Bændur á Instagram

Elínborg Erla Ásgeirsdóttir stundar lífræna grænmetisframleiðslu í Breiðargerði og er með smá skógrækt. Hún sýndi frá grænmetinu sem hún ræktar og selur ferskt en einnig hefur hún verið að vinna ýmiss konar afurðir úr grænmetinu sínu.
Eydís Rós Eyglóardóttir, kjúklingabóndi á Vatns- enda, reið á vaðið í byrjun janúar. Sýndi hún frá daglegum verkum sem alifuglabóndi og fengu fylgjendur að sjá allt frá því að fuglarnir komu í húsin og til þess að þeir voru sendir í sláturhús.
Geitur eru kúnstugar skepnur og var gaman að fá að skyggnast á bak við tjöldin hjá bændum í Gilhaga í Öxarfirði. Spakmæli, ullarvinnsla og geitur að bera var m.a. annars það sem fylgjendur fengu að sjá en hvað er krúttlegra en nýfætt ungviðið?
Halldóra Kristín Hauksdóttir, eggjabóndi á eggjabúinu Græneggi, sýndi frá húsakosti sínum og skipulagi í varphúsum. Einnig sagði hún frá ferlinu sem fer af stað þegar eggið er komið úr hænunni og þar til það er komið í búðir.
Garðyrkjubændur í Garðyrkjustöðinni Heiðmörk í Laugarási í Biskupstungum, Óli Finnsson og Inga Sigríður Snorradóttir, sýndu frá grænmetisræktun sinni og allri vinnu sem fer fram á bænum. Fylgjendur fengu m.a. að fylgjast með uppskeru, þrifum, pökkun o.fl.
Hrossabændur í Kirkjubæ á Rangárvöllum, Hanna Rún Ingibergsdóttir og Hjörvar Ágústs- son, sýndu frá daglegum rekstri hjá alhliða hrossaræktarmiðstöð. Hjörvar talaði líka mikið um líkamlega og andlega heilsu og hvað það skiptir miklu að huga að því
Bændurnir í Laxárdal, Petrína Þórunn Jónsdóttir og Björgvin Þór Harðarson, leyfðu fylgjendum að skyggnast bak við tjöldin hjá sér en þau eru með svína- og kornrækt. Einnig eru þau með kjötvinnslu sem þau kynntu fyrir lesendum.
Ísak Jökulsson er kúabóndi á Ósabakka og sýndi frá búskap sínum í lok janúar. Ísak var mjög virkur og leyfði okkur að fylgjast með daglegum uppátækjum sínum.
Í Reykjahlíð í Skeiða- og Gnúpverjahreppi er mjólkurframleiðsla ásamt uppeldi og kjötframleiðslu. Þau Ingvar og Melissa sýndu frá hinum ýmsu vorverkum sem kúabændur þurfa að vinna ásamt því að þau sýndu frá byggræktun sinni.
Taka snoð, fósturtelja, taka í gegn gamalt hús og svipmyndir frá Búnaðarþinginu er eitthvað af því sem Steinþór Logi Arnarsson, sauðfjárbóndi í Stórholti, sýndi frá.
Á Ytri-Hofdölum í Skagafirði var sauðburður að byrja og Þórdís Halldórsdóttir á fullu í undirbúningi. Á Ytri-Hofdölum er blandaður búskapur, kýr, hross og kindur, svo margt var að sjá.
Eyjólfur Ingvi Bjarnason sýndi okkur mikið frá skógrækt og útiræktun á grænmeti en hann er sauðfjárbóndi í Ásgarði í Hvammssveit. Einnig fjallaði hann um tekjur búsins og samsetningu þeirra sem vakti áhuga hjá fylgjendum Bændablaðsins.

Mest lesið

MS heiðraði sjö starfsmenn
14. janúar 2025

MS heiðraði sjö starfsmenn

Að bera kvíðboga fyrir óvissri framtíð
17. janúar 2025

Að bera kvíðboga fyrir óvissri framtíð

Stóra viðfangsefnið að styðja við unga bændur
17. janúar 2025

Stóra viðfangsefnið að styðja við unga bændur

Um hundrað stóð í blóðtöku árið 2024
16. janúar 2025

Um hundrað stóð í blóðtöku árið 2024

Gervivísindi og fataleysi?
15. janúar 2025

Gervivísindi og fataleysi?

VesturbyggðSkipulag