Hér er vaktin staðin við Arnheiðarstaða- og Brekkugerðisdilka. Komið var upp skemmtilegum skiltum við dilka Melaréttar árið 2021.
Réttin er rúmlega hundrað ára gömul og hlaðin grjóti úr Bessastaðaá. Hún sætir eilífum viðgerðum þar sem grjótið er ekki gott til hleðslu og hrynur undan réttarati og veðrum, eins og gengur.
Gestir og brottfluttir koma gjarnan í Melarétt ásamt heimafólki og ævinlega er margt um manninn á réttardegi. Gjarnan er boðið upp á veitingasölu, lifandi tónlist, söng, handverk og jafnvel sögulestur og glímu, ef þannig stendur á.
Þessar snöru stúlkur drógu skjáturnar nauðugar viljugar í rétta dilka og létu sauðþráann í fénu ekki aftra sér frá því að koma því á sinn stað.