Vinsamlegast athugið að þetta efni er eldra en 8 ára.
Rúllupylsugerðin á Gilsárstekk er í þróun.
Rúllupylsugerðin á Gilsárstekk er í þróun.
Mynd / Gilsárstekkur
Fréttir 6. desember 2016

Bændur í Breiðdal vinna að vöruþróun

Höfundur: smh
Ábúendur á bæjunum Gilsár­stekk og Hlíðarenda í Breiðdal hafa tekið höndum saman og stofnað félag sem ber heitið Breiðdalsbiti og hyggjast markaðssetja sauðfjárafurðir sínar undir því.
 
Verkefnið hefur hlotið styrk frá Byggðastofnun, í gegnum verkefnið Brothættar byggðir og bændurnir hafa einnig átt samstarf við Matís varðandi ráðgjöf og vöruþróun.
 
Aðalmarkmið þeirra er að framleiða lítið magn sem er unnið með mikilli alúð, virðingu og ást á kindunum sem þau fá afurðirnar af. Þá verður mikil áhersla lögð á hreinleika og heilnæmi varanna.
 
Búin eru ekki mjög stór og aðeins sauðfjárbúskapur á þeim og því þörf á meiri tekjum með búskapnum. Enda hafa allir ábúendur sótt vinnu utan þeirra. 
 
Stefnt er að því að fullvinna kjötafurðir bændanna í vinnslu­aðstöðu hjá Svavari Pétri Eysteinssyni og Berglindi Häsler, bændum og smáframleiðendunum á Karlsstöðum í Berufirði. Þau hafa innréttað gamalt fjós undir starfsemi sína. 
 
Vöruþróun í fullum gangi
 
 Guðný Harðardóttir.
„Það er vöruþróun í fullum gangi núna,“ segir Guðný Harðardóttir á Gilsárstekk. „Við höfum verið að prófa okkur áfram með rúllupylsur og kæfu hér heima á bænum og hér eru smakkfundir næstum vikulega, en við reiknum ekki með að fara á fullt með þetta fyrr en eftir áramót þegar ég verð búin að eiga barnið sem ég geng með núna. Þá förum við inn í vinnsluna á Karlsstöðum og  förum í kæfugerð og gerum tilraunir með meiri vöruþróun. Svo ætlum við að vera með grillsteikur í sumar. Gamla fjósið á Karlsstöðum er mjög stórt og rúmar okkur auðveldlega líka. Svo skiptumst við bara á um að nýta aðstöðuna þannig að þetta mun virka eins og matarsmiðja.
 
Við ætlum með fyrstu vörurnar á matarmarkaðinn í Hörpu um mánaðamótin febrúar – mars, til að kynna þær og okkur, en hugmyndin er að markaðssetja Breiðdalsbita sem handverk sem sé staðbundið úr Breiðdalnum. Við finnum hér að uppruninn skiptir miklu máli fyrir neytendur og ekki síst ferðamenn. Þetta er þriðji veturinn minn hérna og ég finn fyrir mikilli aukningu ferðamanna hérna um svæðið. Það hefur auðvitað verið einn aðalhvatinn fyrir því að við fórum af stað, en líka finnum við sterkt fyrir því frá ferðaþjónustuaðilum hér – og uppi á Héraði – að það er kallað mjög ákveðið eftir staðbundinni vöru, ferðamaðurinn vill upplifa svæðið í gegnum öll skynfærin,“ segir Guðný. 
Vænn valkostur fyrir bændur og loftslagsbókhald Íslands
Fréttir 16. júní 2025

Vænn valkostur fyrir bændur og loftslagsbókhald Íslands

Raunhæfir kostir til lífgasframleiðslu gætu skilað á bilinu 3-5% af markmiðum Ís...

Frárennsli á við fjórfalt rennsli Elliðaáa
Fréttir 16. júní 2025

Frárennsli á við fjórfalt rennsli Elliðaáa

Matvælastofnun hefur unnið tillögu að rekstrarleyfi fyrir Samherja fiskeldi ehf....

Úthlutað úr Matvælasjóði
Fréttir 16. júní 2025

Úthlutað úr Matvælasjóði

Fjörutíu verkefni hlutu styrk úr Matvælasjóði á dögunum. Hanna Katrín Friðriksso...

Nautakjöt og egg hækka mikið í verði
Fréttir 13. júní 2025

Nautakjöt og egg hækka mikið í verði

Samkvæmt verðlagseftirliti ASÍ hefur verðlag á matvöru almennt hækkað ört á síðu...

Bændur sem kusu Trump sitja nú í súpunni
Fréttir 13. júní 2025

Bændur sem kusu Trump sitja nú í súpunni

Enginn deilir um það að Donald Trump vann kosningasigur í nóvember 2024 í flestu...

Vorhretið vægara en í fyrra
Fréttir 13. júní 2025

Vorhretið vægara en í fyrra

Tjón varð víða á Norðurlandi í norðanáhlaupi í byrjun júní. Annað árið í röð þur...

Framleiðsluvirði landbúnaðarins jókst um 4% árið 2024
Fréttir 13. júní 2025

Framleiðsluvirði landbúnaðarins jókst um 4% árið 2024

Heildarframleiðsluvirði landbúnaðarins árið 2024 er áætlað 93 milljarðar sem er ...

Heimsmet í skráningum
Fréttir 12. júní 2025

Heimsmet í skráningum

Hið árlega Reykjavíkurmeistaramót Fáks fer fram nú í vikunni í Víðidalnum. Þetta...