Dagur íslenska fjárhundsins
Höfundur: Magnús Hlynur Hreiðarsson
Laugardaginn 18. júlí verður haldið upp á dag íslenska fjárhundsins úti um allt land.
Í Skagafirði verður dagurinn meðal annars haldinn hátíðlegur í samstarfi við Byggðasafn Skagfirðinga, en í tilefni dagsins verður frítt á safnið í Glaumbæ fyrir eigendur íslenskra fjárhunda í fylgd með hundunum.
Einnig verður eigendum og hundunum þeirra boðið heim að bænum Lýtingsstöðum í Skagafirði til að hittast og spjalla, skoða Sögusetrið og torfhúsin á staðnum. Í tilefni dagsins verður frítt inn fyrir alla á Sögusetur íslenska fjárhundsins á staðnum.
