Vinsamlegast athugið að þetta efni er eldra en 4 ára.
Eitt af markmiðum EFTA-ríkjanna þegar samið er um fríverslunarsamninga er að tryggja réttlátan grundvöll fyrir okkar viðskiptaaðila til samanburðar við aðal samkeppnisaðila.
Eitt af markmiðum EFTA-ríkjanna þegar samið er um fríverslunarsamninga er að tryggja réttlátan grundvöll fyrir okkar viðskiptaaðila til samanburðar við aðal samkeppnisaðila.
Fréttir 29. júlí 2019

Enn óvissa um áhrif Mercosursamnings á landbúnað

Höfundur: Erla Hjördís Gunnarsdóttir
Norsku bændasamtökin áttu krísufund með ríkisstjórn þar í landi á dögunum vegna verslun­ar­samnings milli Evrópu-sam­bandsins og Mercosur. 
 
Eitt af aðalatriðum viðræðnanna var hvaða áhrif þetta muni hafa á frekari samninga milli EFTA og Mercosur og ekki síst hvernig norskur landbúnaður muni koma út í hugsanlegum samningum við suður-amerísku verslunarblokkina. Þorfinnur Ómarsson, upp-lýsingafulltrúi á skrifstofu aðal-framkvæmdastjórnar EFTA, segir að þegar kemur að landbúnaði þá sé þeim hluta viðræðnanna, sem fjallar um verslun með vörur, enn ólokið.
 
Norsk stjórnvöld gáfu engin loforð eða ábyrgðir á fundinum fyrir því hvað muni gerast varðandi innflutning á nautakjöti og öðru frá Suður-Ameríku til Noregs en fulltrúar norsku bændasamtakanna upplifðu fundinn þó góðan og uppbyggilegan.

 
Það sé þó alveg ljóst frá hlið bændasamtakanna að landbúnaður hafi ekki nein verslunarsérleyfi til að gefa frá sér því Noregur hafi nú þegar „gefið frá sér kvóta út frá öllum hliðum“. 
 
Stórir útflytjendur og lágt verðlag
 
„Við lögðum áherslu á að ekki megi gefa út sérleyfi því þetta fjallar ekki eingöngu um nautgripakjöt heldur einnig kjúkling, ávexti og grænmeti. Verslunarblokkin sem EFTA er í samningum við er einn af stærstu útflytjendum í heiminum og er með mjög lágt verðlag. Við fengum þau skilaboð frá ráðuneytinu að það sé ekki rými til að flytja inn mikið meira kjöt til Noregs en bentu einnig á að þetta eru samningaviðræður og það þýðir gjarnan að gefa og taka ásamt nokkrum óvissuþáttum og þá veit maður aldrei hvað getur gerst. Í grunninn höfum við líkan skilning á áskorununum en að sama skapi vitum við ekki hvað getur gerst í viðræðunum. Þess vegna óskuðum við eftir þessum fundi því það er alveg skýrt að ekki má nota landbúnað sem samningaspil til að ná samningi,“ segir Björn Gimming, varaformaður norsku bændasamtakanna. 
 
Björn óttast að það verði eins konar samsíða milli þess hvað Mercosur náði í nýjum samningi við Evrópusambandið og því sem verslunarblokkin getur í prósentum talið verið gefið í komandi hug­sanlegum samningum við EFTA. Samkvæmt fyrsta samningnum er ljóst að 99.000 tonn af nautgripakjöti á smám saman í áföngum að flytja með mikið lækkuðum tollum. Brasilía mun fá meirihluta kvótans. Verðmiðinn fyrir landbúnað í Evrópusambandinu, samkvæmt norsku bændasamtökunum, er um 7 milljarðar evra. 
 
Landbúnaðarhlutanum ekki lokið
 
Samningaviðræðurnar milli EFTA og Mercosur um fríverslunarsamninga standa enn yfir og fór síðasti hluti þeirra fram í júní síðastliðnum í Genf. Var þetta níunda lota samningaaðila sem færðust nær lokaniðurstöðu viðræðnanna um alla þætti samningsins. Bæði EFTA og Mercosur hafa það markmið að ná farsælli niðurstöðu í viðræðunum hið fyrsta.
 
„Rétt eins og í nýgerðum samningi Mercosur við Evrópusambandið, þá er markmið EFTA að ná víðfeðmum fríverslunarsamningi við Mercosur sem nær til viðskipta með vörur og þjónustu, sem og fjárfestingar, opinber innkaup, hugverkaréttindi, samkeppni, viðskipti og sjálfbæra þróun, ásamt lagalegum álitamálum stofnana, þar með talið deilumálum. Í yfirstandandi samningaviðræðum eru hagsmunir og sérstaða EFTA-ríkjanna gagnvart Mercosur tekin með í reikninginn og öfugt. Eitt af markmiðum EFTA-ríkjanna þegar samið er um fríverslunarsamninga er að tryggja réttlátan grundvöll fyrir okkar viðskiptaaðila til samanburðar við aðal samkeppnisaðila. Þegar kemur að landbúnaði þá er þeim hluta viðræðnanna, sem fjallar um verslun með vörur, enn ólokið. Báðir aðilar vinna að því að bæta markaðsaðgang fyrir bæði framleiðendur og útflytjendur í EFTA og Mercosur, að því gefnu að tekið sé tillit til sérstakra útflutningshagsmuna og sérstöðu fyrir EFTA- og Mercosurríkin,“ útskýrir Þorfinnur Ómarsson, upplýsingafulltrúi á skrifstofu aðalframkvæmdastjórnar EFTA.
 
Styrkja vöruþróun út frá matarhefð
Fréttir 29. maí 2024

Styrkja vöruþróun út frá matarhefð

Tíu milljónum króna var fyrir skemmstu úthlutað af innviðaráðuneytinu til verkef...

Afhending Kuðungsins
Fréttir 28. maí 2024

Afhending Kuðungsins

Sorpa og Bambahús eru handhafar Kuðungsins árið 2024.

Leyfa gas- og jarðgerð úr matarafgöngum
Fréttir 28. maí 2024

Leyfa gas- og jarðgerð úr matarafgöngum

Matvælastofnun hefur nýlega tilkynnt um að Gas- og jarðgerðarstöð Sorpu (GAJA) h...

Heimaframleiðsla lögleg
Fréttir 28. maí 2024

Heimaframleiðsla lögleg

Heimaframleiðsla nefnist umgjörð sem sköpuð var til að heimila litlum aðilum í F...

Bjórinn Naddi sló í gegn í London
Fréttir 28. maí 2024

Bjórinn Naddi sló í gegn í London

Fjórir íslenskir bjórar frá KHB brugghúsi á Borgarfirði eystra hlutu bresk bjórv...

Listeríusýkingar vaxandi vandamál
Fréttir 27. maí 2024

Listeríusýkingar vaxandi vandamál

Tíðni listeríusýkinga í Evrópu fer vaxandi og samkvæmt greiningum á fyrstu þremu...

Göngustígar hjá Geysi
Fréttir 27. maí 2024

Göngustígar hjá Geysi

Framkvæmdir við nýtt gönguleiðakerfi á Geysissvæðinu í Haukadal í Bláskógabyggð ...

Minnsta framleiðsla í ríflega sextíu ár
Fréttir 27. maí 2024

Minnsta framleiðsla í ríflega sextíu ár

Alþjóðlegu vínsamtökin International Organisation of Vine and Wine (OIV) segja í...