Vinsamlegast athugið að þetta efni er eldra en 8 ára.
„Við merkjum það núna að hlutirnir færast upp á við, júní var mjög góður sölumánuður og raunar með þeim bestu," segir Þórarinn I. Pétursson formaður LS.
„Við merkjum það núna að hlutirnir færast upp á við, júní var mjög góður sölumánuður og raunar með þeim bestu," segir Þórarinn I. Pétursson formaður LS.
Mynd / TB
Fréttir 22. júlí 2016

Aðkallandi að sauðfjárbændur fái hærra verð fyrir afurðirnar

Höfundur: Margrét Þóra Þórsdóttir

„Það eru þreifingar í gangi, en sláturleyfishafar hafa enn sem komið er lítið gefið upp. Við gerum kröfu um hækkun á afurðaverði og bendum á að sáralítið eða engin hækkun fékkst í fyrrahaust,“ segir Þórarinn Ingi Pétursson, formaður Landssamtaka sauðfjárbænda.

LS sendi frá sér viðmiðunar­verðskrá haustið 2014, hún var til þriggja ára og gildir til haustsins 2017. Í viðmiðunarverðskránni er gert ráð fyrir að bændur fái 25% hækkun á tímabilinu. „Þetta er það eina sem við getum gert, að senda út verðskrá til viðmiðunar, það er svo alveg undir hælinn lagt hvort farið er eftir henni. Fram til þessa hefur það ekki verið gert,“ segir hann.

Sölukippur síðustu vikur

Þórarinn Ingi segir það ekki hafa farið framhjá sauðfjárbændum að sláturleyfishafar beri sig illa, afkoman á liðnu ári hafi víðast verið slæm. „Við merkjum það núna að hlutirnir færast upp á við, júní var mjög góður sölumánuður og raunar með þeim bestu. Þá hafa afurðastöðvarnar verið að taka sig á varðandi bæði markaðssetningu og vöruþróun og það hefur örugglega sitt að segja,“ segir hann.

Einn aðili af þremur fitnar

„Það gengur hins vegar ekki til lengdar að einn aðili af þremur í framleiðslukeðjunni fitni og hinir sitji eftir, það er öllum kunnugt að bændur og sláturleyfishafar hafa fengið lítið fyrir sinn snúð, en auðvitað er það svo að allir sem þátt taka verða að fá greitt fyrir sína vinnu, ekki bara einn aðili,“ segir Þórarinn Ingi og á þar við verslunina.

Hann segir orðið mjög aðkallandi að bændur fái afurðaverðshækkun og í ljósi aukinnar eftirspurnar eftir vöru þeirra segði markaðslögmálið að hægt væri að greiða þeim hærra verð. Frumframleiðendurnir vilji fá sinn skerf af kökunni. Þeir framleiði hágæðavöru sem eftirspurn sé eftir. „Einhvers staðar virðist samt málið stranda og sláturleyfishafarnir bera sig mjög illa um þessar mundir.“

Of margir sláturleyfishafar

Þórarinn Ingi segir að ná þurfi fram enn meiri hagræðingu á sláturmarkaði en þegar er orðin. Hans mat er það að fækka megi sláturleyfishöfum, það séu of margir að sýsla með of lítið magn og selja í of fáar og stórar verslanir. „Það er örugglega hægt að gera þetta með hagkvæmari hætti sem yrði hagstæðara fyrir bændur og neytendur.“

Sláturleyfishafar eru á önd­verðum meiði við Þórarin Inga og gefa flestir í skyn verðlækkanir í haust.

Deilt um gjaldtöku vegna meðhöndlunar á dýrahræjum
Fréttir 11. febrúar 2025

Deilt um gjaldtöku vegna meðhöndlunar á dýrahræjum

Fyrir áramót bárust tvö mál inn á borð lögfræðinga Bændasamtaka Íslands þar sem ...

Tvöfaldur hagnaður kjötvinnslu í eigu KS
Fréttir 11. febrúar 2025

Tvöfaldur hagnaður kjötvinnslu í eigu KS

Kjötvinnslan Esja gæðafæði nær tvöfaldaði hagnað sinn milli áranna 2022 og 2023.

Framleiðsla og sala á hrossakjöti jókst mest
Fréttir 10. febrúar 2025

Framleiðsla og sala á hrossakjöti jókst mest

Mikil aukning var í framleiðslu og sölu á hrossakjöti og svínakjöti á síðasta ár...

Betri afkoma sauðfjárbúa
Fréttir 10. febrúar 2025

Betri afkoma sauðfjárbúa

Hagstofan greindi frá því á vef sínum fyrir skemmstu að afkoman í sauðfjárræktin...

Hver á Ísland?
Fréttir 7. febrúar 2025

Hver á Ísland?

Húsnæðis- og mannvirkjastofnun stendur að átaksverkefni við að áætla eignarmörk ...

Niðurstöður viðhorfskönnunar áhyggjuefni
Fréttir 7. febrúar 2025

Niðurstöður viðhorfskönnunar áhyggjuefni

Meirihluti bænda telur stuðningskerfi landbúnaðar flókið en aðeins tæp 14% telja...

Ratcliffe er fjórði stærsti landeigandi Íslands
Fréttir 6. febrúar 2025

Ratcliffe er fjórði stærsti landeigandi Íslands

Hægt er að fá vísbendingar um eignasöfnun einstakra aðila á landi út frá landeig...

Garðyrkjubændur bíða eftir útspili stjórnvalda
Fréttir 6. febrúar 2025

Garðyrkjubændur bíða eftir útspili stjórnvalda

Miklar raforkuverðshækkanir á garðyrkjubændur í ylrækt nú um áramótin koma illa ...