Vinsamlegast athugið að þetta efni er eldra en 9 ára.
Eirný Sigurðardóttir eigandi Búrsins, Arnheiður Hjörleifsdóttir bóndi á Bjarteyjarsandi, Sif Matthíasdóttir og Jörundur Svavarsson frá Hrísakoti.
Eirný Sigurðardóttir eigandi Búrsins, Arnheiður Hjörleifsdóttir bóndi á Bjarteyjarsandi, Sif Matthíasdóttir og Jörundur Svavarsson frá Hrísakoti.
Mynd / smh
Fréttir 30. október 2014

Fjölskyldubúskapur í brennidepli á Slow Food-hátíðinni í Tórínó

Höfundur: smh

Hinni miklu matarhátíð Slow Food-hreyfingarinnar, sem haldin var í Tórínó á Ítalíu, lauk síðastliðinn mánudag og hafði þá staðið yfir frá fimmtudeginum 23. október. Íslendingar voru þátttakendur nú eins og á undanförnum hátíðum og kynntu sérstöðu íslenskrar matarmenningar á nokkrum viðburðum inni á hátíðinni.

Má þar meðal annars nefna málstofu þar sem snérist eingöngu um íslenskar afurðir. Málstofan var vel sótt, en þar fór fram kynning á nokkrum þeirra afurða sem hafa komist inn í svokallaða Bragðörk [Ark of Taste]. Bragðörkin er staðsett á þeirri verkefnahillu samtakanna sem fjallar um líffræðilega fjölbreytni og þar er safnað saman afurðum víðsvegar úr heiminum sem þykja menningarlega verðmætar.

Dominique er hér hjá íslenska saltinu á svæði sem var helgað nýjum afurðum í Bragðörkinni. Dominique er hér hjá íslenska saltinu á svæði sem var helgað nýjum afurðum í Bragðörkinni. 

Flutt voru stutt erindi og svo var gestum boðið að smakka hangikjöt, salt, harðfisk og skyr. Eirný Sigurðardóttir eigandi Búrsins sagði frá skyrinu, Sif Matthíasdóttir formaður Geitfjárræktarfélags Íslands talaði um íslenska geitastofninn, Gunnþórunn Einarsdóttir frá Matís útskýrði vinnsluna á saltinu (en því var einmitt nýverið bætt í Bragðörkina) og Dominique Plédel Jónsson greindi frá harðfisknum.

Ein stærsta hátíð sinnar tegundar

Hátíðin er ein hin stærsta sinnar tegundar í heiminum og er hún haldin annað hvert ár. Tvær megin áherslur voru á hátíðinni að þessu sinni; fjölskyldubúskapur og Bragðörkin.

Slow Food hreyfingin á uppruna að rekja til manns að nafni Carlo Petrini og telst vera stofnuð árið 1989 í bænum Bra, skammt suðaustan við Tórínó.  Slow Food er alþjóðleg grasrótarhreyfing sem stefnt er gegn skyndibitavæðingunni síðustu áratuga og hefur það að markmiði að vernda heiður smáframleiðslu matvæla; með gæði, hreinleika og sanngirni að leiðarljósi.  Eitt af leiðarstefjum Slow Food að því marki er að standa vörð um líffræðilega fjölbreytni.

Sjálfbærninám á háskólastigi
Fréttir 12. júní 2024

Sjálfbærninám á háskólastigi

Fulltrúar Háskóla Íslands (HÍ) og Hallormsstaðaskóla hafa staðfest samstarfssamn...

Ætla að virkja sólargeisla og senda til jarðarinnar
Fréttir 11. júní 2024

Ætla að virkja sólargeisla og senda til jarðarinnar

Íslenska loftslagsfyrirtækið Transition Labs er komið í samstarf við breska fyri...

Gjaldskráin einfölduð
Fréttir 11. júní 2024

Gjaldskráin einfölduð

Matvælaráðherra hefur undirritað nýja gjaldskrá fyrir eftirlit og önnur gjaldsky...

Staða sníkjuormasýkinga metin
Fréttir 10. júní 2024

Staða sníkjuormasýkinga metin

Kortleggja á stöðu sníkjuormasýkinga hjá íslenskum nautgripum á næstu misserum.

Lækka gjöld fyrir sorphirðu
Fréttir 10. júní 2024

Lækka gjöld fyrir sorphirðu

Sveitarstjórn Mýrdalshrepps hefur samþykkt samhljóða að lækka sorphirðugjöld.

Uppbygging á Hauganesi
Fréttir 10. júní 2024

Uppbygging á Hauganesi

Nýlega undirrituðu sveitarstjóri Dalvíkurbyggðar og forsvarsmenn einkahlutafyrir...

Kortleggja ræktunarland sem hentar vel til matvælaframleiðslu
Fréttir 7. júní 2024

Kortleggja ræktunarland sem hentar vel til matvælaframleiðslu

Þingsályktunartillaga um landsskipulagsstefnu til ársins 2038, ásamt fimm ára að...

Hálfur milljarður til nautgripa- og sauðfjárbænda
Fréttir 7. júní 2024

Hálfur milljarður til nautgripa- og sauðfjárbænda

Matvælaráðuneytið hefur birt niðurstöður um úthlutanir vegna fjárfestingastuðnin...