Fjölbreytileiki íslenska sauðfjárins

Grámórauður botnóttur ungur hrútur horfir á framtíðina, Litningur frá Hellu.
Svartbaugótt gimbur með ísbláan hring í auga.
Svartbotnótt ung brúskær með strípur í brúsknum.
Morgolsubotnótt ær með morbotnóttan hrút.
Mókolótt fullorðin ær.
Svartgolsótt lamb sem er óvenjulega dökk írautt (gult) um skrokkinn.
Írauð- (gul-) og svarthálsóttir tvílembingar. Írauði liturinn á lömbum hverfur oftast nær af skrokknum er þau fullorðnast en heldur sér frekar á haus.
Hvítur lambhrútur, ferhyrndur.
Svartgolsótt feruhníflótt ung ær með myndarlegan brúsk.
Svartbotnótt arnhosótt hrútlamb með safranótta framfótarleggi.
Kolótt unglamb.
Fjárræktarfélagið Litur í Holta- og Landsveit leggur áherslu á ræktun mislits fjár. Þar mæta menn með mislitt fé á árlega sýningu þar sem dómar eru felldir og verðlaun eru veitt og annað skemmtilegt á sér stað.
Írauð (gul) ferukollótt brúskær.
Morflekkótt ær með hvítan lokkabrúsk á enni.
Morflekkótt lambgimbur.
Svartbotnóttur lambhrútur og svartbotnótt arnhosótt lambgimbur (arnhosótt = arnhöfðótt sem einnig er hosótt). Það er ekki óalgengt að hvítt er mun hvítara á flekkóttu (arnhosóttu hér) en á botnóttu.
Grá-jakobsbíldótt (grátt á nefi umhverfis augu og á eyrum) gimbrarlamb og svartbotnótt hrútlamb.
Grátt hrútlamb, rílótt.
Tveir mikilúðlegir félagar, mórauður tvíhyrndur og kolóttur ferhyrndur.
Ferhyrnd svartgolsótt ær með svartlúðótta gimbur.

Mest lesið

Þýskar heimsbókmenntir
3. desember 2025

Þýskar heimsbókmenntir

Kúabændur andvígir breytingum á búvörulögum
4. desember 2025

Kúabændur andvígir breytingum á búvörulögum

Laufey
3. desember 2025

Laufey

Gjörunnin matvæli ógn við lýðheilsu
4. desember 2025

Gjörunnin matvæli ógn við lýðheilsu

Þúsund ár og þúsund enn
4. desember 2025

Þúsund ár og þúsund enn