Frá viðburðinum á Bessastöðum í dag. Helena, Knútur Rafn og Guðni Th.
Frá viðburðinum á Bessastöðum í dag. Helena, Knútur Rafn og Guðni Th.
Mynd / Skjáskot
Fréttir 7. janúar 2021

Friðheimar er fyrirmyndarfyrirtæki Ábyrgrar ferðaþjónustu

Höfundur: smh

Í dag, á degi Ábyrgrar ferðaþjónustu, veitti Guðni Th. Jóhannesson forseti Íslands garðyrkjubýlinu og hestamiðstöðinni Friðheimum í Reykholti hvatningarverðlaun Ábyrgrar ferðaþjónustu.

Í Friðheimum eru ræktaðir tómatar allan ársins hring í raflýstum gróðurhúsum og tekur fjölskyldan á móti gestum og sýnir þeim hvernig ræktunin gengur fyrir sig og gefur að smakka. Þá er boðið upp á hestasýningar í Friðheimum, en þar er einnig stunduð hrossarækt. Það eru hjónin Knútur Rafn Ármann búfræðingur og Helena Hermundardóttir garðyrkjufræðingur sem reka Friðheima ásamt fjölskyldu sinni.

 Í rökstuðningi dómnefndar segir að Friðheimar sé fjölskyldufyrirtæki sem hafi vaxið og dafnað í gegnum árin með það að markmiði að ganga vel um og virða náttúruna. „Umhverfismál eru eigendum hugleikin, þau hafa verið í hvatningaverkefninu Ábyrg ferðaþjónusta frá upphafi. Þá er fyrirtækið með bronsvottun Vakans og stefna þau ótrauð á gullið.

Fyrirtækið leggur mikla áherslu á réttindi starfsfólk. Nýliðaþjálfun og fræðsla er til fyrirmyndar enda er starfsfólk hjarta fyrirtækisins eins og þau segja sjálf. Á ný liðnu ári var lögð áhersla á að halda öllu starfsfólki og byggja upp sterka innviði fyrir bjartari tíma.

Á Friðheimum er lögð áhersla á stuðning við nærsamfélagið m.a. með því að versla í héraði auk þess sem að allir gestir eru upplýstir um ylrækt á Íslandi og þá merku sögu sem svæðið hefur að geyma. Fyrirtækið leggur áherslu á nýsköpun og tileinkar sér umhverfisvænar lausnir, má þar nefna aðferðir til að minnka matarsóun og lágmarka kolefnisspor.

Friðheimar eru lifandi dæmi um hvernig íslenskt hugvit þar sem landsins gæði geta orðið til þess að skapa einstaka upplifun í ferðaþjónustu. Upplifun sem tengir saman marga þætti og styður við þá hugsun að nýta landið á sjálfbæran hátt, fræða, skapa, upplifa og vinna saman að því að bæta umhverfi og samfélag.

Dómnefnd vill jafnframt koma því á framfæri að tilnefningar að þessu sinni voru mjög frambærilegar og vel rökstuddar. Það væri greinilegt að mörg fyrirtæki eru að standa sig frábærlega, svo eftir því er tekið. Af þeim sökum var val dómnefndar alls ekki einfalt. Það var þó einróma niðurstaða dómnefndarinnar, þegar allir þættir voru teknir saman, að Friðheimar séu vel að þessum hvatningarverðlaunum komin.

Uppbyggingin á Friðheimum getur verið okkur öllum innblástur um hvað hægt er að gera með íslenskt hugvit og íslenskt hráefni í höndunum og ábyrga ferðaþjónustu að leiðarljósi.“

Verkefninu um Ábyrga ferðaþjónustu hefur verið haldið úti frá 10.janúar 2017 en hátt í 200 fyrirtæki um allt land taka virkan  þátt í verkefninu í gegnum fræðslufundi, vinnustofur og viðburði. Framkvæmdaaðilar eru Íslenski ferðaklasinn og Samtök ferðaþjónustunnar í samstarfi við FESTU, félag um samfélagsábyrgð.

 

Hallar á landbúnað í fyrstu úthlutun
Fréttir 22. janúar 2021

Hallar á landbúnað í fyrstu úthlutun

Nokkur skortur gætti á beinum landbúnaðarverkefnum við fyrstu úthlutun Matvælasj...

Rafbílarisinn Tesla tapar fyrir sandeðlum í Þýskalandi
Fréttir 22. janúar 2021

Rafbílarisinn Tesla tapar fyrir sandeðlum í Þýskalandi

Þýskur dómstóll úrskurðaði þann 17. desember síðastliðinn að Tesla þyrfti að lút...

Hrúturinn Svarti-Smári frá Vatni er héraðsmeistari
Fréttir 22. janúar 2021

Hrúturinn Svarti-Smári frá Vatni er héraðsmeistari

Út af dálitlu sem hefur angrað heiminn síðustu mánuði var ekki hægt að halda hau...

Þóttust vera eftirlitsmenn MAST
Fréttir 21. janúar 2021

Þóttust vera eftirlitsmenn MAST

Matvælastofnun hefur óskað eftir rannsókn lögreglu á atburði þar sem tveir einst...

NAWA Technologies komið með einkaleyfi á „byltingarkenndum” bílarafhlöðum
Fréttir 21. janúar 2021

NAWA Technologies komið með einkaleyfi á „byltingarkenndum” bílarafhlöðum

Undanfarna áratugi og enn frekar á síðustu árum og misserum hafa látlausar frétt...

Hæstu styrkir til BioPol og Sýndarveruleika
Fréttir 21. janúar 2021

Hæstu styrkir til BioPol og Sýndarveruleika

Uppbyggingarsjóður Norðurlands vestra hefur úthlutað styrkjum til fjölmargra og ...

Kemst allt að 640 km á einni fyllingu
Fréttir 20. janúar 2021

Kemst allt að 640 km á einni fyllingu

Toyota setti á markað í Banda­ríkjunum í byrjun desember, 2021-útgáfu af sportle...

Gjöf til uppbyggingar á skólamann- virkjum í Varmahlíð
Fréttir 20. janúar 2021

Gjöf til uppbyggingar á skólamann- virkjum í Varmahlíð

Stjórn Menningarseturs Skag­firðinga hefur ákveðið að hætta starfsemi og afhenda...