Vinsamlegast athugið að þetta efni er eldra en 4 ára.
Laugabakki.
Laugabakki.
Mynd / HKr.
Fréttir 9. mars 2020

Algert úrræðaleysi við förgun dýrahræja

Höfundur: Margrét Þóra Þórsdóttir
„Úrræðaleysið þegar kemur að förgun dýrahræja í sveitarfélaginu er algert og bændur því tilneyddir að urða hræ heima á bæjunum, sem er ólöglegt,“  segir í bókun sem samþykkt var á aðalfundi Nautgriparæktarfélags Vestur-Húnavatnssýslu sem haldinn var á Laugabakka nýverið.  
 
Skorað var á sveitarstjórn Húna­þings vestra að sinna lögbundinni skyldu sinni þegar kemur að förgun dýrahræja.
 
Byggðaráð vísaði erindinu til umhverfissviðs Húnaþings vestra og benti einnig á bókanir frá tveimur fundum landbúnaðarráðs frá því í mars og apríl árið 2018. 
 
Núverandi lög og reglur ganga ekki upp
 
Þar kemur fram að landbúnaðarráð Húnaþings vestra telur ljóst að núverandi lög og reglur hér á landi um förgun dýrahræja gangi ekki upp þar sem ekki eru til úrræði til að fylgja þeim eftir, þ.e. það vantar brennsluofn/ofna til að brenna hræ af sjálfdauðum dýrum, dýrum sem lógað er heima vegna sjúkdóma, og sláturúrgang sem til fellur við heimaslátrun. Þá er söfnun hræja og förgun bæði mjög dýr og erfið í framkvæmd, m.a. vegna varnarlína. 
 
Undanþáguheimildir verði virkjaðar
 
Landbúnaðarráð fór fram á við sjávarútvegs- og landbúnaðar­ráðherra að undanþáguheimildir EES reglugerðar um förgun dýrahræja verði virkjaðar hér á landi þannig að möguleiki sé á að farga dýrahræjum beint með urðun á viðkomandi lögbýli. Hægt væri að setja þau skilyrði að ábúendur taki heilasýni eða haus af þeim kindum sem fargað er heima eða drepast og skili því til dýralæknis/Keldna. Allar grafir verði merkar inn á kort í gagnagrunni sem yfirdýralæknisembættið/sveitarfélög/MAST haldi utan um og ábúendur lögbýla ábyrgist að gengið sé frá gröfum á snyrtilegan hátt þannig að vargur komist ekki í hræin. „Brýnt er að ásættanleg úrræði séu til ef upp kemur alvarlegur smitsjúkdómur í búfé, s.s. riða í sauðfé. Við núverandi aðstæður verður ekki búið og með ólíkindum að lög og reglugerðir um förgun séu settar sem ómögulegt er að framfylgja,“ segir í bókun ráðsins frá árinu 2018. 
Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...