrænt ræktuðu grænmeti og ávöxtum til landsins frá Danmörku með Norrænu í hverri viku undir merkjum fyrirtækisins Austurlands Food Coop.
Fréttir 12. ágúst

Flytja inn 1 tonn á viku af lífrænt ræktuðu grænmeti og ávöxtum með Norrænu

Höfundur: Erla Gunnarsdóttir

Hjónin Jonathan Moto Bisagni og Ida Feltendal hófu í lok janúar innflutning á fersku lífrænt ræktuðu grænmeti og ávöxtum til landsins frá Danmörku með Norrænu í hverri viku undir merkjum fyrirtækisins Austurlands Food Coop. Í fyrstu var um 250 kíló að ræða vikulega en fljótlega vatt það upp á sig og nú flytja þau inn eitt tonn. Markmið þeirra er að bæta matarmenninguna á Austurlandi en einnig hafa þau fært út kvíarnar og halda svokallaða pop-up markaði reglulega í Reykjavík sem njóta mikilla vinsælda.

„Upphaflega hugmyndin var að stofna svona coop-samvinnuverkefni með ferskt grænmeti og ávexti en það er erfitt hér á Austurlandi. En það er kannski ekki svo auðvelt svo þetta hefur þróast út í að fólk getur pantað sér kassa og þetta hefur undið alveg ótrúlega upp á sig á stuttum tíma. Þetta er búið að vera mjög áhugavert ferli en um leið algjör rússíbani,“ segir Jonathan.

Á markaði á dögunum við Skúlagötu í Reykjavík seldu hjónin vörur sínar undir merkjum Austurlands Food Coop ásamt fleirum.

Mikill munur gæða og úrvals milli landshluta
Í hverri viku er markaður á Seyðisfirði með ávexti og grænmeti hjá hjónunum sem flytja inn vörur með Norrænu. Fyrir um mánuði síðan byrjuðu þau einnig að bjóða upp á svokallaða pop-up-markaði á Höfuðborgarsvæðinu.
„Ég kom hingað til Íslands til að starfa sem kokkur með að opna sushi-staðinn Norðaustur sushi á Seyðisfirði. Fljótlega skildi ég ekki af hverju það var svo erfitt að fá grænmeti af góðum gæðum. Þannig byrjaði þetta verkefni hjá okkur hjónunum en aðalmarkmiðið var að metta markaðinn á Austurlandi. Það er alveg dagur og nótt á milli úrvals og gæða af grænmetinu og ávöxtum hér úti á landi eða í Reykjavík, það er ekki hægt að líkja því saman,“ útskýrir Jonathan og segir jafnframt:
„Við reynum að fá svæðisbundnar vörur en það sem hefur verið mesta hindrunin hérlendis er verð á flutningum. Við erum að greiða jafnmikið fyrir að flytja 2-300 kíló hér innanlands eins og heilt tonn með Norrænu frá Danmörku sem er í raun undarlegt. Í byrjun hafði ég samband við vottunarstofuna Tún sem sendu mér upplýsingar um alla lífræna ræktendur hérlendis. Þegar ég hafði samband við framleiðendur fann ég strax að tungumálaerfiðleikar voru hamlandi þar sem ég tala ekki góða íslensku enn þá og því var erfitt að ná samtali við íslenska bændur. En ég óska einmitt eftir því að komast í samband við fleiri bændur hérlendis.“

Um 400 kassar á viku
Hugsun Jonathan og konu hans er að hafa gæðavörur og fjölbreytileika. Þau fá vikulega sendingar með Norrænu frá Danmörku en vörurnar koma líka frá Ítalíu, Spáni, Þýskalandi og víðar að.
„Mest af vörunum kemur frá Danmörku eða um helmingur þeirra og hátt í 80 prósent eru lífrænt ræktaðar vörur. Við bjóðum fólki upp á vörur í kössum og þegar mest var afgreiddum við um 400 kassa á viku. Fólk er þá búið að panta og fær vöruna til sín daginn eftir að hún kemur til landsins. Við höfum verið með markað á Seyðisfirði í hverri viku sem hefur verið vel tekið. Einnig höfum við þjónustað hótel og veitingastaði á svæðinu. Fljótlega stefnum við á að opna verslun á bensínstöð Orkunnar á Seyðisfirði til að þjónusta okkar viðskiptavini enn betur.“
Í kjölfar kórónufaraldursins kom sú hugmynd að opna markað einnig á höfuðborgarsvæðinu og er nú haldinn vikulega á fimmtudögum að Skúlagötu 13.
„Það voru náttúrlega allir lokaðir heima hjá sér og við fengum fleiri og fleiri pantanir. Þá byrjuðum við á heimsendingum í Reykjavík og gerðum samning við Flugfélag Íslands og afhendum um 30 kassa á viku á Höfuðborgarsvæðinu. Þannig að fólk hefur tekið því vel að geta fengið kassa með lífrænt ræktuðum vörum á hagstæðu verði. Hugmyndin með að koma til Reykjavíkur er líka að vera nær fleiri framleiðendum. Einnig viljum við kaupa matvörur sem eru ekki ræktaðar hér eða erfitt er að fá þær hérlendis. Það vantar meiri fjölbreytni inn á markaðinn og við reynum að kynna nýjar vörur til að sanna fyrir ræktendum að fólk kann að meta það.

Sjá má nánar um verkefnið á https://www.facebook.com/austurlandsfoodcoop/

 

Byggja umhverfisvænstu húsgagnaverksmiðju í heimi
Fréttir 19. september

Byggja umhverfisvænstu húsgagnaverksmiðju í heimi

Húsgagnaframleiðandinn Vestre í Noregi fjárfestir nú fyrir 300 milljónir norskra...

Haldið í nostalgíu útileguferða
Fréttir 19. september

Haldið í nostalgíu útileguferða

Það hefur verið ævintýralegur vöxtur á framleiðslu íslenska sporthýsisins Mink ...

Þátttakendur í tilraunaverkefni um heimaslátrun eru 35
Fréttir 18. september

Þátttakendur í tilraunaverkefni um heimaslátrun eru 35

Fyrir yfirstandandi sláturtíð var ákveðið að setja af stað tilraunaverkefni um h...

Ferðaþjónustustörfum í Mýrdalshreppi fjölgaði um 634% frá 2009 til 2019
Fréttir 18. september

Ferðaþjónustustörfum í Mýrdalshreppi fjölgaði um 634% frá 2009 til 2019

Samtök sunnlenskra sveitarfélaga (SASS) hefur látið gera greiningu á atvinnulífi...

Stefnuleysi ríkjandi um nýtingu á metangasi en samt er verið að stórauka framleiðsluna
Fréttir 17. september

Stefnuleysi ríkjandi um nýtingu á metangasi en samt er verið að stórauka framleiðsluna

Á Íslandi sem erlendis er metan (CH4) þekkt sem öruggur, umhverfisvænn og hagkvæ...

Mikil fækkun sauðfjár
Fréttir 17. september

Mikil fækkun sauðfjár

Samkvæmt tölum, sem teknar hafa verð saman um fjárfjölda í Grímsnes- og Grafning...

Norðlenska fær heimild til að dreifa gor á svæðinu
Fréttir 17. september

Norðlenska fær heimild til að dreifa gor á svæðinu

Sveitarstjórn Norðurþings hefur samþykkt að veita Norðlenska (sem nú er hluti af...

Búsæld hefur samþykkt sameiningar
Fréttir 17. september

Búsæld hefur samþykkt sameiningar

Samþykkt var á aðalfundi Búsældar ehf. að fela stjórn félagsins fullt og óskorað...