Skáldaþing á Egilstöðum og Seyðisfirði
Ljóð munu flæða um götur, sundlaugar, veggi og verslanir á Egilstöðum og Seyðisfirði í lok maí. Skáldaþing, systurhátíð ljóða- og listhátíðarinnar Skáldasuðs, verður verður haldin dagana 20.-31. maí á Egilstöðum og Seyðisfirði. Á hátíðinni koma saman ný skáld og aðrir listamenn í samtali við gesti og áhorfendur. Þetta er í fyrsta sinn sem hátíðin er haldin á Egilstöðum og Seyðisfirði.
Katla Rut Pétursdóttir, verkefnastjóri hátíðarinnar og Gunnhildur Þórðardóttir, höfundur Skáldasuðs, hafa skipulagt Skáldaþingið fyrir austan. Hátíðin er í samstarfi við samfélagið í báðum bæjum og hafa nemendur grunnskóla Seyðisfjarðar til dæmis samið ljóð sem sýnd verða á Vesturvegg Skaftafells. Einnig verða ljóð eftir ný og þekkt ljóðskáld við göngustíga, í búðum og í sundlaugum Seyðisfjarðar og Egilstaða. Skáldin hafa öll tengingu við svæðin fyrir austan og á Suðurnesjum. Hér er hægt að skoða viðburðinn betur hér.
Hátíðin Skáldasuð hefur þrívegis verið haldin í Reykjanesbæ en þetta er í fyrsta sinn sem sköpuð er tenging landshluta á milli og hátíðin Skáldaþing haldin á Egilstöðum og Seyðisfirði.
Sýning Skáldasuðs, Heilun, hefur að þessu tilefni ferðast frá Duus Safnahúsum úr Reykjanesbæ austur og verður sýningin sett upp í Sláturhúsinu á Egilsstöðum. Sýningin inniheldur allt verk sem hafa texta að leiðarljósi, eru hugmyndir að ljóðverkum eða verk sem hafa heilun sem innblástur eða pólítíska skírskotun. Ókeypis er inn á alla viðburði.
