Katrín Jakobsdóttir er verðugur þjóðhöfðingi
Lesendarýni 28. maí 2024

Katrín Jakobsdóttir er verðugur þjóðhöfðingi

Höfundur: Guðni Ágústsson, fyrrverandi landbúnaðarráðherra.

Sem forsætisráðherra í ríkisstjórn þriggja ólíkra flokka hefur Katrín Jakobsdóttir sýnt mikla hæfni sem þjóðarleiðtogi, mannasættir og sameiningarafl.

Guðni Ágústsson.

Henni hefur farnast vel í því mikla starfi og notið vinsælda og trausts. Hún hefur miðlað málum og leitt fram lausnir í mörgum flóknum stórpólitískum málum. Hún er samvinnumaður, hún er lausnamiðuð og lætur ekki smámál trufla sig.

Katrín hefur verið leiðtogi ríkisstjórnar í um sjö ár samfleytt, lengur en hinn farsæli foringi Steingrímur Hermannsson. Í því hlutverki hefur hún tekist á við mjög erfið mál og ber kórónuveirufaraldurinn, sú mikla manndrápspest, þar hæst.

Snilld hennar og ríkisstjórnarinnar var sú að fela læknum og almannavörnum að stýra aðgerðum, þeim Þórólfi Guðnasyni, Ölmu Möller og Víði Reynissyni. Við misstum fólk en fáar þjóðir gerðu þetta betur en við, og efnahagur landsins stóðst álagið. Aðilar vinnumarkaðarins voru samvinnufúsir og því fór betur en á horfðist. Hinn snjalli forseti Bandaríkjanna, Harry S. Truman, sagði: ,,Það má ótrúlega mörgu koma í verk, ef manni er sama hverjum hlotnast heiðurinn.“

Þegar Katrín yfirgefur nú ríkisstjórnina er meiri gróska og uppgangur á Íslandi en víðast annars staðar. Einstökum kjarasamningum til fjögurra ára tókst henni og ríkisstjórn hennar að stýra í höfn og verðbólgan og háu vextirnir eru teknir að lækka. Sannarlega ósvikin og mikilvæg þjóðarsátt. Atvinnustig á Íslandi er með því hæsta í Evrópu. Katrín er sannur Íslendingur og náttúruunnandi. Hún skilur vel grunnatvinnuvegi þjóðar sinnar, en málefni þess veika og smáa býr við hjarta hennar. Sem starfandi landbúnaðarráðherra var hún fundvís á góð ráð og alltaf bændum hliðholl. Á Búnaðarþingi spurði hún á dögunum hvers vegna bændur notuðu ekki fánaröndina á hreinar íslenskar vörur, kjötið, mjólkina og grænmetið, svo valið yrði auðvelt fyrir neytendur. „Þetta gera franskir bændur og fá að nota þjóðfánann fólki sínu til glöggvunar,“ bætti hún við.

Þegar ég horfi yfir sviðið er Katrín hreinskiptin og notar aldrei stór eða ljót orð um andstæðinga sína eða nokkurn mann, það er ekki til í hennar vopnabúri. Katrín skorar hátt og af reynslu er hún keppinautum sínum fremri. Þjóð sinni til sóma hvar sem hún hefur komið fram. Forseti Íslands er höfuð stjórnsýslunnar og þar hafa fyrrverandi forsetar oft sýnt hæfni til úrlausnar í vandasömum málum.

Katrín Jakobsdóttir mun án nokkurs vafa verða forseti allrar þjóðarinnar frá fyrsta degi og valda erfiðum verkefnum vel. Svo mun hún hafa mannbætandi áhrif á líf okkar og verða mikilsmetinn þjóðhöfðingi sakir mannkosta og reynslu.

Enn af undanþágum búvörulaga og stöðu bænda
Lesendarýni 21. júní 2024

Enn af undanþágum búvörulaga og stöðu bænda

Ágætu bændur. Í Bændablaðinu þann 16. maí sl. reifaði ég í bréfi til ykkar áhygg...

Af heimanautum og sæðinganautum
Lesendarýni 21. júní 2024

Af heimanautum og sæðinganautum

Mikil notkun heimanauta hefur um langa hríð verið eitt helsta umræðuefni og þræt...

Réttindabarátta sjávarbyggða og strandveiðimanna
Lesendarýni 21. júní 2024

Réttindabarátta sjávarbyggða og strandveiðimanna

Strandveiðitímabilið hófst í byrjun maí. Mikil veiði hefur verið enda mikið af f...

Kynding með viðarperlum úr íslensku lerki
Lesendarýni 20. júní 2024

Kynding með viðarperlum úr íslensku lerki

Tandrabretti ehf. hefur undanfarin ár unnið að uppbyggingu á viðarperluframleiðs...

Og svo kom vorið
Lesendarýni 18. júní 2024

Og svo kom vorið

Nú í byrjun júnímánaðar fengu landsmenn yfir sig sannkallað vetrarveður sem varð...

Ekki lausn fyrir Landeyjahöfn
Lesendarýni 12. júní 2024

Ekki lausn fyrir Landeyjahöfn

Í Bændablaðinu miðvikudaginn 24.4. 2024 er viðtal við Jón Kristinsson umhverfisa...

Framtíð veiða með botnvörpu?
Lesendarýni 11. júní 2024

Framtíð veiða með botnvörpu?

Fyrir nokkrum vikum birtist í National Geographic grein sem byggir á viðamikilli...

Hrossaræktin á fljúgandi ferð
Lesendarýni 10. júní 2024

Hrossaræktin á fljúgandi ferð

Þegar ég var í búfræðinámi á Hvanneyri voru heilmikil átök um stefnuna í hrossar...