Vinsamlegast athugið að þetta efni er eldra en mánaðar gamalt.
Nú þarf að láta verkin tala
Mynd / sá
Fréttir 22. febrúar 2024

Nú þarf að láta verkin tala

Höfundur: Steinunn Ásmundsdóttir

Halldóra Hauksdóttir verður áfram formaður búgreinadeildar eggjabænda. Meðstjórnendur eru hinir sömu, þeir Arnar Árnason og Stefán Már Símonarson.

Halldóra Hauksdóttir, eigandi Græneggja, verður áfram formaður deildar eggjabænda innan BÍ.

Ekki voru samþykktar sérstakar ályktanir á deildarfundinum en Halldóra segir stöðu greinarinnar ágæta miðað við aðstæður.

„Eins og við höfum margoft bent á þá þurftu margir eggjabændur að fara í gífurlega kostnaðarsamar framkvæmdir vegna banns á búreldi.“ Eggjabændum hafi aðeins fækkað en greininni þó tekist að halda í við eftirspurnina.

„Þetta er auðvitað viðkvæm starfsemi og þess vegna skiptir miklu máli að fá að halda í hraustan og sjúkdómalausan stofn með okkar sóttvörnum og að heimila ekki innflutning á eggjum þar sem við vitum ekki hvernig aðbúnaður og hollustuhættir voru við framleiðslu,“ segir hún.

Tollvernd verði að leiðrétta

„Tollvernd er hluti af okkar starfsskilyrðum en hana þarf að leiðrétta því hún bítur alltaf minna og minna þar sem krónutalan hefur ekki hækkað í mörg ár,“ heldur Halldóra áfram.

„Sömuleiðis þarf að auka eftirlitið með innflutningi og á það alls ekkert bara við um eggin, heldur allar landbúnaðarafurðir. Það er til skammar hvað það flæðir mikið af innfluttri búvöru hingað til landsins sem við erum að framleiða og getum framleitt sjálf. Ekki virðist vera tekið nokkurt mið af því við hvaða framleiðsluskilyrði innflutt búvara er framleidd,“ bætir hún við.

Alþingi þurfi að horfa á heildarmyndina og laga stóru hlutina, þ.e. tollvernd, eftirlit með innflutningi og því regluverki sem um greinina gildir. Þá eigi greinin að geta rekið sig og boðið íslenskum neytendum upp á hreina og heilnæma afurð.

„Nú þarf að fara að láta verkin tala og það nægir ekki bara að segjast hafa skilning á stöðu greinarinnar,“ segir Halldóra. Sér finnist flestir alþingismenn vera jákvæðir í garð íslensks landbúnaðar, sérstaklega í aðdraganda Búnaðarþings, og þeir margir hverjir farnir að sjá mikilvægi matvælaöryggis.

MAST lítið inni í alifuglarækt

„Svo verður MAST að fara að gera raunhæfar kröfur í garð greinarinnar og óþolandi er hversu margir eftirlitsaðilar hjá MAST virðast vita lítið um alifuglarækt og lítið virðist vera tekið tillit til aðstöðu smáframleiðenda,“ segir hún.

Halldóra telur að neytendur séu besta eftirlitið. „Ég sjálf hef talað fyrir því að ríkið eigi að koma að kostnaði við merkingu og rekstur á íslensku búvörumerki.

Það er endalaust verið að setja aukna greiðslubyrði á bóndann einan, verslanirnar og afurðastöðvar virðast sýna íslenska búvörumerkinu „Íslenskt staðfest“ lítinn áhuga. Ég lít á þessa merkingu fyrst og fremst sem upplýsingar til neytandans.

Það væri gaman að sjá ef íslensk búvara yrði almennt merkt með hinu nýja glæsilega búvörumerki, „Íslenskt staðfest.“

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...