Hvernig væri að breyta aðeins til og ganga í Lionsklúbb?
Lesendarýni 29. maí 2024

Hvernig væri að breyta aðeins til og ganga í Lionsklúbb?

Höfundur: Níels Bjarki Finsen, félagi í Lionsklúbbi Laugardals ásamt því að vera markaðs- og kynningarstjóri Lions á Íslandi.

Viltu láta gott af þér leiða í nærsamfélagi þínu eða á alþjóðavísu? Lionsklúbbar taka þátt í margvíslegum samfélagsverkefnum sem m.a. fela í sér þætti sem tengjast heilsufari fólks, umhverfisverkefnum, fræðslu og fleiru.

Sértæk verkefni eru mismunandi eftir klúbbum og eru sniðin að þörfum hvers samfélags. Eitt af stóru verkefnum klúbbanna tengist sjónvernd og þar ber helst að nefna sölu Rauðu fjaðrarinnar. Afrakstri af sölu hennar síðustu ár hefur verið varið til að kaupa og þjálfa blindrahunda í samstarfi við Blindrafélag Íslands.

Lionsklúbbar eru þekktir fyrir að bregðast hratt og festulega við því þegar neyðarástand skapast í tengslum við ýmiss konar hamfarir. Þeir veita aðstoð og bjóða stuðning sinn með ýmsum hætti, eins og til að afla vista og vinna sjálfboðastarf.

Mikið alþjóðlegt starf á sér stað innan Lions International og með alþjóðlegu samstarfi leggja samtökin sitt af mörkum á sviði mannúðarmála, heilbrigðismála og menntunar.

Þó svo að Lionsklúbbar vinni saman á landsvísu og að margvíslegum verkefnum á alþjóðavettvangi, fara meginkraftar klúbbanna í nærumhverfi þeirra. Hver klúbbur hefur sín eigin verkefni og starfsemi sem tekur mið af þörfum samfélagsins.

Alþjóðleg uppbygging klúbbanna gerir ráð fyrir víðtækum áhrifum með sameiginlegri skuldbindingu þar sem einkunnarorð samtakanna, „Við leggjum lið“ / (We serve), eru höfð að leiðarljósi.

Lions er stór fjölskylda, virkilega stór fjölskylda. Við erum 1,4 milljónir karla og kvenna í 48.000 klúbbum í næstum hverju landi. Allir klúbbarnir eru að breyta samfélagi sínu til hins betra og saman erum við einnig að breyta heiminum. Lionsklúbbar eiga sér ríka þjónustusögu sem nær aftur til ársins 1917. Með því að ganga í Lionsklúbb verður þú hluti af langvarandi hefð mannúðarþjónustu og getur lagt þitt af mörkum til arfleifðar sem hefur haft góð og skapandi áhrif á samfélög um allan heim.

Langar þig að leggja lið? Viltu hafa góð og skapandi áhrif á nærumhverfi þitt? Hvort þú ákveður að ganga í Lionsklúbb veltur á persónulegum gildum þínum, áhugamálum og löngun til að hafa jákvæð áhrif. Ef þú fylgir meginreglum Lions og skuldbindingu þeirra, „Við leggjum lið“, gæti það verið ánægjuleg og gefandi reynsla fyrir þig að vera í Lions. Auk þess að láta gott af sér leiða, er einnig hugað að félögunum og þörfum þeirra og margvísleg námskeið eru í boði fyrir félaga í Lions. Hægt er að sækja námskeið um fundarsköp, framkomu og tjáningu, skapandi hugsun og tímastjórnun. Síðast en ekki síst má nefna leiðtogaskóla Lions. Þar eru stutt og hnitmiðuð námskeið. Auk alls þessa gleyma félagar ekki að gera sér glaðan dag saman, einir sér, eða með mökum og börnum. Margvísleg skemmtun getur verið í boði.

Að jafnaði funda klúbbarnir einu sinni til tvisvar í mánuði. Frekari upplýsingar um Lions má finna á heimasíðum okkar, www.lions.is www.lionsclubs.org og https://www.facebook.com/LIONSislandi.

Enn af undanþágum búvörulaga og stöðu bænda
Lesendarýni 21. júní 2024

Enn af undanþágum búvörulaga og stöðu bænda

Ágætu bændur. Í Bændablaðinu þann 16. maí sl. reifaði ég í bréfi til ykkar áhygg...

Af heimanautum og sæðinganautum
Lesendarýni 21. júní 2024

Af heimanautum og sæðinganautum

Mikil notkun heimanauta hefur um langa hríð verið eitt helsta umræðuefni og þræt...

Réttindabarátta sjávarbyggða og strandveiðimanna
Lesendarýni 21. júní 2024

Réttindabarátta sjávarbyggða og strandveiðimanna

Strandveiðitímabilið hófst í byrjun maí. Mikil veiði hefur verið enda mikið af f...

Kynding með viðarperlum úr íslensku lerki
Lesendarýni 20. júní 2024

Kynding með viðarperlum úr íslensku lerki

Tandrabretti ehf. hefur undanfarin ár unnið að uppbyggingu á viðarperluframleiðs...

Og svo kom vorið
Lesendarýni 18. júní 2024

Og svo kom vorið

Nú í byrjun júnímánaðar fengu landsmenn yfir sig sannkallað vetrarveður sem varð...

Ekki lausn fyrir Landeyjahöfn
Lesendarýni 12. júní 2024

Ekki lausn fyrir Landeyjahöfn

Í Bændablaðinu miðvikudaginn 24.4. 2024 er viðtal við Jón Kristinsson umhverfisa...

Framtíð veiða með botnvörpu?
Lesendarýni 11. júní 2024

Framtíð veiða með botnvörpu?

Fyrir nokkrum vikum birtist í National Geographic grein sem byggir á viðamikilli...

Hrossaræktin á fljúgandi ferð
Lesendarýni 10. júní 2024

Hrossaræktin á fljúgandi ferð

Þegar ég var í búfræðinámi á Hvanneyri voru heilmikil átök um stefnuna í hrossar...