Vinsamlegast athugið að þetta efni er eldra en 8 ára.
Útgjöld fjölskyldunnar á Karlsstöðum vegna lagfæringa á bifreiðum nema vel á aðra milljón króna eftir akstur á stuttum malarvegskafla í botni Berufjarðar, dekk springa, fjaðrabúnaður eyðileggst sem og lakk.
Útgjöld fjölskyldunnar á Karlsstöðum vegna lagfæringa á bifreiðum nema vel á aðra milljón króna eftir akstur á stuttum malarvegskafla í botni Berufjarðar, dekk springa, fjaðrabúnaður eyðileggst sem og lakk.
Mynd / Svavar Pétur Eysteinsson
Fréttir 20. júlí 2016

Brýnt að laga veginn áður meiri skaði hlýst af

Höfundur: Margrét Þóra Þórsdóttir

„Ástandið á þessum vegarkafla er algjörlega óviðunandi og við munum halda ótrauð áfram að berjast fyrir úrbótum þar til eitthvað verður gert og hann lagaður. Sem stendur er allt í lás en það er brýnt að eitthvað verði gert svo ekki hljótist af meiri skaði en orðinn er,“ segir Svavar Pétur Eysteinsson á Karlsstöðum í Berufirði um stuttan vegkafla fyrir botni fjarðarins. Hann er tæplega 5 kílómetra langur og ómalbikaður, einungis möl „og ógeð“ eins og hann orðar það.

Svavar segir að síðast nú á mánudag hafi orðið alvarlegt slys á þessum vegkafla þegar Land Rover-bifreið valt og farþegar slösuðust umtalsvert. Um árin hafa orðið fjölmörg slys meðal annars af völdum útafaksturs á þessum vegkafla sem valdið hafa slysum á fólki og tjóni á bifreiðum.

Þrjóska og heimska banvæn blanda

Svavar segir að til hafi staðið í 18 ár að gera úrbætur á þessum kafla, en ekki tekist, „en þar fer saman þrjóska og heimska, sem er banvæn blanda og gerir að verkum að þetta vandræðaástand hefur verið viðvarandi hér um slóðir allan þennan tíma,“ segir hann og bætir við að samkvæmt nýjustu upplýsingum standi til að hefjast handa við lagfæringar á næsta ári og ljúka þeim árið 2018. „En það eru bara orð, sem þó vonandi standa,“ segir hann. Af og til er vegurinn heflaður en sækir í sama farið um leið og fer að rigna.

Ekki er að sögn Svavars við Vegagerðina að sakast í þessum efnum, þar á bæ segir hann menn sýna málinu skilning og vilja til að laga ástandið. Langvarandi deilur milli landeigenda og sveitarfélags um nýtt vegstæði hafa valið nær tveggja áratuga töfum á útbótum og þar standi hnífurinn í kúnni.

Rugl að tefja þetta ár eftir ár

„Það er bara rugl að tefja þetta mál ár eftir ár af því menn koma sér ekki saman um vegstæði fyrir nýjan veg. Það verður að laga þann sem fyrir er þar til hitt málið er í höfn,“ segir Svavar. Fjölskyldan fer um veginn svo til daglega og hefur orðið fyrir tjóni upp á vel á aðra milljón króna eftir akstur um hann, dekk springa, fjaðrabúnaður eyðileggst og lakk svo dæmi séu tekin. „Börnin okk­ar fara um þennan veg á hverjum virkum degi allt skólaárið og okkur er eðlilega annt um að þau komist klakklaust í sinn skóla, en það er alls ekki sjálfgefið þegar fara þarf um þennan veg,“ segir hann.

Sölufélagið í góðu lagi
Fréttir 17. júlí 2025

Sölufélagið í góðu lagi

Nú hafa Sölufélag garðyrkjumanna, Báran stéttarfélag og Framsýn stéttarfélag und...

Bændur harka af sér
Fréttir 16. júlí 2025

Bændur harka af sér

Ný rannsókn bendir til þess að fólk sem starfar í landbúnaði sé ólíklegt til að ...

Getur leyst plast af hólmi
Fréttir 16. júlí 2025

Getur leyst plast af hólmi

Frumkvöðlafyrirtækið Marea Iceland hyggst setja á markað umhverfisvænt húðunaref...

Auglýsingar um sveppadropa og -duft ámælisverðar
Fréttir 16. júlí 2025

Auglýsingar um sveppadropa og -duft ámælisverðar

Verslunin Hugur Studio, sem rekin er af Hemmet ehf., hefur verið kærð fyrir afdr...

Átak um öryggi barna í sundi
Fréttir 16. júlí 2025

Átak um öryggi barna í sundi

Rauði krossinn á Íslandi hefur hleypt af stokkunum fræðslu- og forvarnarátaki um...

Pöddur í hundamat
Fréttir 15. júlí 2025

Pöddur í hundamat

Fyrirtæki hafa sett á markað hundamat úr skordýrum. Slíkt fæði hefur minna kolef...

Orkuskipti í Flatey
Fréttir 15. júlí 2025

Orkuskipti í Flatey

Jóhann Páll Jóhannsson, umhverfis-, orku- og loftslagsráðherra og Elías Jónatans...

Landeldi við Hauganes
Fréttir 15. júlí 2025

Landeldi við Hauganes

Laxós ehf. áformar uppbyggingu og rekstur fiskeldisstöðvar norðan Hauganess, þar...