Tæp fjörutíu prósent telja áframhaldandi búskap ekki tryggðan

Niðurstöður könnunar sýna að skiptar skoðanir eru meðal bænda um það hvort áframhaldandi búskapur sé tryggður á býlum þeirra þegar þeir hætta sjálfir búskap.

38,5% svarenda segjast ósammála þeirri fullyrðingu, á meðan ríflega þriðjungur tekur undir hana með einum eða öðrum hætti.

Samkvæmt niðurstöðunum eru 16,59% svarenda sammála því að áframhaldandi búskapur sé tryggður á þeirra býli þegar þeir hætta, og 18,83% segjast nokkuð sammála.

Á hinn bóginn segja 27,58% svarenda að þau séu ósammála því að tryggt sé að búskapur haldi áfram á býlinu eftir að þau hætta og 10,09% eru því nokkuð ósammála. Þá vekur athygli að 26,91% svarenda eru óviss um það hvort búskapur sé tryggur þegar þeir hætta. Niðurstöðurnar sýna þannig að töluverður hluti svarenda annaðhvort efast um eða telur óljóst hvort næsta kynslóð taki við búskapnum. Þetta er niðurstaða skoðanakönnunar Bændablaðsins meðal félagsmanna í Bændasamtökumn Íslands. Svör bárust frá 446 félagsmönnum, sem eru 20,8%.