Vinsamlegast athugið að þetta efni er eldra en 8 mánaða.
Verkin sýna merkin
Mynd / Odd Stefan
Lesendarýni 30. maí 2024

Verkin sýna merkin

Höfundur: Tjörvi Bjarnason, eigandi Matlands.

Um leið og Katrín Jakobsdóttir bauð fram krafta sína til embættis forseta Íslands ákvað ég að styðja hana með ráðum og dáð.

Tjörvi Bjarnason.

Ástæðan er einkum sú að með fyrri verkum, framkomu og gjörðum hefur hún fyrir löngu sannað sig sem framúrskarandi manneskja. Katrín kann að koma fyrir sig orði, er heiðarleg og röggsöm, fróð, skemmtileg og dugleg.

Við fjölbreyttar aðstæður hefur Katrín sýnt styrk sinn áreynslulaust, laus við allan rembing, væmni eða tilgerð. Hún er sjóuð og kann þá list að vinna með ólíku fólki, taka erfiðar ákvarðanir og sýna forystu.

Öflugur bandamaður

Undirritaður starfaði um árabil fyrir hagsmunasamtök bænda og getur rakið samskipti við Katrínu aftur fyrir bankahrun. Alltaf hefur hún sýnt landbúnaði, íslenskri matvælaframleiðslu og bændum mikinn áhuga og virðingu. Ég furðaði mig stundum á hversu vel hún var inni í málum þótt hún væri ekki með landbúnaðinn beinlínis á sinni könnu.

Sjálfbær og gróskumikill landbúnaður

Katrínu er umhugað um náttúru landsins og hefur fyrir löngu sýnt að sjálfbær auðlindanýting og umhverfismál eru henni hugleikin. Fjölmörg dæmi af hennar þing- og ráðherraferli sanna það. Það var t.d. Katrín sem talaði fyrir lagabreytingum um takmarkanir á erlendu eignarhaldi lands og það var í hennar tíð sem metnaðarfullri matvælastefnu var hrint í framkvæmd. Þar er leiðarljósið að efla fæðuöryggi þjóðarinnar, gæta auðlindanna og að styrkja stoðir innlendrar matvælaframleiðslu. Þar eru ekki bara orðin tóm því nú þegar hefur auknum fjármunum verið varið í kornrækt, beina aðstoð við bændur til að mæta hækkandi aðfangaverði og rekstrarvanda, stofnun Matvælasjóðs, eflingu lífrænnar ræktunar og gerð upprunamerkinga fyrir íslenskar búvörur. Margt fleira var gert á hennar vakt í stjórnarráðinu sem of langt væri að telja upp hér. En vert er að minnast forystu Katrínar á erfiðum kórónutímum og þegar náttúruhamfarir hafa dunið á þjóðinni.

Þegar horft er yfir sviðið og þeirra verka sem forseti Íslands þarf að gegna í framtíðinni er valið einfalt í mínum huga. Ég treysti Katrínu Jakobsdóttur best til að sinna búi á Bessastöðum.

Ljótur er ég
Lesendarýni 5. febrúar 2025

Ljótur er ég

Sykur skiptir öllu máli. Án hans væru einungis sykurlausir drykkir í boði og mig...

Fokskaðar á þökum
Lesendarýni 3. febrúar 2025

Fokskaðar á þökum

Á hverju ári koma ofsaveður hér á landi þar sem allt lauslegt, og sumt fast, tek...

Bláskelin er bjargvættur
Lesendarýni 31. janúar 2025

Bláskelin er bjargvættur

Ein allra stærsta áskorun samtímans er hvernig hægt verður að mæta vaxandi þörf ...

Raunhæfar leiðir til að efla nautgriparækt á Íslandi
Lesendarýni 30. janúar 2025

Raunhæfar leiðir til að efla nautgriparækt á Íslandi

Samkvæmt öllum tölulegum upplýsingum um afkomu íslenskra kúabænda sem lesa hefur...

Aldarafmæli íslenskrar ylræktar 2024
Lesendarýni 29. janúar 2025

Aldarafmæli íslenskrar ylræktar 2024

Eitt hundrað ár eru síðan ylræktun sem atvinnugrein hófst á Íslandi og er hún nú...

Leshópar – Jafningjafræðsla
Lesendarýni 16. janúar 2025

Leshópar – Jafningjafræðsla

Ein yngsta grein landbúnaðar hér á landi er skógrækt. Bændur vítt og breitt um l...

Gervivísindi og fataleysi?
Lesendarýni 15. janúar 2025

Gervivísindi og fataleysi?

Lengi hef ég fylgst allnáið með þróun mála í fiskveiðum, stjórn þeirra, ráðgjöf ...

Strengdir þú nýársheit?
Lesendarýni 10. janúar 2025

Strengdir þú nýársheit?

Samkvæmt 4.000 ára gamalli hefð sem hófst í Babýlóníu, tíðkast í dag víða um hei...