Útskriftarhelgi Reiðmannsins
Höfundur: Katrín Lilja Jónsdóttir
Útskriftarhelgi Reiðmannsins fer fram síðustu helgina í apríl hvert ár. Námið er einingabært nám á vegum Endurmenntunar Landbúnaðarháskóla Íslands. Fjöldi nemenda útskrifast hvert ár og kennslustöðvar eru fjölmargar um allt land. Námið er kennt í verklegum staðarlotum og í gegnum fjarnám.
Mikil dagskrá er á útskriftarhelginni og hefjast sýningar nemenda klukkan 10 laugardaginn 25. apríl í hestamiðstöð Landbúnaðarháskólans að Mið-Fossum í Borgarfirði. Deginum lýkur svo með útskrift nemenda klukkan 16.
